خذ العلم تلميحه .. خذ العلم تصريحه

[B][poet font="Simplified Arabic,14,black,normal,normal" bkcolor="green" bkimage="" border="double,2,gray" type=0 line=200% align=center use=sp char="" num="0,black"]
على جمر الجروح القديمه حداني برد "=" أدفّي شعورٍ تعتريني تباريحه
تصبّرت لكنه تمادى الشتا بالجلد "=" تخالف سياطه والحِق الصيحه الصيحه
تجف المشاعر و يتـنامى بقلبي وجد "=" واحسّ الضياع اشعل بدربي مصابيحه
نتيجة فراقك يا اتلع الجيد واهيف قد "=" معيد الجروح اللي بعادٍ مشاويحه
مضامينها الحرمان والجور واعنف صد "=" ومساريح دمعي تقتفيها مراويحه
جروحك كثيره عدّ واغلط وعود وعد "=" والى ما لا نهايه تمادى بتجريحه
بتجريح قلبٍ فاح لاجلك عبير وند "=" ليا فاح يعبق في حناياك من ريحه
أحبك وقلبي زارعه لك حديقة ورد "=" ولك فيه قصرٍ فيه مسبح ومرجيحه
ولك فيه وادٍ فيه وادي ووسطه سد "=" لامنّه دقل عجّ الفضا الطيب من شيحه
ولك فيه بحرٍ موجته بين جزر ومد "=" يهيج الخطر فيها وتِغْرِق سوابيحه
ولك فيه سوقٍ ما تبدّل ولا ترّد "=" بضاعة دكاكينه وتاخذ مرابيحه
ولك فيه شِعْبٍ فيه خيمه وذود وعِدّ "=" ولا غيرك احدٍ يارد العد ويميحه
ولك فيه
ولك فيه
ولك فيه
ولك فيه
ولك فيه
ولك فيه عزوه من خوال وعمام وجدّ "=" تفازع ليا سمْـعَـت على حضرتك طيحه
ولا فيه
ولا فيه
ولا فيه
ولا فيه
ولا فيه
ولا فيه مثلك بالمحبه ولا لك ند "=" تفرّدت فيه وتقطع العرق وتسيحه
أحبك من اقصى الحب حبي ولا له حد "=" على الحب تهليله .. على الحب تسبيحه
ولا زلت اعيش آمال ما بعد غدّ وغد "=" واعيشك هجاد احلام واحلام تصبيحه
واقول الله الهادي عسى ما يطول البعد "=" وباب الجفا يقْفَل وتكْسر مفاتيحه
واشوفك بعينٍ جفنها من فراقك رمْد "=" ليا شافك يموت الرّمد فيه ويبيحه
عليّ الحرام انْ ما لنا عن بعضنا بُـد "=" خذ العلم تلميحه .. خذ العلم تصريحه

[/poet]


الاخ العزيز عبدالرحمن صح الله لسانك ولاهنت

قصيدة متميزة للغايه كل بيت احسن من الثاني وصدقني
ان طريقة طرحك للقصيدة وتسلسلها جعلها ترتقي الى الابداع ..
لك اعجابي ولك كل الاحترام والتقدير ((وبانتظار جديدك!!))

الشاعر القدير:

عبدالرحمن

الحقيقة من سابق معرفة بموهبة شاعريتك ساتكلم دائما واعلق على اي قصيدة واطرح جميع كلمات الاشاده ولن اكون مبالغا 00 ولكن مع هذه القصيدة توقفت وكأن الابداع يستقي جماله من هذه القصيده 0 فالله الله 00 يالها من رائعه 00 يياشيخ صح السانك والله لايحرمنا من ابداعك .

حمد بن جمهور

يامرحبا ياحمد وصح بدنك

وحتى انا ما ادري وانا اخوك .. مشكور على مرورك الطيب يا الطيب



الله يرضى عليك ياحمد

أخوك / عبدالرحمن

الاخ الغالي / حمد المداد

صح بدنك ولا هنت على الزياره

وجود اسمك هنا يشرفني .. الله يرضى عليك

أخوك / عبدالرحمن

اخي الغالي


عبدالرحمن


قصيده

رائعه جدا


استمتعت بقراءتها


اعجبتني كثيرا

رغم طولها لم تفتقد عذوبتها


الله يعطيك العافيه


وتقبل تحياتي

الاخ الغالي والشاعر العالي / عوض القرني


صح بدنك وشكرا على مرورك العذب .. الله يرضى عليك ياعوض

أخوك / عبدالرحمن

الشاعر عبدالرحمن


جمييييييييله من شاعر اجمل




صح لسانك مليووووون




بيض الله وجهك ولا هنت يا القرم



سجل اعجابي




اخووووووووووووك

الاخ الغالي والشاعر الكبير / ضيدان المريخي


تشرفت بوجود اسمك في صفحتي

وتعليقك على قصيدتي

الله يرضى عليك ياضيدان

أخوك / عبدالرحمن

الاخ / محمد بن جارالله السهلي

صح بدنك ولاهنت على مرورك العذب


أسعدني وجود اسمك وتعليقك .. الله يرضى عليك

أخوك / عبدالرحمن