Tweet
[c]السلام عليكم ..
الاهداء
إليها
إلى من كانت تفتح لي
مجالات الشكوى فأبكي ألم
وأقول لها ألف شكرا
الى المحبة
وكل محبة في الكون
[/c]
[poet font="Simplified Arabic,14,purple,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
الله اللي وهب لي كل هذا لوحده = يا مجون الطهاره يا طهور المجون
انتي الزين وانتي برقه وكل رعده = الله اللي عطاني من زهورك غصون
والنعم يالأصيلة والأصل فيك شده = والذي شاف وصفك ثم روّح يهون
والنعم والسبعْة انعام جمله وفرده = والتحيّة عظيمة لاجل حسن الحسون
والنعم بك وانا شاريك عدة ونقده = يا عطر يا معتّق وانت عود ودخون
والنعم بالوصوف اللي لها الحد حده = واتركي لي مجال وقالوا الاولون
الكلام الذي تب تستحي منه بدّه = وبسم ربي بديت وبسم ربي أكون
والله انك عن آلاف الرجال المهدّه = وحدك انتي نعم والكل لك يشهدون
والله انك عن ايام السواد المكدّه = حظ منهو نصيبك حظ كلّه فتون
الكرامة وكل الحسن برده وشهده = والشهامة لها عندك سجون وسجون
والبلاغة مع كل الفصاحة مخدّه = والجمالة وبعض من الخيال الحصون
والملاحة اذا قالت فهد قلت فهده = أشهد اني أضيع بوسط بحر العيون
في نداها ترى لبّيه منها لوعده = لو تقل لي عيوني قلت انا يسلمون
قلبك اكبر من العالم ولا نيب قدّه = اشهد انّه عظيم وأشهد انه حنون
قل لي ابغى قصيدة قلت يبشر بسعده = والله اني لاخلي الشعر يمطر مزون
واجعل اهل الرياض تعيش في وسط جدّه = واجعل اهل الحجاز بنجدها يسكنون
ابشري يوم قلت لهالشعر هات يدّه = قال لاجل الأصيلة هاك بيتي يمون
اكتب اكتب عسى الله يرحم اللي تهدّه = واسلم اسلم تراها غالية ما تخون
هي رفيعة مقام من الادب والمردّه = اقطف احلى ثمار الكون وازهم .. يجون
قلت يا شعر بابٍ جا به الريح سدّه = هذي أغلى من الشعر وغلاها جنون
قلت ابنسجك واهديها بيوتك بعقده = قال تكفى تراني أنتظرها واصون
رحت افصّل لك اغلى شعري وفيه ورده = البسي من شعاع النور فستان لون
اقري اقري تراني أعرفك مستعدّه = للقصيد وطواريق الفرح والفنون
انتي اللي لها بالزين شدّه وعدّه = كمّلك خالق الأنسي بكافٍ ونون
اجمل اجملك وصلك واعذب اعذبك صدّه = واسعد اسعدك قلبك والغلا والليون
في يديني كتابي هاك واقري معدّه = وفي سطوري ايادي كلهم يكتبون
يا فداك الخفوق اللي عبث فيه جهده = كن قلبي بقاله والتعب له زبون
يا فداك اليدين اللي كتبت كل وجده = وش تبي غرّها بي مالها والبنون
كل ما جاك مني يا اجمل الأصل لدّه = سامحيني تراي انسان ماله غبون
ما أعرف الخداع وواقفٍ حيل ضدّه = بس انا غلّبوني بعض من يغلبون
أشتكي لك وانا سرّي ببيرك مردّه = أشهد انّك طويلة بال واطول سكون
أشتكي لك وانا ادري وش بقلبك وعنده = ألف من هالمشاكل ايه ما يحملون
مير لاجلي خفيتي دمعةٍ فوق خدّه = انحني لك شجون .. وترفعيني شجون
الليالي تراها طاغية مستبدّه = وفي وجودك ليالي زعلتي ينتهون
كل ما ابعدت قلبي قلت عندك مردّه = وكل ما اونست فرحه قلت ليتك طعون
الحلايا لها عندك مزايا وصدّه = والبلايا لها عندك خفايا تكون
مال قلبي لصدرك يا عسى الله يمدّه = بالهدو والسكينه وابعد عن الظنون
خالتي عمّتي وامّي وأختي وجدّه = مالكتني جميعي كلهم يجمعون
الحنان اللي القاه بدروبك أعدّه = كنّك المال وآنا كل عمري ديون
الله لايحرم الحفاق شيٍّ يودّه = مثلك انتي أحطه كحل بين الجفون
الغلا لك كبير والله اش كبر حدّه = صرت والله أقول آكون أو لا أكون
الأمان الذي وياك محلا مصدّه = والأمان الذي وياك كلّه هتون
والجموح التي في القلب مع كل جنده = مثل ما قلتي انتي في رياحه سكون
يالعطوفه تراني وسط عطفك مبدّه = البديهي بأنّك يالعطوفه ضمون
أضمنك واضمن اللي في يدينك مهدّه = ان تسعد حياتك والسعادة تصون
ألف شكرا لعطفك ألف شكرا لندّه = ألف شكرا وانا من الناس ما يكتفون
لين أقل لك فداك القلب ورده وكبده = اجتهادك على مرضاي والله .. عيون
لين اقل لك تراك الغالية والمجدّه = في غلاك الحقيقي والغلا ما يهون
منّي اغلا تحيّة منّي عزوم طرده = أطرد الهم عنك واجلي الهم دون
ألف شكرا وربي هو يجزيك وحده = يكفي انّي ببحرك صرت نبع العيون
[/poet]
[mover]وسلامتكم [/mover]
