تشاوفنا
.
.
.
.
.
.
.
البارحه والناس كلٍ غطّ راسه في سبات
قامت دواليب الهجوس تْفرّ وآجرّ الونين
آجرّ صوتي بالونين إلين جرّحت اللهاة
من هاجسٍ باقصى الضمايرحل فيها من سنين
قد له على ذا الحال لاقلت انقطع قال انت هات
مالي رفيق الا انت قمت اذبح له الشاة السمين
ضيفي وانا للضيف عندي بالكرم وقفة ثبات
وليا زبنّي تقتفيه اعداه .. حشْت المقتفين
يجي تقول انّه دخيل الوجه مطلوب العداة
والقوم قدْهم واصلينه والتفت يبغى عوين
ويصيح ينخاني وانا عندي على الفزعه وصاة
وصاة ابوي و جدّي اللي للدّخيل مزبّنين
وآزبّنه فـ اقصى الضماير والمحاني مغلقات
همٍ صرم قلبي .. تلوّا به .. وتلّه للجبين
يدور دولابه ولِه جيشٍ صناديدٍ عصاة
تدكّ قلبي دكّ خيله من يسار ومن يمين
يصرم معاليقي ويطحنها مثِل طحن الحصاة
في تِرْس كسّار الحيود اللي يخلّيها طحين
وآون ونّه صوتها ينساب في كلّ الجهات
من سمْعها جرّ الونين وقال يالله يا معين
يا صاحبي وشلون تجْهل فـ الامور البيّنات
اللي تحدّ القلب عن مشهاه ويعوّد غبين
والشاهد الله من غلاك اكْنَـى الجروح الموجعات
واصبر على بعض العلوم وخاطري منها حزين
اصبر وانا راسي رفيعٍ فوق متنينٍ ثبات
اعزّ نفسي واحتمي وضعي واذلّ الشامتين
واسمي يرجّح كفّتي عند الرجال الوافيات
من لابةٍ من يوم خلْقوا للمدايح كاسبين
من شانها يا صاحبي فوّتّ شيٍ ما يفات
اصبر وانا باصبر واحاول فيك يالحب الدفين
اصبر .. على الله تقرب الخطوه ويلتمّ الشتات
اصبرلعل الله يحلّ الوضع والخاطر يزين
اصبر ولو طال الصبر ..لا تحسب اللي فات مات
صبري ليا منّه وصل حدّه ترى خلْقي يشين
وان شان خلقي .. ما قذفت المحصنات الغافلات
ادخل على الله من طبوع اهل الرّدى والنّاقصين
لكن بامِسّ بْطانها وآمسّها من حيث جات
تحين فرصتها لنا .. ولاّ عساها ما تحين
والله لاذوّقها واعوّدها على حلو السبات
لِرْضاك لا منّا تشاوفنا وانسّيها الونين
************************
ارجو ان تصل الى مستوى ذائقتكم الرفيعه .. واعذروني على التقصير
أخوكم الصغير / عبدالرحمن
.
.
.
.
.
.
البارحه والناس كلٍ غطّ راسه في سبات
قامت دواليب الهجوس تْفرّ وآجرّ الونين
آجرّ صوتي بالونين إلين جرّحت اللهاة
من هاجسٍ باقصى الضمايرحل فيها من سنين
قد له على ذا الحال لاقلت انقطع قال انت هات
مالي رفيق الا انت قمت اذبح له الشاة السمين
ضيفي وانا للضيف عندي بالكرم وقفة ثبات
وليا زبنّي تقتفيه اعداه .. حشْت المقتفين
يجي تقول انّه دخيل الوجه مطلوب العداة
والقوم قدْهم واصلينه والتفت يبغى عوين
ويصيح ينخاني وانا عندي على الفزعه وصاة
وصاة ابوي و جدّي اللي للدّخيل مزبّنين
وآزبّنه فـ اقصى الضماير والمحاني مغلقات
همٍ صرم قلبي .. تلوّا به .. وتلّه للجبين
يدور دولابه ولِه جيشٍ صناديدٍ عصاة
تدكّ قلبي دكّ خيله من يسار ومن يمين
يصرم معاليقي ويطحنها مثِل طحن الحصاة
في تِرْس كسّار الحيود اللي يخلّيها طحين
وآون ونّه صوتها ينساب في كلّ الجهات
من سمْعها جرّ الونين وقال يالله يا معين
يا صاحبي وشلون تجْهل فـ الامور البيّنات
اللي تحدّ القلب عن مشهاه ويعوّد غبين
والشاهد الله من غلاك اكْنَـى الجروح الموجعات
واصبر على بعض العلوم وخاطري منها حزين
اصبر وانا راسي رفيعٍ فوق متنينٍ ثبات
اعزّ نفسي واحتمي وضعي واذلّ الشامتين
واسمي يرجّح كفّتي عند الرجال الوافيات
من لابةٍ من يوم خلْقوا للمدايح كاسبين
من شانها يا صاحبي فوّتّ شيٍ ما يفات
اصبر وانا باصبر واحاول فيك يالحب الدفين
اصبر .. على الله تقرب الخطوه ويلتمّ الشتات
اصبرلعل الله يحلّ الوضع والخاطر يزين
اصبر ولو طال الصبر ..لا تحسب اللي فات مات
صبري ليا منّه وصل حدّه ترى خلْقي يشين
وان شان خلقي .. ما قذفت المحصنات الغافلات
ادخل على الله من طبوع اهل الرّدى والنّاقصين
لكن بامِسّ بْطانها وآمسّها من حيث جات
تحين فرصتها لنا .. ولاّ عساها ما تحين
والله لاذوّقها واعوّدها على حلو السبات
لِرْضاك لا منّا تشاوفنا وانسّيها الونين
************************
ارجو ان تصل الى مستوى ذائقتكم الرفيعه .. واعذروني على التقصير
أخوكم الصغير / عبدالرحمن
تعليق