ماحدٍ سيّر على ذاك المنتدى وجبناها لكم

حطينا هالقصيدة مع قصتها في منتدى الهجيني لكن ماحدٍ سير على ذاك المنتدى قلنا نجيبها لكم:


البارحة ساهر والقلب يجتالي

.........................ما هملجت حيث صال القلب صاليها

والدمع مني على الوجان همالي

...........................واشكي على الله نفوس ما يخليها

قال الذي في زمانه شاف غربالي

.........................دنيا تشيب الوليد بما جرى فيها

دنيا تشيب الوليد بهول واهوالي

...........................دلت تحطب ولا ادري وش تواليها

شيبت قبل المشيب ونشت الحالي

...........................ولا ابو صيخان بالقدوم باريها

يالله على عيس عيس تقطع اللالي

...........................ضباط للشيل ماشد الصعب فيها

نرحل عليها لعل الهم ينجالي

..........................ونترك الصاع والكيسه وطاريها

إن برك الضيف قالوا هالقصر خالي

.......................مهوب حاضر وانا في اقصى موازيها

وفق سعدنا بنوٍ يشعل اشعالي

..........................مزنة خريف ورب البيت منشيها

يا سعد عيني إيلا من النخل سالي

.........................وجم الركية تعلق في مطاويها

مهيضه يوم شفت الدوب بعيالي

.........................مثل القرافيش مع راعٍ مخليها






وســــــــلا مـتـكــم

ما ودكم تعرفون وش قصة ذا الهجينية ؟ تلقونها في منتدى الهجيني

[تم تعديل الموضوع من قبل الفهد بتاريخ 01-02-2001 الساعة 02:23 AM]

الله يحييك يالفهد سيرت وجبت معك احلى القصايد تسلم ياخوي

هلا والله بسهم المنايا يا خوي تراني ما سيرت يم أحد
أنا أقصد إني حطيت قصة هالقصيدة في منتدى الهجيني ويوم ما شفت احد سير على ذاك المنتدى جبتها لكم في منتدى الشعر وهذي القصيدة جبتها من أحد الكتب اللي عندي.

http://www.alnadawi.net/vb/showthrea...?threadid=1085




[تم تعديل الموضوع من قبل الفهد بتاريخ 01-02-2001 الساعة 01:32 AM]