اذكر انك كنتي طيبه

اذكر انك كنتي طيبه .. ومعدنك اذكر ذهب
====================== واذكر ان قلبك حنّين والوفا عندك كبير

واذكر اني رحت اخونك بالرضى ماهو غصب
========================= واذكر انك من دريتي قلتي يستاهل كثير

واذكر اني ماابالي وجيت اعلمك بنسحب
====================== واذكر انك قلتي روّح ياجعل دربك سفير

لين مابير المشاعر من جفا قلبي نضّب
===================== ولا لقيت الا التعاسه ظلمةٍ ماتستنير

ادري اني يوم اخونك انفجر فيك الغضب
====================== وادري انك من عذابي كل فرح مرك قصير

هي ترى كانت اماني خانها عقد العنب
===================== زارع ورودك نساها لاهو شار ولاستشير

مالقيت الا المواجع وكانت الرحله تعب
===================== وجيت اقابل لي وجيهٍ غير لون وشكل غير

ومارجعت الا وانا ادري معدنك اصله ذهب
======================= وادري ان قلبك حنيّن والوفا عندك كبير










بي وجه اقابلها وانا خنت فيها ========= ياخي طلبتك قلها اني توفيت

هلابك يافهد

مشاركه طيبه ..

حضرت للترحيب بك بيننا ..


تحياتي

استاذي العزيز حمد السحيمي/ الف شكر لك ياغالي


على طيبك




على ترحيبك فيني وهذا مهوب غريب على انسان مثلك استاذي



وانا اتشرف وافرحني تواجدك




تحياتي لك