[poet font="Simplified Arabic,14,black,normal,normal" bkcolor="darkred" bkimage="http://nadawi.net/vb/images2/11.gif" border="none,2,gray" type=0 line=200% align=center use=sp char="" num="0,black"]
دنياك ضجّت في حمولك بالانكاس = من عقب ماهي يالدليهي كدايس
تبغيك تدني تلتقطها وتنداس = ماطا زحام الغافلات الشرايس
وسلمت يا راس الدليهي ولا باس = دام السلامه تشترى بالنفايس
من لا تهيّا للفجايا بالاقياس = يبطي على مرمى حديث البلايس
نحّيت عن مبدا قصيدي بالارماس = اللي على الغافل تدق الجرايس
واقول في سرد الشكاوي على الناس = ضربٍ من البلوا يزيد الحسايس
عزّاه يا وقت انطوى بين درّاس = تسري لها الذكرى سواة العسايس
كم فيك سجّينا بسيطين الامراس = بحساب دنياً ما تعدّى الجلايس
ما جرّنا في كلمة الغير هوجاس = لو في طوارفها حروفٍ همايس
ولا اشتحنّا من تفاسير الانجاس = غبر العلوم متبّعين اللغايس
لين اقبلت دنياً تبي ضيق الانفاس = دخلاتها بين النشاما خلايس
في سيرها الصافي مع الطين ينحاس = وان طاعها الساقي تموت الغرايس
باسبابها قفّا بنا كل دسّاس = عميٍ تناوشنا خبيث الدسايس
وبيض القلوب استشربت سكبة الياس = واشقى وسيعين البطان الطفايس
ويحوفنا من كلمة الغير وسواس = ونشك في هرجة صديقٍ يسايس
ونظراتنا ما ميّزت بين الاجناس = متساويات رجومها والخفايس
يا حيف قومٍ من ضنا كل فرّاس = امسو لميلات الليالي فرايس
ترفـّعو عن ضربة اخماس باسداس = ماعاش طلقين اللحا باللحايس
اللي يبدّل شذرة السيف بالفاس = يلقا جزاها في حروبه نكايس
والخوف من يقلب ذهب ربعنا نحاس = يقلب مساجدها الشريفه كنايس
خـــــــوي المطـــــاليق
[/poet]
دنياك ضجّت في حمولك بالانكاس = من عقب ماهي يالدليهي كدايس
تبغيك تدني تلتقطها وتنداس = ماطا زحام الغافلات الشرايس
وسلمت يا راس الدليهي ولا باس = دام السلامه تشترى بالنفايس
من لا تهيّا للفجايا بالاقياس = يبطي على مرمى حديث البلايس
نحّيت عن مبدا قصيدي بالارماس = اللي على الغافل تدق الجرايس
واقول في سرد الشكاوي على الناس = ضربٍ من البلوا يزيد الحسايس
عزّاه يا وقت انطوى بين درّاس = تسري لها الذكرى سواة العسايس
كم فيك سجّينا بسيطين الامراس = بحساب دنياً ما تعدّى الجلايس
ما جرّنا في كلمة الغير هوجاس = لو في طوارفها حروفٍ همايس
ولا اشتحنّا من تفاسير الانجاس = غبر العلوم متبّعين اللغايس
لين اقبلت دنياً تبي ضيق الانفاس = دخلاتها بين النشاما خلايس
في سيرها الصافي مع الطين ينحاس = وان طاعها الساقي تموت الغرايس
باسبابها قفّا بنا كل دسّاس = عميٍ تناوشنا خبيث الدسايس
وبيض القلوب استشربت سكبة الياس = واشقى وسيعين البطان الطفايس
ويحوفنا من كلمة الغير وسواس = ونشك في هرجة صديقٍ يسايس
ونظراتنا ما ميّزت بين الاجناس = متساويات رجومها والخفايس
يا حيف قومٍ من ضنا كل فرّاس = امسو لميلات الليالي فرايس
ترفـّعو عن ضربة اخماس باسداس = ماعاش طلقين اللحا باللحايس
اللي يبدّل شذرة السيف بالفاس = يلقا جزاها في حروبه نكايس
والخوف من يقلب ذهب ربعنا نحاس = يقلب مساجدها الشريفه كنايس
خـــــــوي المطـــــاليق
[/poet]
تعليق