بدله يا رجل برجال بشوش

مشاركة من الأخ الشاعر/سعد السبيعي

نرجو أن تنال استحسانكم وأعجابكم .

[poet font="Simplified Arabic,14,black,bold ,normal" bkcolor="skyblue" bkimage="http://nadawi.net/vb/poetimages/38.gif" border="none,2,gray" type=0 line=200% align=center use=sp char="" num="0,black"]
ول يالمقرود وش علمك تحوش=حايش للملعنه واسبابها
ما يهمك غير تجميع القروش=والجماله ما تجي مع بابها
بالملاقى لا تحسب انه يهوش=خنجر ما شفت كود جرابها
ما يقابل ولا يلاقي ومخروش=كنه الدموس وسط ترابها
بالمقفى ما تسابقه الوحوش=بالمجالس ذلته يحكى بها
بالأكل لهام في لحم الكبوش=والعزيمه ما يحسب حسابها
ما يهمه غير تربية الكروش=سلحفه وسط البحر وش جابها
بالكلام ال*** رجال حروش=يشعل الفتنه على طلابها
لا تعده كود من ذيك الهروش=الهروش اللي خسر جلابها
لا تعده من محيين الطروش=الرخامه ساكن سردابها
لا يغرك منظره بين الدفوش=العلاقه في الضحى يغدابها
ما يهمه غير تركيب الدشوش=القناة الفاشله يزهى بها
زين وجهه وسط بيته ومخشوش=عن جميع الناس في محرابها
بدله يارجل برجال بشوش=خل ذاك العفن في هندابها
جعل يفدونه مربية الدبوش=الرجال اللي تعز انسابها
الختام الطيب والبن النعوش=للرجال اللي تحمي ارقابها

[/poet]

لاهنت على هالمشاركه



وصح الله السان سعد السبيعي


واتمنى لك التوفيق


لك التقدير والاحترام

الاخ فيحان


شكرآ على هذه المشتركه الجميله


صح لسانك ولسان الشاعر سعد السبيعي



تقبل تحياتي
...................... شبيب

الأخ/ ناصر العازمي

الســلام عليك وبعد :


هذا من حسن ذوقك ورفيع أخلاقك بارك الله فيك .






الأخ/ شبيب شــاهر.

الســـلام عليك وبعد:



هذا من حسن ذوقك لا هنت . وصح الله بدنك وكل حياتك.




تحيـــــات أخوكم/ ســــــعد الســـبيعي.

وتحيـــاتي لكم كذلك أخوكم

فيحان

لاهنت

وصح الله لسانك ولسان سعد السبيعي


جميله يا فيحان شكرا لاختيارك




تقبل تحياتي