[poet font="Simplified Arabic,14,deeppink,normal,normal" bkcolor="" bkimage="" border="double,2,chocolate" type=0 line=200% align=center use=sp char="" num="0,black"]
يالله بيومٍ تجتمع فيه الأفراح=وتجعل دروبي يا إلــهي سواميح
يرتاح بالي عقب نوهات وانياح=وتطفي مصابيحٍ وتنوّر مصابيح
للشر مفتاحٍ وللخير مفتاح=وللجوهر الغالي قفول ومفاتيح
ومن لاعرف سيره مع الوقت يرتاح=أحسن له الراحه بدال المراويح
الله يسامح طيّب الذكر لاراح=والله يعز أهل القلوب الزحازيح
ماحسبّوا..كثر الخساير والأرباح=الطيّبين أهل الوجيه المفاليح
النذل ماينفعك في يوم الأقباح=هذا الصحيح ومايبا العلم تصحيح
لاصار في وقتك رخاء جاك سوّاح=يعطيك من ضحك الحجاجين تلميح
وإليا أنقلب وقتك عفاريت وشباح=يدخل بتصريحٍ ويطلع بتصريح
خله يروح مْع الهبايب والأرياح=الله ولاشوفة وجيه المشافيح
خلـّه يولي بين نايح ونيّاح=الحنظله تموت ماورثـّت شيح
مايحسب الخايب من أحساب الأصلاح=الصالحين الطاهرين الطحاطيح
دايم ترا الطيّب كما الطيب فواح=ترتاح للي دايماََ هرجه مْريح
نورٍ كما برقٍ لمع بالسما..ولاح=غيثٍ يبل القاع عقب الملافيح
شجاع في يوم الوغا وزرق الأرماح=كم واحدٍ من ضربه يقوم ويطيح
وكم تشتكي منه المعادين الأجراح=يبقا جداها منه ممسا وتصبيح
أتعب على أهل الطيب في كل مرواح=والنذل خله للعواصيف والريح
ماكل من دش البحر صار سباح=البحر كم تعب إرجال وسوابيح
وماكل طيرٍ لأبرق الريش ذباح=بعض الطيور تردها بالملاويح
الحر .. ميقاعه على راس لولاح=والبوم لاصاحت له البومه يصيح
[/poet]
يالله بيومٍ تجتمع فيه الأفراح=وتجعل دروبي يا إلــهي سواميح
يرتاح بالي عقب نوهات وانياح=وتطفي مصابيحٍ وتنوّر مصابيح
للشر مفتاحٍ وللخير مفتاح=وللجوهر الغالي قفول ومفاتيح
ومن لاعرف سيره مع الوقت يرتاح=أحسن له الراحه بدال المراويح
الله يسامح طيّب الذكر لاراح=والله يعز أهل القلوب الزحازيح
ماحسبّوا..كثر الخساير والأرباح=الطيّبين أهل الوجيه المفاليح
النذل ماينفعك في يوم الأقباح=هذا الصحيح ومايبا العلم تصحيح
لاصار في وقتك رخاء جاك سوّاح=يعطيك من ضحك الحجاجين تلميح
وإليا أنقلب وقتك عفاريت وشباح=يدخل بتصريحٍ ويطلع بتصريح
خله يروح مْع الهبايب والأرياح=الله ولاشوفة وجيه المشافيح
خلـّه يولي بين نايح ونيّاح=الحنظله تموت ماورثـّت شيح
مايحسب الخايب من أحساب الأصلاح=الصالحين الطاهرين الطحاطيح
دايم ترا الطيّب كما الطيب فواح=ترتاح للي دايماََ هرجه مْريح
نورٍ كما برقٍ لمع بالسما..ولاح=غيثٍ يبل القاع عقب الملافيح
شجاع في يوم الوغا وزرق الأرماح=كم واحدٍ من ضربه يقوم ويطيح
وكم تشتكي منه المعادين الأجراح=يبقا جداها منه ممسا وتصبيح
أتعب على أهل الطيب في كل مرواح=والنذل خله للعواصيف والريح
ماكل من دش البحر صار سباح=البحر كم تعب إرجال وسوابيح
وماكل طيرٍ لأبرق الريش ذباح=بعض الطيور تردها بالملاويح
الحر .. ميقاعه على راس لولاح=والبوم لاصاحت له البومه يصيح
[/poet]
[/align]
تعليق