اللويحان000000000000والحنضل

بسم العزبز الحكيم

هذه القصه حدثت للشاعر الكبير عبد الله اللويحان يرحمه الله وكان بصحبة الملك سعود الا دولة مصر0

وفي يوم من الأيام طلعوا الأخويا يتمشون على النيل, واثناء تنزهم لقوا الحنضل (اشري0 الحدج) شبعان من الماء وصاير كبر الحبحب0

وصار بين الجماعه جدل الا هذي حنضله اللا هذي حبحبه , المهم فتحوا وحده منها وذاقوها ويلا والله مايحتاج (عبدك على عهدك) الا وزايدة مرارتها, فتحركة قريحة الشاعر اللويحان وانشد قائلا000

هذا مثل يافاهمين التماثيل 000كل يجي فعله بحسب اقتداره

من عاش في حيله وكذب وتهاويل000 ياسرع من عقب الطلوع انحداره

الطيب يخلق في قلوب الرجاجيل000 ماهوب فالبنك التجاري تجاره

والحنضله لو هي على شاطي النيل000 زادت مرارتها القديمه مراره


(مشهور)

شكرا اخوي مشهور على القصة

وذكرتني بشعر الامير خالد الفيصل

اللي يقول فيها..

كلن يرجع لاصل جده ومرباه ** راعي الشرف يشرف والانذال يهبون

العود من فرعه شرابه ومرباه ** والحنظلة مرة ولو تشرب مزون


سلمت اناملك

في انتظار جديدك

الا خ مشهور حياك الله في منتدى القصه والابيات.... اشوفنا منورين هنا الله لا يهينك على هالمشاركه وترانا نتابع مشاركاتك في المنتدى بكل اعجاب .. لا تحرمنا هنا بعد من نبعك تراك كريم وحنا نستحق


اخوك / الساهر

[تم تعديل الموضوع من قبل الساهر بتاريخ 01-08-2001 الساعة 12:45 ]

بسم الله الرحمن الرحيم

قصه حلوه ..

شكرا لك ..