( وثيقـــــة النـــــــداوي )

السلام عليكم ورحمة الله وبركاته
[c] بسم جميع النداويه الذين شاركوا معى في تكميل هذا العمل الطيب ليظهر بهذه الصوره المشرقة وبأسم الشعر والشعراء يطيب لى ان اضع امام اعينكم ( وثيقة شعراء النداوي )[/c]
[c] هديه منهم للشعر وللموروث الشعبي [/c]
[c] قصيدة تجاوزت ابياتها الخمسين بيت وشارك في في كتباتها (42) شاعر وشاعره كرقم قياسي لاجتماع هذا العدد من الشعراء لبناء قصيدة مكتمله الجوانب تتحدث عن منتديات النداوي والموروث الشعري [/c]

[c]
[COLOR=firebrick]كما لايفوتنى هنا ان اشكر الاخ العزيز حسن العرجاني( الكاسب) والاخ الشاعر خالد بن عياش علي طرحهم للفكرة التى تولد عنها هذه القصيدة وكذلك الشكر لاخى العزيز الشاعر محمد الدهيمي للجهد الذي بذله معى لاخراج هذه القصيدة بهذه الصوره[/



أليكم القصيدة بعد ترتيب ابياتها ووضع كل بيت في تسلسله ومكانه المناسب راجين ان تحوز علي رضائكم جميعاً


[poem=font="Simplified Arabic,5,#8E1A06,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
الحمد للخلاّق رب السموات=رب البشر فقيرها والغناوى
الحمد له والشكر في كل الأوقات=والسمع والطاعه عليه الرجاوى
والحمد لله يوم كشف العلاوات = تجى وتلقا ملتقانا علاوى
الطيب والنوماس والعز غايات=هذى مزايا مبعدين الهقاوى
حنا حفظنا ورث الأجداد ما مات=وأكبر دليل مشيدين النداوى
صرح الجزاله والشيم والمروّات= والخوّه اللي ماتجى بالمناوى
طوبه علي طوبه والاعمال نيات=حتي استوينا فالمكان السماوى
عمار ياصرحٍ تشيّد بهمّات=يطرب له اللي للتماثيل هاوى
الشامخات اللي قبل مستحيلات=تصغر قدم عزم الرجال البلاوى
خدمة تراث وحفظ موروث وأثبات=علي الوفاء والمرجله بالتساوى
سلم الجدود وللمطاليق عادات=تحفظ وفا الأجداد والذيب عاوى
للشعر قيمة والمعاني جزيلات=من طيبنا دايم بعاد الحراوى
ميراثنا يوم الأمور الصعيبات=يروى موارث عزنا كل راوى
متمكنٍ في روسنا مثل ابانات=مايجرفه سيل الزمان النحاوى
كلمة وفاء تاخذ مع الرمح وقفات=وترّفع بيارق منتخين العزاوى
والعز بالجمعى والافكار نوهات = والهجر رمحٍ بين الاضلاع كاوى
فعلٍ يدون فالكتب والسجلات=ماهى سوالف مرجفين الدعاوى
ورغم الحضاره وإختصار المسافات=يبقي الفخر لمحرّقين القهاوى
وصار النداوى فوق روس السروات=بدرٍ على روس السروات ضاوى
فيه الرجال أهل الفخر والمسرات=تكرم عن المشبوه ولد الدناوى
لا لج فالميدان صيحه ونخوات=كل على طيب المواقيف ناوى
قلوبنا جمعا بدا ماهى اشتات=وعلى المعزه وأزرق العود جاوى
نحرص علي الطولات والدين بالذات = والكل منا للشكاله مخاوى
علي النقاوالعز ندخل بسكرات = ندخل بها ساعة سمعنا النخاوى
صرحٍ وله فالعز جوله وصولات = قاوى بفضل الله وفالشعر قاوى
صرحٍ غدا ضمن الصروح المهمات = يامنتداً مادش به كل غاوى
صرحٍ مشيد له علي العز رايات = مايدخله منهو عن الطيب ثاوى
ما للردى عندالمناعير شطحات =والكل منهم للمراجل رهاوى
صرحٍ عن اقرانه تميز بميزات = من حاول يجاريه فكره عماوى
مشيدينه طيب مابه عداوات = علي النقا يرقى سنود السناوى
سمّّّّّوه شيخ ولا خذاها بالاصوات= في قمة العليا خطاله خطاوى
عنواننا واسع بكل المجالات =مجمع هل التوحيد للطيب حاوى
اهل الجزاله والنفوس الغنيات= الكل في درب الجزاله غناوى
من كل ديرة نجتمع كل حزّات = لّوّك خلاوى كن منت بخلاوى
الله جمعنا في شريف المقامات = والطيب خاوانا ونعم المخاوى
بالعز نرقا في الرجوم الطويلات=وللجرح في سقمه ترانا نداوى
عهد الشرف صاحي ضميره ولا بات = بين الرجال ولابسات الغطاوى
عند العفيفين الذرا للعفيفات =ولا ينكشف ستر الفتاه الحياوى
الطيب مكسب واليمانى وفيات = متمسكينٍ فيه بأوثق عراوى
لنا مع الابداع درب ومسارات =ونختار من جزل المثايل نقاوى
والشعر له عند العوارف مقامات = شيٍ جزيل وشي ميت وخاوى
موروثنا نبع العقول الحكيمات = متوارثينه من كبار الاهاوى
اللي يدور للعلوم الطريفات = يلقى لها عند النشاما طراوى
واللي يبي عن ضيقة الصدر سجات = يجي ويلقى كل علمن شفاوى
مع النداوى فوق ذيك الرفيعات = نكتب ونقرا والشقاوى شقاوى
هيهات ياللى تنقد الصرح هيهات = حنا علي قمة جبل يالفداوى
يامنبرن للشعر به عذب الابيات = فيه الكلام الجزل سارح وضاوى
عذب الكلام نهايته والبدايات= ثابت ولا يطويه فالوقت طاوى
عز الأصل ننصاه والعز وجهات=وعزالبدو ماقد هوى فالمهاوى
وسط النداوى تنجلى كل علات=وتبرى جروحٍ حار فيها المداوى
به للمواهب..شرح وافي..و وصفات=تـجعل لهم وعـث الـطريق متساوى
لنا البدايه والوسط والنهايات =ولنا النهايه والوسط والبداوى
الشعر له ساعه وللعز ساعات= وأنا نداوى وافتخر فالنداوى[/poem]




