ما تنلامون

اختي الكويتيه العنيده تسلمي على القصه تراني تعلقت بها ارجوك الحقينا ... وين باقي الحلقات,,

تسلمي و سلم خيااااااااااك يا اجاثا كرستي الكويت

بمناسبة جيتك هنا ياذوووق المعاني

ياذوووق هذي مشاهد تسويها عندنا العنيده الله يسلمها والتقصير من عندنا يوم ما كملت القصه , حنا تكفلنا بالاخراج والتصوير وبلشنا ..... خربت علينا الكيمره ... افزع لنا باللي عندك اللي سويت فيها تقريرك الخطير عن معمل النداوي

حياك الله ...... ويامرحبا بالجميع

اخوكم / الساهر

[الكويتيه العنيده]

شكرا لكم اخوانى

مساء الخير
********

الاخوان ذوق المعانى والساهر


شكرا للمتابعه وابشروا بالخير

تحياتى يا متابعين العنيده

تعالوا نكمل الجزء الثالث ...... الى هناك

[الكويتيه العنيده]

الفصل الثاني - الجزء 3


(2 _ 1 )
تكملا لما سبق ...

بعد مضي 3 اشهر تفاجا (...) بوجود الفتاه في مكتبه ... استغرب ماذا تريد ..؟؟ قدمت اوراقها له لديها معامله في نفس القسم الذى يعمل به ... اتم لها المعامله وانجزها على اكمل وجه ... وهى تنظر اليه بنظره فيها اعجاب *_^ الظاهر البنت وقعت في حب (..) هو حس بالموضوع وبادلها الاعجاب وصارت بينهم محبه وألفه وعرف انها منفصله " مطلقه " ... وهو في المقابل يحاول ان ينسي حبه اللى فات ... قال اجرب معها يمكن انسي ما مضي .... استمر في معرفتها مده سنه وهو يخرج معاها كل مكان ويسهر بصحبتها ... وهو يعلم انها سوف ترجع لزوجها ...!! لكنه فضل ان يستمر معها حتى ينسي الماضي ... كانه يخدع نفسه ... الفتاه لم تحبه بالمعنى الصحيح لانها كانت نزوه في حياتها تريد ان تنسي مشكلتها مع طليقها ... وهو اوهم نفسه بانها تحبه ... طلبت منه ان تنهي العلاقه .. لانها تفكر جديا بالعوده الى زوجها السابق ... قال لكي ما طلبتى ... ذهبت الاخري في طريقها .... تاركه في صدر ذلك الشاب جرحن اخر ... توجع منه وظل يندب حضه العاثر مع النساء ....

تمر الايام والشهور حتى فكر في اكمال تعليمه خارج البلاد ... هربا من قصصه ومشاكله وواقعه الاليم ....

نكمل البقيه على خير في الحلقه القادمه

بسم الله الرحمن الرحيم

رائعه ( ولو انها ماخلصت )
بس رائعه .. ياكويتيتنا المبدعه ..





في انتظارك ..

[مهاجر]

لو كل من قال آه تبرى شكاياه *** أكثرت من قول آه وأبريت روحي
تحيات أخوكم مهاجر؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛



[تم تعديل الموضوع من قبل مهاجر بتاريخ 02-05-2001 الساعة 02:34 PM]

[الكويتيه العنيده]

انتظروااااااااااا

مساء الخير
*********

الاخت الغاليه هيوفه
الاخ العزيـز المهاجر


انتظروا الجزء الرابع قريبا واسفه ترا طولت عليكم لكن والله وقتى صاير ضيق جدا لكن ابشرووووووا بكل خير

تحياتى لجميع من تابع القصه

لاحول ولاقوة الابالله
ياكويتيه ياعنيده الحين المشكله ماهيب في الولد .....المشكله
صارت فينا !!!!!!!!!!!
كل شوي وانتي مقطعت قلوبنا """""""الفصل الاول ,,,,, الباب الثاني """""""""" الفصل الرابع,,,,,,,,,, الباب الخلفي
يامعوده دزي لي القصه في الايميل تكفين ...... كأني داري وش بيصير للمسيكين في الخارج يمكن يطيح في غرام ((( برتني )))
وبعدين تتزوجه ثم ينصدم ولاعاد يتصلح ههههههههههه
باااااااااي


عل فكره ويييييييين البرنامج ^^^^^^^^^^^ ماشفت شي


بحــــــــــر

[تم تعديل الموضوع من قبل بحر بتاريخ 02-08-2001 الساعة 05:08 PM]

[الكويتيه العنيده]

هلا بحر

مساء الخير

هلا اخوي بحر

سامحنى ما اقدر ارسل القصه كامله خلك متابع المسلسل المدبلج هنا في النداوي


انتظر وراح تشوف النهايه المؤلمه والقاسيه لهذا الشاااااااب قريبا .

