إلى الاخ الشاعر/ مضواح بن شتوي .

[poet font="Simplified Arabic,14,black,normal,normal" bkcolor="skyblue" bkimage="" border="none,2,gray" type=0 line=200% align=center use=ex char="" num="0,black"]
بسم الله الرحمن الرحيم
هذه القصيده موجهها للاخ العزيز والشاعر / مضواح بن شتوي ( الله يحفظه ) . في الوالد الله يرحمه و يرحم أموات المسلمين.
{ صــلـــوا عــلــى الــنــبـــي }
و الله أني كل ما قلت يا مضواح راح"="هاجس(ن) بقصى ضميري رجعلي من جديد
هاجس(ن) يطعن بقلبي مثل طعن الرماح"="و المعذره ما يفك الحديد إلا الحديد
يوم أبونا مات يا خوي ما رده صياح"="و العوظ فيه أنت يا الله عسى عمرك مديد
و الله أني نحت يا خوي ما فاد النياح"="و أدري إن النوح يا خوي ما رايح يفيد
و الله أنه يمضي الليل و يبين الصباح"="ما عرفت النوم سهران في ذكرى الفقيد
الفقيد اللي فقدناه و علومه الصحاح"="كاسب العليا و براي له راي(ن) سديد
بالكرم و الطيب معروف و الدنيا شحاح"="يعطي المحتاج لاجاه ما همه يزيد
كل عمره راح يا خوي فزعات..و كفاح"="و لايجالس كود ناس(ن) لهم علم(ن) مجيد
أن ذكرته بالمراجل خذا منها وشاح"="بين(علب) و بين (باقم) أمطلعله رصيد
و أن سالت(أسحار) عنه و ذعاذيع الرياح"="في سموم القيض يمشي و في البرد الشديد
مواصل(ن) بْدرب ماطاح ما هاب السلاح"="حُـر له عاده ليا حام بالحومه يصيد
و أن ذكرت(السد) سواه اللتوفير القراح"="لين صار(السد)من ماه كل(ن) يستفيد
و أن ذكرت(المدرسه) و الله أنه ما ستراح"="باذل(ن)جهده و بالجهد جاء العلم الاكيد
ذا و له علم(ن)مخفيه بامْـَره مستباح"="لين علمنا الموصى و قلنا ويش تريد
قال جيته يوم خصمي تعند بالسماح"="في(قضية قتل) و الخصم له راس(ن) عنيد
و (الديّـه) عني دفعها اللتضميد الجراح"="لين خلا يوم حزني تغير يوم عيد
و أن ذكرته(بالقضايا) نجح ما يوم طاح"="لا وقف له وقفة(ن) بين حكام و عبيد
و أن لفيت المجلسه منه ريح العود فاح"="مجلس(ن) من جاه عَـودْ يفيد و مستفيد
و أن لفى يشبه اللبرق(ن) بوقت الوسم لاح"="ماطره يِـحِـيي هشيم(ن) قبل يلفي هميد
و (المشاكل) يقنع أهل المشاكل لصلاح"="لو خذوا رايه يكفي و لو جاء بلبريد
صادق(ن) في كلمته ما عرف هرج المزاح"="كلمته تـُـسمع و طبعه اللهرجه ما يعيد
حافظ(ن) (دينه) و دايم يحيي عالفلاح"="واجب الله ما يخليه في طبعه فريد
ذا و بعض أفعوله أجهل بها و أبغى السماح"="ما أوفي له فعائله و إن قلت القصيد
يا عسى حسْـنَـاته التزيد و السيئه تُـزاح"="و تلهمه للحق يا رب في يوم الوعيد
و الختم يا رب ترحمه يا جعله مُـباح"="يا عسى الفردوس مثواه يا جعله سعيد
[/poet]

صح السانك على هالقصيده

الجـــــــــــــــــــــــــزله



الله لايهينك على هالمجهود القيم والطيب


وتقبل تحيات أخوك


مشعل الفلاح

يحي الهويجي
،
،
،
صح لسانك وبيض الله وجهك .
،
،
ولا أراكم الله مصيبة في عزيز ولا قريب .
،
،
جعل مثواه الجنه ومن يقرا .
،
،
تحياتي لك
،
،
بندر المطيري

بسم الله الرحمن الرحيم
الاخ الشاعر/ بندر المطيري ..و الشاعر / مشعل الفلاح
الله يتقبل دعاكم ويرحم اموت المسلمين . وشكرا ً على الشعور الرائع


لكم خالص تقديري و احترامي



اخوكم / يحي بن شتوي الهويجي