ترتيب الشعراء والشاعرات علي حسب ورود ابياتهم فالقصيدة

1- حمد السحيمي
2- محمد بن سعد الدوسري (ابو الاصاله)
3- سعد براك العازمي
4- مرزوق العتيبي
5 - مجعد بن متعب الرشيدي
6 - مسعود اليامي
7 - فهد رفاعي
8 - أخو النشاما
9- خالد بن عياش
10 -سعيد الحمالي
11 - محمد بن هضيبان
12 - جعيثن العرجاني (حكيم الجامعه)
13 - محمد الدهيمي
14 - سيف السيف (عكاشه)
15 - فلاح الحجيلان
16 - سعد بن مناحي
17 - حسن العرجاني
18 - مشعل السبيعي
19 - فالح بن قشعم
20 - بندر بن منصور
21 - محمد بن حميدان
22 - حمد السعيد
23 - الشاعره عندل
24 - محمد العزران
25 - بدر العصيمي
26 - فهد اليامي
27 - الشاعره (أمسيه)
28 - عبدالرحمن
29 - نايف العويمري ( المسامح )
30 - سعود الدهيمي
31 - شبيب شاهر
32- هملول
33 - نايف سعد
34 -مبارك مناحي العمور
35- حسن الوطري
36 -داهم العصيمي
37 -همس النسيم
38- الشاعره ( المهره الاصيله )
39 - الشاعره (جادل الشوق)
40 - محمد عويضه
41- عبدالله بن ذويبان
42- مبارك الهاجري
هذا وتقبلوا التقدير والاحترام

اخوي الغالي الشاعر الكبير


سعد براك


شكرا من الاعماق على ماقمت به وتقوم به لخدمة الشعر


وشكرا على متابعة تلك القصيده المتكامله وتنسيقها


لتخرج لنا بسلاستها الحاليه


اما بالنسبه لماقام به محمد الدهيمي فهو لايتعدى جزء يسير مما قمت به انت


كل الشكر لك ياابو براك


على كل عمل قمت به لخدمة الموروث الشعبي


وكل الشكر لكل شاعر وشاعره زينوا تلك القصيده بمواهبهم


اخوك


محمد الدهيمي

ابو براك الله يمسيك باالخير
جهود حثيثه واضحه منك يابو براك لئثراء المنتدى لاعدمناك
شكرا لك من عندى الاعندك من القلب وشكرا للاخوان على الفكره
وصح لسان الشعراء جميع ولاعدمناكم جميع

المبتكر والمخرج والمساعد والشعراء كلكم عمالقه فعلاً لاهنتوا وبارك الله فيكم ولكم شكري وتقديري










المسعودي

محمــــد الدهيمي

مرحبابك يا ابو عايض ولاهنت علي الرد والحضور وجهدك واضح لاعدمتك


تقبل التقدير والاحترام

حمـــــد بن جمـــــهور


مرحبابك يا حمد ومساء النور ولاهنت وبيض الله وجهك حضورك واشادتك اسعدتنا جميعاً

تقبل التقدير

حســــــــن المسعــــــودي


ولك منا التقدير والاحترام يا ابو تركي ولاهنت

وشكراً على المرور والاشاده لاعدمتك

تقبل وافر التقدير

أشكرك أخي سعد وأشكر صاحبي الفكره الأخوين : حسن العرجاني( الكاسب) والاخ الشاعر خالد بن عياش


والشكر موصول لأخواني وأخواتي النداويه الذين شاركوا في هذه القصيده الوثيقه والله لا يفرق شمل النداويه ويعزهم ويجعل إجتماعهم على عز وشرف وطاعه......