الاهداء
إليها
إلى من كانت تفتح لي
مجالات الشكوى فأبكي ألم
وأقول لها ألف شكرا
الى المحبة
وكل محبة في الكون
[/c]
[poet font="Simplified Arabic,14,purple,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
الله اللي وهب لي كل هذا لوحده = يا مجون الطهاره يا طهور المجون
انتي الزين وانتي برقه وكل رعده = الله اللي عطاني من زهورك غصون
والنعم يالأصيلة والأصل فيك شده = والذي شاف وصفك ثم روّح يهون
والنعم والسبعْة انعام جمله وفرده = والتحيّة عظيمة لاجل حسن الحسون
والنعم بك وانا شاريك عدة ونقده = يا عطر يا معتّق وانت عود ودخون
والنعم بالوصوف اللي لها الحد حده = واتركي لي مجال وقالوا الاولون
الكلام الذي تب تستحي منه بدّه = وبسم ربي بديت وبسم ربي أكون
والله انك عن آلاف الرجال المهدّه = وحدك انتي نعم والكل لك يشهدون
والله انك عن ايام السواد المكدّه = حظ منهو نصيبك حظ كلّه فتون
الكرامة وكل الحسن برده وشهده = والشهامة لها عندك سجون وسجون
والبلاغة مع كل الفصاحة مخدّه = والجمالة وبعض من الخيال الحصون
والملاحة اذا قالت فهد قلت فهده = أشهد اني أضيع بوسط بحر العيون
في نداها ترى لبّيه منها لوعده = لو تقل لي عيوني قلت انا يسلمون
قلبك اكبر من العالم ولا نيب قدّه = اشهد انّه عظيم وأشهد انه حنون
قل لي ابغى قصيدة قلت يبشر بسعده = والله اني لاخلي الشعر يمطر مزون
واجعل اهل الرياض تعيش في وسط جدّه = واجعل اهل الحجاز بنجدها يسكنون
ابشري يوم قلت لهالشعر هات يدّه = قال لاجل الأصيلة هاك بيتي يمون
اكتب اكتب عسى الله يرحم اللي تهدّه = واسلم اسلم تراها غالية ما تخون
هي رفيعة مقام من الادب والمردّه = اقطف احلى ثمار الكون وازهم .. يجون
قلت يا شعر بابٍ جا به الريح سدّه = هذي أغلى من الشعر وغلاها جنون
قلت ابنسجك واهديها بيوتك بعقده = قال تكفى تراني أنتظرها واصون
رحت افصّل لك اغلى شعري وفيه ورده = البسي من شعاع النور فستان لون
اقري اقري تراني أعرفك مستعدّه = للقصيد وطواريق الفرح والفنون
انتي اللي لها بالزين شدّه وعدّه = كمّلك خالق الأنسي بكافٍ ونون
اجمل اجملك وصلك واعذب اعذبك صدّه = واسعد اسعدك قلبك والغلا والليون
في يديني كتابي هاك واقري معدّه = وفي سطوري ايادي كلهم يكتبون
يا فداك الخفوق اللي عبث فيه جهده = كن قلبي بقاله والتعب له زبون
يا فداك اليدين اللي كتبت كل وجده = وش تبي غرّها بي مالها والبنون
كل ما جاك مني يا اجمل الأصل لدّه = سامحيني تراي انسان ماله غبون
ما أعرف الخداع وواقفٍ حيل ضدّه = بس انا غلّبوني بعض من يغلبون
أشتكي لك وانا سرّي ببيرك مردّه = أشهد انّك طويلة بال واطول سكون
أشتكي لك وانا ادري وش بقلبك وعنده = ألف من هالمشاكل ايه ما يحملون
مير لاجلي خفيتي دمعةٍ فوق خدّه = انحني لك شجون .. وترفعيني شجون
الليالي تراها طاغية مستبدّه = وفي وجودك ليالي زعلتي ينتهون
كل ما ابعدت قلبي قلت عندك مردّه = وكل ما اونست فرحه قلت ليتك طعون
الحلايا لها عندك مزايا وصدّه = والبلايا لها عندك خفايا تكون
مال قلبي لصدرك يا عسى الله يمدّه = بالهدو والسكينه وابعد عن الظنون
خالتي عمّتي وامّي وأختي وجدّه = مالكتني جميعي كلهم يجمعون
الحنان اللي القاه بدروبك أعدّه = كنّك المال وآنا كل عمري ديون
الله لايحرم الحفاق شيٍّ يودّه = مثلك انتي أحطه كحل بين الجفون
الغلا لك كبير والله اش كبر حدّه = صرت والله أقول آكون أو لا أكون
الأمان الذي وياك محلا مصدّه = والأمان الذي وياك كلّه هتون
والجموح التي في القلب مع كل جنده = مثل ما قلتي انتي في رياحه سكون
يالعطوفه تراني وسط عطفك مبدّه = البديهي بأنّك يالعطوفه ضمون
أضمنك واضمن اللي في يدينك مهدّه = ان تسعد حياتك والسعادة تصون
ألف شكرا لعطفك ألف شكرا لندّه = ألف شكرا وانا من الناس ما يكتفون
لين أقل لك فداك القلب ورده وكبده = اجتهادك على مرضاي والله .. عيون
لين اقل لك تراك الغالية والمجدّه = في غلاك الحقيقي والغلا ما يهون
منّي اغلا تحيّة منّي عزوم طرده = أطرد الهم عنك واجلي الهم دون
ألف شكرا وربي هو يجزيك وحده = يكفي انّي ببحرك صرت نبع العيون
[/poet]
[mover]وسلامتكم [/mover]
تعليق