الصديق المتنكر.................؟؟؟

[poet font="Simplified Arabic,14,black,normal,normal" bkcolor="skyblue" bkimage="http://nadawi.net/vb/images2/4.gif" border="double,2,purple" type=0 line=200% align=center use=sp char="" num="0,black"]
قصيدة تتحدث عن

الصديق المتنكر

الصاحب اللي على الضيقات يحداني

اخير من صحبته هجره ونسيانه

ماني على صحبته لن راح ندماني

والنفس ماهي على لاماه حسفانه

اللي ليا غبت بلسـانــه تــقــفــانـي

محتط لحمي على نيبانـه البانه

في ســاعة اقـفــاي بلـســانـه تولاني



لا اقبلت فل الحجاج وضحكت اسنانه

اقضي لزومه واكمل يوم ينصاني

وليا نصيته لحاجه عقد اجفانــه

لو ابذل الطيب كله فيـه مــابـاني

نفسه مريضه وبالاحــقـاد مـلـيـانـــه

لاكان له حاجةٍ بالـود يـلـقــانــي

ويحطنـي واحـد من جملة اخوانه

وليا قضى لازمه سرعه تناساني

لا شاف زولي تلفت واطرق اعيانـه

واليا دعيته وانا في ضيق ماجاني

وانا الذي متعب الرجلين من شانه

وانامعه بالوفا في كــل مــيــداني

مشاركة في تفاريحــه وفـحـزانـــه

مغليه واثره عدو والد عــــدواني

كم واحدٍ يحسب ان اعداه صدقانه

اليا نصحته عن الهفوات يعصاني

الله مكثر تماريده وعـــصــيــــانــه

طبعه مزاجي يشكل كل الالــواني

والسد لا اوحاه شعشع به ولا صانه

اليا عمل حاجه فالناس مـنــــاني

الحسد والغل كله بين ضــلـعـــانــه

قلبه لو اني في اضيق حال مـالاني

من الحسد يحسد الميت على اكفانـه

من يكسب الفيد من معدوم الاحساني

اللي يرى كل من فالكون عدوانه

من يكسب الفيد من معدوم الاحساني

اللي يرى كل من فالكــون عـدوانــه

والوقت عن صحبة الغشاش ربــاني

اللي يغش العرب ياكبر شيـطـانـه

ابوي عن صحبة الاندال وصـــــاني

وصاة عاقل مجرب شفت برهانــــه

اللي يصاحب قليل الدين خســراني

والكير من يقربه تعـمـيـه دخــانـه

رفقة عدو خير من ملقوف يجـفـاني

لا شـافني ضـاق كنه بطن زنزانـه

بعد المعاريف مني ســـار زعـــلاني

ولاهمني ضـيــقـة المقـفي ونكرانه

هاذي طبوع البشر في كـل الازماني

صنفين معدن ثمين وبيضة اسمانه

وجدت فالجتمع لـولـو ومـرجـــاني

والجاهل اللي يحسب اللؤلؤ صــوانه

وفالناس معــدن ثمين وغال الاثماني

وفالناس معدن رخيص ارخيصه اثمانه

وفالناس راعي وفـامن قلب ولسـاني

الطيب متوارثه من عهــد جـدانــــه

صدوق في صحبته والصـدق سلطاني

والزاد والملح يلـزم بـه ولاخـــانــــه

ومن صاحب أهـل الوفـا لاشك كسـبـاني

دايم تجي منهم الفزعات والعــــانه

وفالناس ملقوف ويحب التــمــحــاني

والناس تخشاه من كثرة تمـحـانــه

عايش على زور فالدنــيا وبــهـــــتــــاني

وفالناس دايم لسانه مطلق اعنــانه

واللي يصاحب ضعيف النفس يـنهاني

وتقصر عن المورد المعدود ذرعانه

يعيش ويموت دون الجم ضـمــيـــــاني

تكفيه عضة بهامه بين نـيـبـــانه

ويحس الاوجاع صاحب كل وجعاني

وتسير نفسه طوال الوقت سـقمــانه

فوايده كلها حــســــرات واحــــــــزاني

ما ينفعه كثر حسراته ووجـدانه

واللاش لو يمتلك خاتم سليــــمــاني

قاصر عن الطيب بيدينه وبلســانه

يعيش ويموت بين الناس فــقـــراني

ماله يضيق بلد والنفس جيعـانه

لو يفقد اريال واحد صابه اجـنـاني

يموت من ضيقته ما فكه اجـنـانه

شحيح ما يدري انه ميتٍ فــــــــــاني

وتعيد الناس في بله وفي ضانه

والجود والبخل في تكوين الانساني

والجيد اللي رجح بالجود ميزانه

ما واحدِ عن رفيق النفس متــغـاني

وافضل صديقٍ تحبه صاحب اديانه

حصنٍ منيعٍ في الضيقات مــزبـاني

مبني على العز ما تنهار سيسانه

عند الشدايد يجي ما هو بمـتــــواني

ما كل موقف شديد يزعزع اكيانه

يدلي برايه ليــــا ذهلن الاذهــاني

صنديد عند اللزوم يـســد ديـــانه

صاحب رجوله وراعي دين وقراني

ونفسه على رفقة الاجواد ولهانه

الصدق منهاج له في سر واعلاني

كلٍ يجازيه بحـسـانه وعــرفـــانه

ومن ماله اصحاب طير بغير جنحاني

والطير ماله غنىعن ريش جنحانه

ولاكل طيرٍ يشيل الريش شيـهـــاني

ما كل عودٍ تظلل غيره اغصـانه