أخوكم,

الاخ سعيــــــد الحمــــــــالي

لاهنت يا ابو ناصر علي المرور والاشاده والشكر لله ثم للاخوان الذين تكاتفوا حتي خرجت للوجود هذه الوثيقة


تقبل التقدير

العزيز سعد براك الف شكر لك


وصح السان كل من شارك بهذه الوثيق التي لالاتحدث الا بماهو صحيح
كان بودي المشاركه لاكن لم يحالفني الحظ في ذلك

وبهذه المناسبه انقل لكم اول مصافحه للندوايه واعتبرها مشاركتي معكم [poet font="Simplified Arabic,14,black,normal,normal" bkcolor="" bkimage="http://nadawi.net/vb/images2/49.gif" border="groove,7,gray" type=2 line=200% align=center use=sp char="" num="0,black"]
ياسلام الله على اللي عطروا وكر النداوي=الحرار الصيرميه والشياهين العطيبه
من فهيم مايفوح الا بند وعود جــاوي=وماقصر عن مستواها لايجيه ولايجـيـبه
ماعرف يشعل شموعه بالمدوح وبالسناوي=ولاتعلم بالدعايه يلفت الساحه لطيبه
سلعته يظهر بها والسوق يفرض كم تساوي=وماعطاها من ثمن سوق الغلا قبل ورضيبه
هايم عابر سبيل وشاغبه برق سماوي=شـق ستر الليل ومزونه بعيده لاقريـبه
شاش له قلبه وتفكيره وساق اله الخطاوي=جا يحث أخطاه للسامر على راحة نصيبه
بدرته جملة حلوم ومزهبه حزمة رجاوي=ياعسا بنت الجمل عن غايته ماتنثنيبه
أن شرب صافي غديره مع بعيدين الهقاوي=ماعليه الايسـوق الســامريه وتعديبـه
وأن قردها الله ذلوله وبركت دون الحراوي=عثرة فيها المراجل ماغدا منها ذهيبـه
ياموردت الضمايا يامزبنت الجلاوي=أن قبلتوا رفقتي رفقتكم الذربه كسيبه
وأن تعذرتوا ترى ماني بشعاب الدعاوي=يكفي ان القلب معكم في حضوره في مغيبه
والختام الكم تحيه صادقه من قلب ضاوي=قلتها بـرضــاي لاطلبت ولافيها غـصـيـبه


اخوكم /ضاوي عايض العصيمي
[/poet]

الاخ ضـــــــاوي العصيمي

مرحبابك ولاهنت علي المرور والاشاده

أنت وكل نداوي معنا وفي قلوبنا سواءً كان اسمه موجود ام لم يكن فيعلم الله اننا مكملين لبعضنا البعض
وهذه القصيده او الوثيقه تمثل النداويه كلهم وليست مقصوره على من وردت اسمائهم

لك الشكر

وصح الله لسانك

وتقبل التقدير والاحترام

الاخ والاستاذ سعد بن براك

شكراً لك على ماتقوم به من مجهودات لخدمه الشعر وخدمة هذا الصرح الشامخ ( النداوي)

اسعدني ان اكون بين من شاركوا في هذه الوثيقة

واتقدم لك من شارك معى ومن عمل لتخرج هذه القصيدة بهذا الشكل ولاصحاب الفكره بالشكر والتقدير


ودمتم

فكره رائعه

وعدد 41 شاعر وشاعره

وعدد 54 بيت

وقصيدة مسلسه في ابياتها

وتتكلم عن الموروث والشعر

-----------------

الاخ الفاضل والشاعر الرائع . سعد براك

لله درك وشكراً لك ولكل من شارك معك في هذا المجهود الذي ضرب الرقم القياسي في وجود هذا الكم من الشعراء في قصيدة واحده ذات مقصد واحد وهدف سامي


اجتهدتم فاجدتم فابدعتم

كل الشكر منا لكم


تحيات الود والصدق

[زايد القلادي]

مهندس الفكرة .. والسباق .. للإبداع دائما سعد براك .. هذه الوثيقة
هي وثيقة حب .. للموروث الشعبي بالدرجة الأولى وللنداوية بدرجة
الثانية .. نعم .. هم النداوية ..
:
أعضاء .. سطروا .. ملحمة .. الحرف .. الحس .. الابداع
:
فتناثرت .. المفردات .. لتعطـــــر المكان .. بأجمل .. عطر
وهو عطر الرجولة .. والاخوة .. والشعر .. لله دركم .. ايها النداوية
على هذا الإبداع ..

تقبلوا تحياتي

أخوكم القلادي

الاخ فـــــــلاح الحجيــــــلان

هلا وغلا يا ابو ناصر

ونحن اسعد بمشاركتك معنا

لاهنت علي المرور والاشاده

وتقبل التقدير