Tweet
اخواني النداويه
اسعد الله اوقاتكم بكل خير
انتم تعلمون ان معزتي الى هذا الموقع لا توصف وانا حريص ايضا ان اقدم ما هو جميل من ماده
سواء كانت الماده لي ام لغيري
فـ ها هو الرائع الشاعر الفذ الفيلسوف
جوهر غالب الحربي وقصيده اجمل من الجمال نفسه
ولكن الله يعيني عليه لانه ما يدري اني بحطها او بعلنها لانها لم تنشر من قبل وانا نسختها منه من دون يعلم انني سـ انشرها هنا
وترى ماهي من عوايدي بس اقرو القصيده وما راح تلوموني
[poet font="Simplified Arabic,14,darkblue,normal,normal" bkcolor="" bkimage="" border="groove,2,gray" type=1 line=350% align=center use=ex char="" num="0,black"]
الاغتراب
اشعلي نار الغرام اللي تشب الشاعريه=واحفظي لي كل كلمه قلتهابك واكتبيها
وصارحيني في مفاهيم الكلام الفلسفيه =وكل كلمه تحتمل تفسيرٍ اخر علليها
خلي افلاطون يضحك في زمان الجاهليه= وادخلي في مملكة نازار يوم وفجريها
وخرجي من عصر تيمور ومفاهيمه وغيه=وانفذي بين الاتون المظلمات ونوريها
واكتبي بعض الرسايل بالحروف السومريه=وانقشيها نقش من كل النواحي وابرزيها
رجعي صوت المحافل بالعصور البابليه=والحياه اللي تعبنا من صخبها لونيها
خلي اذكى من يعرف الرمز يجهل يا ذكيه=غيري بعض المعاني والمسارات اخلفيها
واكتمي سر المحبه وسكتي كنك غبيه=واستبيحي جملة ظنون الجنون وهمليها
واضحكي كنك سعيده وان تظاهرتي شقيه=اجعلي لبس المعاني تعتريك ويعتريها
طالعيني في حظور الناس بالعين الرديه=حال من وده له بحاجه وكنه ما يبيها
وانظري لي من خلاف النور بالعين الرضيه=والغيوم اللي على بعض المعالم بدديها
وزعي كل النوايا واتركي للحب نيه=نيةٍ ما يعتريها شك يوم ولا يجيها
امزجي بين الغبا والتوريه والعبقريه=وكل جمله قبل لا تبدين فيها راجعيها
خلي المتعه تعدى كل تركيب الخليه=السراير بالشعور العاطفيه وزعيها
واتهميني بأبتعادي لو بقت نفسي بريه=يعني الغيره على قدر المحبه قدميها
واستغلي موهبة شاعرك بأسرارٍ خفيه=كل شمعه تشتعل منها القريحه ولّعيها
ناوليني كل ورده من جناينك البهيه=واكتبي لي رمزها واسرارها وامضي عليها
غيري صيف الليالي بالديار الساحليه=ذوبي ملح السواحل قدم عيني وازرعيها
قدمي لي وردةٍ حمرا والاخرى قرمزيه=وهاتي الصفرا قبل يوم الوداع وقبليها
زاوجي بين المشاعر والكموم النرجسيه=واحتفي يالنرجسيه بالزهور وزاوجيها
ورسمي لي صورةٍ ماجسدت ذنب وخطيه=ومن هدبك اللي سبى كل المشاعر بروزيها
وعلقيها في نهايات الظلوع الداخليه=كيفما تارين من خلف الجوانح علقيها
عيشيني عدة اجوا من طرف يوم وعشيه=اسعدي روحي جزاك الله من الخير اسعديها
اسعفيني مابقى للصبر في روحي بقيه=يرحم الله حالتي تنخاك تكفين اسعفيها
واصنعي من كل كلمه محكمه لاهل الاذيه= واقنعي نفسك بتحقيق المرام وحدثيها
خلي امهر من يعرف الكذب يبلش بالقضيه=والمعاني عن نظر بعض الخلايق حرفيها
لو يقال الخفجي اصبح خلف نهر الناصريه=كل كلمه من عدوك دون ظنك صدقيها
هكذا فن التعامل بالاساليب القويه=جددي بعض الأساطير القديمه جدديها
بس انا لامني اعطيتك مواثيق الوصيه=قدريها قدر مايقدر ضميرك قدريها
خوذي الحرفين من كل الحروف الابجديه=واقرئيها لين تستوطن ضميري واتركيها
عاد وان قلت ارحلي بي للفضاءات المديه=اكشفي كل الحقايق والبراهين اطلعيها
واعلني توحيد حبك للحياه العاطفيه=وكل بسمه تنتعش منها الضماير كرريها
خلي الاحلام تصبح بالحياه الواقعيه=والله اني ميتٍ منها قبل لا موووووت فيها
