المعلقه الصغيره وصلت ؟؟؟ نصيحة اخوكم لا تفوتكم

هذه القصيده اوكمايحلولي ان اسميها معلقة هذا العصر هي لاحد كبار السن(رحمه الله) الذين اشتهرو بالكرم اللا محدود وعمرها تقريبافي الاربعين سته بكل تأكيد هي اكبر مني بكثيرولاكن حصلت عليهامن احدابنائه وسوف اورد لكم بين كل فتره واخرى من قصائده الجميله التي فيها من العبر الشئ الكثير مع العلم انه لم ينشر
شيئ من قصائده في الصحف او المجلات فاقرؤماقاله رحمه الله.

يالله طلبتك غيــمةمـد لهـــمه....تـقبل من المنشى تكاشف بروقها

تنشي عليناوالثرياطــويــله....تـوالـنخـيل بتمرها في عـذوقها

مشاىعـرعـرمـانـكفـها الينا....متـهـول في سـيرهـامن حـقوقها

ومشاي صنعايوم جـاعــد مثـله....من فضـل رب البيت خايط فتوقها

لازل سبع واكد واغـيمـةالحـيا....كـل القـشـوع مـولع في سـبوقها

ولا مضـىعـشـروعشــرمـثلهــا....شـفناالفياض من الورق لاحلوقها

لازانت الريضان وازهرنباتهـا....كـل يـزيـن مـنزلـه في رفوقها

اللي يبي عشب الفياض وجبلها....واللي يبي الرمله ولبت عروقها

ولاراح عساس يـعـس لجمـاعـته...عــين عشــوب القفرتومي عنوقها

ماشاف فيهاكو د جـرة مطــرها...من يوم نبتت مالقت من يذ وقها

لا شاف زول ولا شــاف جـــره....كو د ام سالم فيه تلعب طروقها

عو د عليهم قال هاتو جمالكم....وشد وعليهاواركبوافـي وسوقها

الىنزلتوافيهافابنوابيوتكم....وخــلوالرعـاياماتبي من يسوقها

عينت اناللبل وللضان نــيه....يــالله مــن نــياتــهالاتـعوقها

زين الحلال وزين الله زمانــه...والزيــن في البل زين الله خلوقها

قلبي يحب البل وكبد ي تحبها....ومن لامـني مـاذ اق لذ ة غبوقها

البل هواهاواحـد مايهينها....يصــلح عطــاياالله ويظهـرحقوقها

لاجات حزة ورد هافـيحلبهــا....والاعــطـامنـهـامضـت في مروقها

ويخـاف ربه لا يغيب زكاتهـا....امــانـةالله خـاسرمـن يـبوقــها

مغرورياللىغرك المال والولد...ونـفـس الفتىلابـد ربـي يـعوقهـا

اللي خلقهايكتب اللي يجيها....وطــراد هـامـترهـي في لحوقهـا

ياجب علىالمخلوق يفطن لد ينه...لاتـشـغله د نياه لاحمي سـوقهـا

د نياك لا زانت فسيورهاالفنا....هــشيـمةغبي الثرى من عـروقهـا

يالله طلبتك طـلبةمنصـح بهـا....واســالك الجنه ود ربي يلوقهـا

وتعاون انفسناعلىالد ين والهد ى...عـند الخواتم طيب الله وفوقهـا

اختيار اخيكم الصغير/حكيم الجامعه

اخوي النداوي بالمناسبه اضف الوورد علشان يسهل لنا عملية تنظيم
الكتابه وخاصة القصايد ....... ولك مني كل التقدير

قصيدة رائعة

شكرا لمشاركتك لنا في قراءتها

رحم الله قايلها

وسلمت اناملك ياحكيم الجامعة

اختك الصغيرة الواثقة

العفو اختي الواثقه وانا الصغير مو انتي انتي كبيره بعقلك وقدرك وزي ماقلت قبل كذا انتي راعيةالاوله.

تقبلي تحيات اخيك الصغيروري/حكيم الجامعه

اجمل ما اخترته منذو..انضمامك للمنتدى ياحكيم الجامعه

بارك الله فيك ياحكيم الجامعه من اجمل ماقرات لك من مشاركات بالفعل قصيده رائعه لاهنت على الاختيار هذه ليست معلقه بل عقد فريد....كان خلفها سم شاعر كبير لولم ينشر له والظاهر اني سمعت والدي الله يعطيه الصحة والعافية على طاعة الرحمن يعد هالقصيده في يوم من الايام والله لايهينك يا اخوي حكيم الجامعه ياليت تذكر لنا اسم شاعر هالقصيده ان امكن للبحث عن بيقية قصائده الاخرى واظهارها للنور وحفظ حقوق شاعرها.


