والله اني حزين اليوم يابن الحلال
مير تكفى دخيلك لاتزوّد عناي
ازرق الدمع جاله فوق خدي مجال
اصبح الصبح لكن ماتغيّر مساي
يا تعاسة خفوقٍ جرحته الليال
طال دربي ولادري كيف ابلقى هناي
كن حزني يناديني فقدتك تعال
لو تبعدّت عنه تسير يمه خطاي
ياحبيبي وليلي جمرتين وسؤال
واكثر الوجد ما حس بوفاي وعطاي
المسافر يغني طوّل الارتحال
ذاك قلبي وحاروا فيه كل ( اعدقاي )
مابقى بي بقيه تلتهي بالجدال
باعتبر ما حصل لي منك كله خطاي
لايهمك ألم دنياي يابن الحلال
بس تكفى دخيلك لاتزوّد عناي
تعليق