ولاكل من يملك الالوان فــنـــــــاني

ولاكل ضلعٍ يسيل الماء بصفيانه

واخير من صحبة القاصين والـداني

الواحد اللي نبي مده وغفـرانـه

اليا دعيـته وانا مـحـتاج اعطـــاني

الواحد المعتلي فالكون سبحانـه

خلاق رزاق واحد مـــاش له ثاني

الناس تحياعلى عطواه واحسانه

اليا دعيته وانا في ضيق نــاجــاني

عن دعوة المكترب ماصك بيبانه

واليا دعيته وانا وجعان شـافاني

عطوف بالمومن المحتاج ماهانه

وصلاة ربي عدد ما تمطر امزاني

على محمد رسول الله واعوانــه

صحابة افضل نبي للناس والجاني

من حظهم خصهم ربي برضوانه

[/poet]
(((((((للــــــــــــــــــــشاعـــــــــــــــر القدير)))))))))))
(((((((((((الحـــــــــــارثي.....)))))))))))))

بسم الله الرحمن الرحيم

أخوي : علي المسروري ..

صح الله لساااااااااااااااااااااااااااااانك ... وسلم الله قلبك ...

قصيده جميله جدا .. بجمال قلمك .. وطيب ذاتك ...

جزله ومن راس جزل ......وافيه وانت وافي طال عمرك ..

سجل اعجابي ............................. وتقبل تحياتي ............................

رفيق دربي علي المسروري

صح لسانك ياجزل



تحياتي لك

السلام عليكم ...




معلقة يالمسروري لا هنت عليها ...




وانا اشهد انها طالعة من القلب يا حكيم الشعر






ماني على صحبته لن راح iiندماني


والنفس ماهي على لاماه iiحسفانه

صحححححححح لسانك

قصيده نقيه شامخه مثل شاعرها تماما



الله يحمينا ويحميك من شر هالاصدقاء ياعلي


وصح لسانك علي هذه الجميله



أخوك,

صـح لسانك ولا هنت ....



قصيده رااائعه وجزله ....


من شاعر اروع .. ومضمون مهم جدا ...


تحياتي واعجابي

بسم الله ,,

اخي الغاااالي / علي المسروري,,

صح لسااااااانك,,

ولاهنت,,

وافيه من وافي,,

وجزله من شاعر جزل,,

وتقبل تحياااتي
اخووووك

السلام عليكم



اخي الكريم الشاعر علي المسروري



اسعد الله اوقاتك بالخير





رائع جدا تمتاز بكلمتك القويه والمعبره الذي لها صدى في ذهن المتلقي لما تحويه من عبر وحكم قيمه نحتاجها في وقتنا الراهن





اشكرك على هذا النزف المتدفق





وتقبل خالص تقديري

صح بدنك يااخي

جميل ابن زريع

ولاهنت على تواصلك وكلماتك الرائعة

والقصيدة ياالربع لشاعرنا القدير الحارثي ولاهنتوا مليااااااار................

الاخ الشاعر علي


هلا والله ومرحبابك وبالجزله اللي امتعتنا




عزالله صاح
الصاحب اللي على الضيقات iiيحداني


اخير من صحبته هجره iiونسيانه


ماني على صحبته لن راح iiندماني


والنفس ماهي على لاماه iiحسفانه

---
ذكرتني بيتين لفهد المحيشر يقول

اللي يجنب محلي ما علي منه.... ان مر قلنا هلا وان راح مسموحي
لا صار مابه رفيقن وافيٍ فنه ..... كثر المشاريه غربال(ن) على روحي




صح السانك ولا هنت

لاهنت اخي ابراهيم

على ردك الطيب

ولاهنت يارفيق الدرب...................

أخوي علي


صح لسااااااااااااانك يا المبدع



ولا هنت



جزله من راسٍ جزل



ووااااااااااااااااافيه




وقد قالوا 00

اللي كل الناس عنده سوى00
هذاك علّته ما لها دوى


وقال الشاعر00

جزى الله الشدائد كلّ خيرٍ00
0000عرفت بها عدوّي من صديقي

صح لسانك يا الجزل

وما قصرت



تقبل تحياااااااااتي

الاخ الشاعر علي المسرووري ,,,,,,











قصيده جزله ومعبره للشاعر الحاارثي ,,,,,,,











والله انه جزل , وانت جزل يا علي باختياراتك الطيبه ,,,,,











صح لساانك ولسان شاعرها ,,,,,,













ولا هنت يا علي ,,,,











تقبل تحياتي ,,,










ابو اصاله

الشاعر علي المسروري



اختيار رائع يدل على ذوقك الرفيع



لا هنت و لاهان شاعرها


تسلم يمينك يا علي



تقبل تحياتي




اخووووووك

[poet font="Simplified Arabic,14,seagreen,normal,normal" bkcolor="" bkimage="http://nadawi.net/vb/images2/24.gif" border="ridge,9,gray" type=0 line=200% align=center use=sp char="" num="0,black"]

وجه ىل عظيه.........





قصيده جميله.........



لاهنت...............