واهني من حقق احلامه بقربك واهنيه=استميتي في حزينات المشاعر وايقظيها
ساعةٍ مانيب قايل مثل سكرات المنيه=قلما من يملك الحكمه ويقدر يحتويها
ثالث العيدين عيد الفطر مع عيد الضحيه=لحظةٍ لابعت عمري لجل عينك مشتريها
المصيبه ماهو الموت وعقوبة كل سيه=هذي اخر حالة ابن ادم ولله يشتكيها
المصيبه لا احتضرت بغيبتك والروح حيه=ساعة الهجران والحرمان واللي يقتفيها
لو عرفتي وش تسوي نظرة العينين فيه=ما رفعتي لي هدبها لين يزحم حاجبيها
والله اني مستهيمن بين ذيك وبين ذيه=مالي الا اشكي صوايب رمشها منها وإليها
بس انا طالبك حاجه غضي النظره شويه=طمنيها قدر ماتغضي عيونك طمنيها
كم زرعتي بي جروحٍ جت من اعيونك هديه=لكن القسمه من الله كل مسلم يرتضيها
القدر يعطي وياخذ والغرام اعظم عطيه=وانتي اعظم من تراها العين يوم وترتجيها
بالشتا خليني اسكن في خمايلك الدفيه=وكل ثلجه من شعانين المحبه ذوبيها
وان وصل فصل الهجير وهبت الريح العتيه=افتحي لي جنةٍ عن حر نجد وبرديها
وازني بين الفصول الاربعه روحه وجيه=وخلقي لي جو ثاني للحياه وزينيها
لا لحب البعد ومعاناة ليلى العامريه=لا تطرين لحبيبك لوعةٍ له قد نسيها
خلي الهرجه مثل ظرب المطر بالمزهريه=رجعها شوق ومحبه وان علت كبرٍ وتيها
كل كلمه عانقيها بأبتسامه سكريه=وحجبيها بالكرز سبعة ثواني واكشفيها
وانشري تال الشفق للريح واعيون الظبيه=ربعي بربوع قلبي والمعاليق انعشيها
والله اني محسبٍ للشمس عينين وثنيه=لين شفت الليل الاسود ترتديه ويرتديها
قلت ما بالكون هذا غير هذي جاذبيه= جاذبيتها عجيبه من يديها في يديها
والحقيقه يوم (جوهر) شاف موته من سميه=سلّم الروح وتعزوى فيك وانتي سلميها
انتي اوصافك بعيني فوق وصف الابجديه=ياسلام الله عليها يا سلام الله عليها
وسلامتكم
[/poet]
اسعد الله اوقاتكم بكل خير
انتم تعلمون ان معزتي الى هذا الموقع لا توصف وانا حريص ايضا ان اقدم ما هو جميل من ماده
سواء كانت الماده لي ام لغيري
فـ ها هو الرائع الشاعر الفذ الفيلسوف
جوهر غالب الحربي وقصيده اجمل من الجمال نفسه
ولكن الله يعيني عليه لانه ما يدري اني بحطها او بعلنها لانها لم تنشر من قبل وانا نسختها منه من دون يعلم انني سـ انشرها هنا
وترى ماهي من عوايدي بس اقرو القصيده وما راح تلوموني
[poet font="Simplified Arabic,14,darkblue,normal,normal" bkcolor="" bkimage="" border="groove,2,gray" type=1 line=350% align=center use=ex char="" num="0,black"]
الاغتراب
اشعلي نار الغرام اللي تشب الشاعريه=واحفظي لي كل كلمه قلتهابك واكتبيها
وصارحيني في مفاهيم الكلام الفلسفيه =وكل كلمه تحتمل تفسيرٍ اخر علليها
خلي افلاطون يضحك في زمان الجاهليه= وادخلي في مملكة نازار يوم وفجريها
وخرجي من عصر تيمور ومفاهيمه وغيه=وانفذي بين الاتون المظلمات ونوريها
واكتبي بعض الرسايل بالحروف السومريه=وانقشيها نقش من كل النواحي وابرزيها
رجعي صوت المحافل بالعصور البابليه=والحياه اللي تعبنا من صخبها لونيها
خلي اذكى من يعرف الرمز يجهل يا ذكيه=غيري بعض المعاني والمسارات اخلفيها
واكتمي سر المحبه وسكتي كنك غبيه=واستبيحي جملة ظنون الجنون وهمليها
واضحكي كنك سعيده وان تظاهرتي شقيه=اجعلي لبس المعاني تعتريك ويعتريها
طالعيني في حظور الناس بالعين الرديه=حال من وده له بحاجه وكنه ما يبيها
وانظري لي من خلاف النور بالعين الرضيه=والغيوم اللي على بعض المعالم بدديها
وزعي كل النوايا واتركي للحب نيه=نيةٍ ما يعتريها شك يوم ولا يجيها
امزجي بين الغبا والتوريه والعبقريه=وكل جمله قبل لا تبدين فيها راجعيها