والبرنامج راح يعرض في وقت اخر انتظر منى ايميل اذا تحدد موعده

تحياتى والى اللقاء

[الكويتيه العنيده]

الجزء الرابع

مساء الخير جميعا
*************

اكمل الجزء الرابع


حزم الشاب امره وذهب لاكمال تعليمه بالخارج ... قدم اوراقه وتم قبولها بالكليه ... واستاجر شقه واخذ يداوم على دراسته بانتظام وبجد واجتهاد في ظل الغربه القاسيه درس سنتين ونصف بتقدير جيد جدا ... وتمر الايام ويلتقي بشباب من نفس جنسيته في الكليه وتم التعارف فيما بينهم وكون صدقات ... وشاركهم جلساتهم ولعبهم ... تعود عليهم وهم تعودا عليه كانوا يتفقون كل خميس على الذهاب للنادي ليلعبون كره القدم ... وكان البعض منهم لا يحب هذى اللعبه وكانوا يقضون اوقاتهم في تسليه اخري ... لاحظ الشاب ان عدد اصدقائه قليل سئل اين الباقي ؟ اجابوا موجودين في المكتبه على النت ..!! قال شنو النت ؟ ... واحد يضحك عليه يقول انت بالجامعه ولا تعرف شنو النت ..!! قال لا ما اعرفه علمنى شنو النت .. اخذوه الى المكتبه اللى بالنادي ودخلوا على ربعهم اللى قاعدين ... وشافهم قاعدين على جهاز كمبيوتر ويطبعون ويضحكون ..!!
تعجب وقال شنو اشفيكم تضحكون .؟ الشباب اللى بالغرفه قاموا يضحكون عليه .. لانه ما يعرف شنو القضيه ... امسكه واحد من الشباب وعلمه الموضوع من البدايه الى النهايه وعرف .. وقام وقعد عندهم كم يوم وتعلم على الشات بالنت وتصفح المواقع .
قعد كم يوم عند ربعه على النت اعجبه الوضع وشاف انه يضيع وقته الطويل اللى مو عارف وين يقضيه استمر على هذى الحاله لمده شهرين ... وتضايق من الشباب لانهم ازعاج قال اروح حق محل انترنت احسن لى بلا ازعاجهم ... داوم على الكافيه نت كل يوم ويروح ويقضى الساعات بالنت ... وتمر الايام ويتضايق من الكافيه نت ... ويروح يشتري جهاز ويركبه بالشقه ... في الصباح كليه وفي المساء على النت ....
اصدقائه يقولون وينك من زمان ما شفناك يقول مالى خلق اطلع .
طالت غيبته عنهم ... قالوا نروح نزوره في شقته ونشوف اشفيه ..؟
وصلوا الشقه دقوا الجرس .. فتح الباب بعد مده .. سلم عليهم ودعاهم للدخول .. دخلوا الشقه وشافوا انه مشغول بالنت .. قالوا ربعه علشان شذى انت ما قمت تمرنا علشان النت .. الله يلعن النت شانه يفرق الربع عن بعضهم .. تعذر منهم وقال انا والله تعبان ومالى خلق اطلع من الشقه .
ربعه قالوا له ما تشوف شر ... طبعا هم اعرفوا انه مو مريض بس يتعذر بطريقه دبلوماسيه علشان ما يزعل ربعه عليه ..
تمر الايام وهو من هذى الحاله واردء ... مستواه بالكليه بدا ينزل والسبب السهر على النت وعدم المذاكره ... تعرف بالنت على شله كبيره من الاصدقاء سواء بنت او ولد من مختلف الاقطار ...

نكمل الجزء الخامس في حلقه قادمه

لكم تحياتى