Tweet
يالفانيه ولّي عسى مالك رسوم !!!
سلام الله ورحمته على كل من قرأه..
قصيده قديمه و هي نصيحه موجهه لأخي الأصغر..
[poet font="Arial,14,darkred,normal,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
يالفانيه ولّي عسى مالك رسوم=ماعدت انا لاقبال حظّك شفيقي
دنياً نقوم وتدمي الكبد بوسوم=و زودٍ علينا كل يومٍ تضيقي
ما عاد نعرف في سياساتها سلوم=دربٍ يتيّهنا ودربٍ يعيقي
ابوك يادنياً غدت للملا هموم=وكلٍ لاجل مشهاتها اصبح عشيقي
أوّاه انا من غدرها اليوم محموم= و عزّي لمنهو في وهمها غريقي
يا حسين اخذ من ناصحك جملة علوم=ياليت عينك في ضميري تويقي
مبنىً على الكذبات لا شك مهدوم=بالك ترى الكذّاب دربه زليقي
و ان همت شدّ الحيل بالصبر وعزوم=عمر المنى ما بلّ ريقك وريقي
وليّاك تقنط وافطن الرزق مقسوم=والله ما كلّفك ما لاتطيقي
والجار والصاحب لهم حقّ معلوم=خاو الك شغمومٍ بقدرك يليقي
وان قلّ خيره فاعتبر فعله ردوم=لا يفجعك وقت اعتذار الصديقي
حيث البشر ماهو من العيب معدوم=ادمح لزلاّته بجاشٍ عميقي
وان طعت شوري عن غثا الفانيه شوم=وبالوقت هذا لاتدوّر رفيقي
ياكود وجهٍ باقيٍ لك على الدوم=ربٍ رحيم وفي عباده شفيقي
ما قصدي مقاطع ترى الوصل ملزوم=خلّك على ماقيل عابر طريقي
وترى العمر خطٍ على الطول مرسوم=والموت قاطع له لزومٍ تفيقي
اليوم موجودٍ وبالغد مرحوم=تذكّر السودا و هاك الشهيقي
وارغب لربّك بالسحر و اوّل اليوم=عقب التعب تسقى لذيذ الرحيقي
ابيات يزهاها شذى عرف يشموم=تنصاك يا راع الحجاج الطليقي
وختامها صلّوا على صفوة القوم=نبيّنا محمّد , وتمّ اتحقيقي
[/poet]
وسلامتكم
تعليق