خلي المتعه تعدى كل تركيب الخليه=السراير بالشعور العاطفيه وزعيها
واتهميني بأبتعادي لو بقت نفسي بريه=يعني الغيره على قدر المحبه قدميها
واستغلي موهبة شاعرك بأسرارٍ خفيه=كل شمعه تشتعل منها القريحه ولّعيها
ناوليني كل ورده من جناينك البهيه=واكتبي لي رمزها واسرارها وامضي عليها
غيري صيف الليالي بالديار الساحليه=ذوبي ملح السواحل قدم عيني وازرعيها
قدمي لي وردةٍ حمرا والاخرى قرمزيه=وهاتي الصفرا قبل يوم الوداع وقبليها
زاوجي بين المشاعر والكموم النرجسيه=واحتفي يالنرجسيه بالزهور وزاوجيها
ورسمي لي صورةٍ ماجسدت ذنب وخطيه=ومن هدبك اللي سبى كل المشاعر بروزيها
وعلقيها في نهايات الظلوع الداخليه=كيفما تارين من خلف الجوانح علقيها
عيشيني عدة اجوا من طرف يوم وعشيه=اسعدي روحي جزاك الله من الخير اسعديها
اسعفيني مابقى للصبر في روحي بقيه=يرحم الله حالتي تنخاك تكفين اسعفيها
واصنعي من كل كلمه محكمه لاهل الاذيه= واقنعي نفسك بتحقيق المرام وحدثيها
خلي امهر من يعرف الكذب يبلش بالقضيه=والمعاني عن نظر بعض الخلايق حرفيها
لو يقال الخفجي اصبح خلف نهر الناصريه=كل كلمه من عدوك دون ظنك صدقيها
هكذا فن التعامل بالاساليب القويه=جددي بعض الأساطير القديمه جدديها
بس انا لامني اعطيتك مواثيق الوصيه=قدريها قدر مايقدر ضميرك قدريها
خوذي الحرفين من كل الحروف الابجديه=واقرئيها لين تستوطن ضميري واتركيها
عاد وان قلت ارحلي بي للفضاءات المديه=اكشفي كل الحقايق والبراهين اطلعيها
واعلني توحيد حبك للحياه العاطفيه=وكل بسمه تنتعش منها الضماير كرريها
خلي الاحلام تصبح بالحياه الواقعيه=والله اني ميتٍ منها قبل لا موووووت فيها
واهني من حقق احلامه بقربك واهنيه=استميتي في حزينات المشاعر وايقظيها
ساعةٍ مانيب قايل مثل سكرات المنيه=قلما من يملك الحكمه ويقدر يحتويها
ثالث العيدين عيد الفطر مع عيد الضحيه=لحظةٍ لابعت عمري لجل عينك مشتريها
المصيبه ماهو الموت وعقوبة كل سيه=هذي اخر حالة ابن ادم ولله يشتكيها
المصيبه لا احتضرت بغيبتك والروح حيه=ساعة الهجران والحرمان واللي يقتفيها
لو عرفتي وش تسوي نظرة العينين فيه=ما رفعتي لي هدبها لين يزحم حاجبيها
والله اني مستهيمن بين ذيك وبين ذيه=مالي الا اشكي صوايب رمشها منها وإليها
بس انا طالبك حاجه غضي النظره شويه=طمنيها قدر ماتغضي عيونك طمنيها
كم زرعتي بي جروحٍ جت من اعيونك هديه=لكن القسمه من الله كل مسلم يرتضيها
القدر يعطي وياخذ والغرام اعظم عطيه=وانتي اعظم من تراها العين يوم وترتجيها
بالشتا خليني اسكن في خمايلك الدفيه=وكل ثلجه من شعانين المحبه ذوبيها
وان وصل فصل الهجير وهبت الريح العتيه=افتحي لي جنةٍ عن حر نجد وبرديها
وازني بين الفصول الاربعه روحه وجيه=وخلقي لي جو ثاني للحياه وزينيها
لا لحب البعد ومعاناة ليلى العامريه=لا تطرين لحبيبك لوعةٍ له قد نسيها
خلي الهرجه مثل ظرب المطر بالمزهريه=رجعها شوق ومحبه وان علت كبرٍ وتيها
كل كلمه عانقيها بأبتسامه سكريه=وحجبيها بالكرز سبعة ثواني واكشفيها
وانشري تال الشفق للريح واعيون الظبيه=ربعي بربوع قلبي والمعاليق انعشيها
والله اني محسبٍ للشمس عينين وثنيه=لين شفت الليل الاسود ترتديه ويرتديها
قلت ما بالكون هذا غير هذي جاذبيه= جاذبيتها عجيبه من يديها في يديها
والحقيقه يوم (جوهر) شاف موته من سميه=سلّم الروح وتعزوى فيك وانتي سلميها
انتي اوصافك بعيني فوق وصف الابجديه=ياسلام الله عليها يا سلام الله عليها
وسلامتكم
[/poet]
تعليق