عضو جديد وهذي نزالتي لكم

هلا بالجميع في هالمنتدى الرائع واتمنى اني اكون ضمن هالكوكبه النيره اللي كل يوم تتحفن بالجديد المثير في عالم الشعر الشعبي وهذي اول مشاركه لي وعقبال الألف ان شاء الله

--
ليل هاك الجدايل طــال مـســراه
.... بيـن تفـسيـــر حـلم وبيـن امانـي
يوم حد الغلا قلبي على أقـصــاه
.... شــرّع الـقـلــب بيـبان المحـانـي
ما رمـانـي ولـكن قـلــبي ادمـــاه
.... عـــاد وشـلـون لا مـنــه رمـانـي
لا نـقـض ليـل مـجـدولـه وخــلاه
.... قلـت وش هالظلام اللــي غشاني
لو يـمــر الـبـحـر شـاطـي شفايـاه
.... صـار بحــر الخليج فــرات ثاني
ويـن ابـلـقاه مـدري ويـن ابـلـقـاه
.... دامـــه بكــل ذره فــــي كـيـانـي
ادري انه نسى المـوعـد ولا جـاه
.... بــس لـيتـه نــســـاه ولا نســانـي
لو عيونه بحــرهـن مـا ركــد ماه
... شـط الاهداب صار اجمل مواني
يكفي انه حفـظ شـعــري وغــنـاه
.... وابتـسملـي وقـال ادري عشانـي
كل ما ترتســم بسمـه عـلى شفـاه
.... أشعـر انـه يـجــاملــني زمــانـي
ليه احبه واحـب اسـمـه وطـريـاه
.... يـوم اخذ دم قلبــي وش عطانـي
غاب وان شفت نفسي قادر انساه
....قــلت ربي كتــب لي عمر ثانـي

=======

متعب التركي

هلا هلا بفتى القرائن

جديد وعلومة طيبة انشا الله اختيارك موفق ابشرك ويا مرحبا فيك ومسهلا

بسم الله الرحمن الرحيم ...

ياهلا وسهلا ..

حياك الله ..
وشكرا على القصيده الزينه هذه

صح لسانك وسلمت اناملك