Tweet
<<
حلـق الطــرق وبـواقـيــه أستغــاثت بـالـبقيــه
لا تخلينــي طــريحــه بـس مـا يـمـلك خيــاره
كل ما حطـّــت وطـارت لازم تخلـف ضحيه
لين ما ياصل سوى اللي ما وصل الا بجداره
وكان مـا جــات القصيــده من شوايبـها نقيـه
كان والله ماتســاوي جــزء مـن هــم أنتظاره
والقصيـده من ذكـاء الشاعـر تجي مثله ذكيه
وكل معــدن للتفاعـل له ترى نسبـــة حـراره
الحذيــه ياشعــر قال الشّعـــر جتـك العـطيــه
الله الله مـن يجـــاور للـشـعــر يفـخــر بجـاره
أبـدويً كـل مـا جـاني وايلا يسـحــب طليـــه
من كــرم جـاب الذبيـحــه لــوّها جيــة زياره
مــرّ صبحنــي ومــرً زارنــي عنــد العشيـــه
قـلـت وش عنـدك وقـال أنـا أدور أسـتـشـاره
ماتشـوف سهيــل باهــت ما طلـع طلعه بهيه
وما تشــوف الليل ساكـن ما يريحنـي قـراره
صمـم الشاعـر قصيــده والنحـل صمـم خليه
النحـل من شمـع والشاعـر يصمـم من عباره
أرتفـع ياطيـر عن ضيمك عسـى ما بيك بيّـه
ما يضيـم الطير غيـر اللي جهل فن الصقاره
من عــرف سجـع المعانـي ما لقى فيها رديـه
ومن جهل معنى الإثاره كيف يشعـر بالإثاره
أن بغيــت أختــار طـرقــي لو لـغـاتً أجـنبيـه
أخترع لحـروفً آخـرى تشبه حـرف الأشاره
أستـدارت وأستمـالـت بالغصـون اللي طريـه
نغــمــةً مـا حـلـلــوها لــو يـودوهــا الــوزاره
مثـل لفتات الحـذر فـي عيـن عـذرا وابدويــه
يوم صاحت تعتـزي بعيـونها قــدح الشـراره
من سمعـها تعتـزي لجـّت به عـروق الحميـه
لا أعتزت عــذرا البدو كلً يرى هالثار ثاره
ألتـــوى راس القلــم كنـّــه يبــي منــي هديــه
والقلم يدخـل معي في مرحلة رقصات زاره
لازم أعـزف له على المطلوب نغماتً شجيه
ومن يغنـي للقلـم لحنـه فهـي راس الشطــاره
فـيـه شعـّـــار يجــون الـشعـــر بالينــه بليـّــه
مثل سـواقً يسـوق بدون رخصه وأستـمـاره
ولـو أنا ما احسـب حسـاب لردة الفعل القويه
كان والله تسمعــون لشعـر من شعـرالصداره
بس أنا خــذت الشعــر من باب فاتــح للشهيه
ما اقدر أتصور حياتي دون ما شعر وعباره
آسف إن طالـت عليكـم هالفصول المسرحيـه
بس أنا مضطــر أوقفـهـا بعــد رفــع الستـاره
__ ذهب __
حلـق الطــرق وبـواقـيــه أستغــاثت بـالـبقيــه
لا تخلينــي طــريحــه بـس مـا يـمـلك خيــاره
كل ما حطـّــت وطـارت لازم تخلـف ضحيه
لين ما ياصل سوى اللي ما وصل الا بجداره
وكان مـا جــات القصيــده من شوايبـها نقيـه
كان والله ماتســاوي جــزء مـن هــم أنتظاره
والقصيـده من ذكـاء الشاعـر تجي مثله ذكيه
وكل معــدن للتفاعـل له ترى نسبـــة حـراره
الحذيــه ياشعــر قال الشّعـــر جتـك العـطيــه
الله الله مـن يجـــاور للـشـعــر يفـخــر بجـاره
أبـدويً كـل مـا جـاني وايلا يسـحــب طليـــه
من كــرم جـاب الذبيـحــه لــوّها جيــة زياره
مــرّ صبحنــي ومــرً زارنــي عنــد العشيـــه
قـلـت وش عنـدك وقـال أنـا أدور أسـتـشـاره
ماتشـوف سهيــل باهــت ما طلـع طلعه بهيه
وما تشــوف الليل ساكـن ما يريحنـي قـراره
صمـم الشاعـر قصيــده والنحـل صمـم خليه
النحـل من شمـع والشاعـر يصمـم من عباره
أرتفـع ياطيـر عن ضيمك عسـى ما بيك بيّـه
ما يضيـم الطير غيـر اللي جهل فن الصقاره
من عــرف سجـع المعانـي ما لقى فيها رديـه
ومن جهل معنى الإثاره كيف يشعـر بالإثاره
أن بغيــت أختــار طـرقــي لو لـغـاتً أجـنبيـه
أخترع لحـروفً آخـرى تشبه حـرف الأشاره
أستـدارت وأستمـالـت بالغصـون اللي طريـه
نغــمــةً مـا حـلـلــوها لــو يـودوهــا الــوزاره
مثـل لفتات الحـذر فـي عيـن عـذرا وابدويــه
يوم صاحت تعتـزي بعيـونها قــدح الشـراره
من سمعـها تعتـزي لجـّت به عـروق الحميـه
لا أعتزت عــذرا البدو كلً يرى هالثار ثاره
ألتـــوى راس القلــم كنـّــه يبــي منــي هديــه
والقلم يدخـل معي في مرحلة رقصات زاره
لازم أعـزف له على المطلوب نغماتً شجيه
ومن يغنـي للقلـم لحنـه فهـي راس الشطــاره
فـيـه شعـّـــار يجــون الـشعـــر بالينــه بليـّــه
مثل سـواقً يسـوق بدون رخصه وأستـمـاره
ولـو أنا ما احسـب حسـاب لردة الفعل القويه
كان والله تسمعــون لشعـر من شعـرالصداره
بس أنا خــذت الشعــر من باب فاتــح للشهيه
ما اقدر أتصور حياتي دون ما شعر وعباره
آسف إن طالـت عليكـم هالفصول المسرحيـه
بس أنا مضطــر أوقفـهـا بعــد رفــع الستـاره
__ ذهب __
تعليق