تقبل تحياتي

عبدالله بن فلاح الهاجري

اخوي الشايب الله لا يهينك انت كبير بقدرك وحشمتك ولا السن مايعطي معنابعض الناس كبير في سنه وصغير في عقله واعجابك في القصيده
هذا من طيب اصلك وتربيتك وعلومك الغانمه

اخوي مندوب النداوي مافيه مشكله لو وضعتها في قسم قصائد مختاره
والجاي افضل بمشيئةالله

اخوي الواثق(عبدالله الهاجري) اشكرك جزيل الشكر ولو انك في البدايه حطمتني شوي انا لم اشارك بقصائد عليها القيمه الا واحده
قصيدة القدس وامعتصماه مدري قريتها والا ماقريتها اما مشاركاتي
الباقيه تراها سعة صدر وابشر وانااخوك باللي يسر خاطرك انت والجميع.
اما شاعر القصيده فهو من عماني القريب لاكن لازم استاذن عياله قبل علشان اعلن اسمه ولا ماعلنه وانا الان اجمع قصائده وسوف ترا النور عن طريق هذا المنتدى الجميل الرائع بوجودك وجميع الاعضاء
اللي لهم في قلبي مكانه خاصه

وتقبلو تحياتي

اخوي العزيز/حكيم الجامعة

هلابك وغلا...لو لم استخدم معك اسلوب التطنيش لما اثبت جدارتك في هذا المنتدى ...وانا اخوك ربما اكون اكبر منك سنا واكثر منك تجربة في هذه الحياة وانت ان شاء الله كبير منزلة ومن رجال مطاليق....لذا حاولت مع باسلوب مختلف عن الاخرين لاحساسي انك من النوع الذي لديه عزيمة وقوة على اثبات جدارته لو بعد حين..ثق
انني لم يعد يقنعني الا الجميل وانت بأذن الله قادر على ذلك مستقبلا....اخي حكيم الجامعة الا توافقني ان زمن المجاملات والتطبيل قد انتهى من هذا المنتدى....صدقوني اجتزنا مرحلة الانتشار وبسرعه...نحن الان في مرحلة الاختيار.
وعن نفسي لن ارد الا على من يثبت جدارته في هذا المنتدى ولن انظر لاسم الشاعر او الشاعرة....الشعر هو النجم
واتمنى ان تكون احد الذين يجبروني على التصفيق لهم مستقبلا.

تقبل تحياتي
اخوك/عبدالله فلاح الهاجري

اخوي الواثق بيض الله وجهك علومك كلها غانمه ولا صار الا الزين بس انا حبيت اني الفت انتباهك علشان تعطيني وجه لعلني استفيد من خبرتك صحيح انا قليل خبره ولاكن املك مخزون جيد من القصائد
ولا اخفيك سرا انه لم يسبق لي ان كتبت اي قصيده في اي وسيله من
وسائل الاعلام ولاكن وجدت ضالتي في هذا المنتدي
عموما انا اخوك الصغير ولا تبخل علي بنصائحك الجميله التي سوف تجد صدر رحب يتقبلها بكل سرور

لك مني كل الحب والتقدير

اخيك الصغير/حكيم الجامعه

بسم الله الرحمن الرحيم ...

ياسلام على هالأختيار الزين

بس ياليت تشرح لنا امفردات الصعبه ..

اذا ممكن والا هي حلوه بدون شرح

الاخت هيفاء اعتقد من وجهة نظري انه مافيه كلمات صعبه او يمكن علشان انا من نفس البيئه حتى لوصعبه ماضن تصعب على وحده مثلك منك نستفيد عموما اي استفسار تامري امر اختي هيفاء

اخيك الذي لم تلده امك/ حكيم الجامعه

بسم الله الرحمن الرحيم ...

اسحب طلبي ..
انااسفه ..

هذي القصيده ابيها دايم في الصفحه الاولى ابي كل واحد يدخل يشوفها قدامه لانها والله تستاهل؟؟؟؟؟؟؟؟؟؟؟؟

اخوي حكيم الجامعه

ياســلام عليك يالي تحب الابل .... وحليب الابل

سلمت يدينك على القصيده الجزله ..... والله يرحم قايلها ...

والقصيد الطيب ..طيب قديم ولا جديد

تحياتي لك

اخوك شقران