رمــــل المواجــع

[راعي العوجا]

كل عام وانتم بالف خير جميعاً ومبروك عليكم السنه الجديده
ولو مع انها متأخره شوي لكن معليش مشاغل الحياه كذا تفرق امتى مابغت وتجمع متى مابغت.المهم الصراحه ابي اكتب لكم هذي القصيده
إحتمال كبير من غير شر ان شاء الله انسحب لكن قلبي معاكم.او اغيب عليكم لفتره طويله جداً.واتمنى لكم التوفيق من النداوي إلى اخر عضو جديد انضم إلينا.
____________________
من البارح وأنا عيني غمامه وانتظارك نور
==========يلامسني رعدك ولا برق مبسم مواعيدك


تجف شفاه ساحلك الهزيل وخافقي ممطور
==========تبيني دوك من عشب النوايالا أملحت بيديك


ترى ماني بمتنبي رجاك ولاني بكافور
==========ولاأنت بعبد لملوك الغرام ولاني بسيدك


تعبت أجمع حصى رمل المواجع وأحذف الطابور
==========وأسلم لك يدين العشق وأنت تمد لي قيدك


دخيلك لامتى وأنا سراج بليلك المكسور
==========علامك صرت تشرب فرحتي في كاس تنهيدك


عليك من الجفا بابٍ حزين وحارسين وسور
==========وعليّ من المواصل نظرتي لا مرني جيدك


تجمعت بدروبك واحتريتك والزمن منثور
==========على متن الجروح تنقّـض الحرمان فوق إيديك


حبيبي لو يطاولني غيابك ماعليّ قصور
==========حضوري زارعه بين النعاس وبين تسهيدك


مدام إن المواقف ثابته خل الظروف تدور
==========بكيفك لو خلعت الهم عيدي لابسٍ عيدك


أحبك كثر ماجيت متواضع وأنت رحت غرور
==========وأحبك كثر ماتبخس غلاي وكثر ما أزيدك
وسلامتكــــــــــــــــــــــــــــــــــــــــــم,,,,,
وتقبلوا خالص تحياتي وأشواقي لكم أخوكم:

وووووووووووونعم..
صـــــــح لسانك يالغالي..
والى الامام يابو بدر..
حقيقه هذا اول موضوع اتابعه لك وهو رائع كروعتك
أتمني اتابع شى اخر لك واتمنى كذلك ان الغيبه ما تطول.
________________________________
هلا وغلا والله مسحتها بغلطه مدري وش هي؟؟؟؟
__________________________________
أخوك : وافــــي العتيبـــــي
2001
__________________________________

[راعي العوجا]

هلالالالالالالا ومية هلالالالالالالالا

ماعليك زود طال عمرك
وصح بدنك.,.,وهلا بالبناخي حياااااك الله
انا اشكرك على هالزياره الحلوه والمفاجئه يا وافي
اما المواضيع اللي سبق وكتبتها تقدر ترجع لها الله يسلمك
والغيبه والله مادري يمكن انسحب مثل ماقلت او اطول في الغيبه
لكن ان شاء الله يكتب الله اللي فيه خير.
وعاااارف اللي تبيه أبشر ماطلبت إلا كل رخيص ياغالي
هاهاهاها ليه مسحتها.انتظر الثانيه اجل.
وتقبل خالص تحياتي ومحبتي لك اخوك:

اولا هلااااااااااااااا بك يا راعي العوجا

ثانيا ابي اباركلك بالعيد ويجعل ايامك كلها عيد

ثالثا وين رايح يؤ يؤ اول ما قريت الخبر زعلت

اشلون يطاوعك قلبك وقلمك تترك اخوانك واخواتك

لو الظرف خاص وطاري امانه عليك لا تطول الغيبة

رابعا صح لسانك على هالقصيدة الرائعة وسلمت يمناك

وسلم غاليك

لك مني كل احترام وتقدير واعجاب لما خطته يمناك

في انتظار تراجعك عن ال******

ودمت لمعجبيك من الاعضاء

اختك الصـــريـحة

[راعي العوجا]

اختي الواثقة ...هنااااا مره وحده

ااااااالله يبارك في عمرك كله إن شاء الله.
وماعاش من يزعلك والله.الصراحه اكيد مايطاوعني قلبي لكن والله أكثر من مشغووول يالواثقة.لكن مثل ماقلت يكتب الله اللي فيه خير
وصح بدنك طال عمرك.والله يسلمك ويسلم غاليك.
واشكرك على هالكلام الحلو والصوره الحلوه اللي مو غريب عليك
سواً في الاختيار او الرأي او بما تكتبيه.
وعلى فكره فيه كثير من الاخوان ان شاء الله يسدون في محلي وهم كفو.
وتقبلي خالص تحياتي وإحترامي لكي أخوك:

هلاااااااا اخوي راعي العوجا

صحيح ان اخواني الباقين واخواتي العزيزات فيهم الخير

لكن من الصعب ان نفارق اخ عزيز علينا

نتمنى ان لا تطول فترة غيابك عنا

وانشالله سنبقى في انتظارك

واتمنى لك التـــــــوفيــــــــــق

[راعي العوجا]

وااااااااالله أحترمك يالواثقة

جعل ماتبكيك عين أن شاء الله على كلامك اللي يشرح الصدر
وصدقيني إذا حصلت فرصه راح اكون متواجد بينكم
ويسعدني والله انك راح تكوني انتي وباقي اخواني في انتظاري
وهذا شرف لي
وتقبلي خالص تحياتي وأحترامي لكي أخوك:

هلا راااعي العوووجااا ,,,

انا متاكد انك ما رااح تقدر على الابتعااد فتره طويله انشالله ,,, لان من يعشق النداوي لا يتركه بسهووله ,,,

وعندي احسااس انك يومين ثلاثه وترجع انشالله

صح لساانك على القصيده ,,,

روووعه مثل قلب وشخصية صااحبهاا ,,,,

تقبل تحيااتي ,,,,

لخوك ابو الاصاله

اخي العزيز راعي العوجا
ابياتك في غاية الروعة والابداع ولاكن عكرهاطاري ******ك الذي عسى ربي مايقولة لذا ارجو كل الرجاء ان تسحب كلامك هذا الغير منطقي ابدا فنحوا هنا بحاجة اليك فلا تخذلنابارك اللة فيك

[راعي العوجا]

ابو الاصاله,,,,والله لي فتره عنك..عاش من شافك

اخوي ابو الاصاله//على كل حال والله مثل ماقلت طال عمرك محد يقدر على فرقا النداوي
ولا فرقا أخوانه لكن أن شاء الله اقدر اخلص على اشغالي قبل لاتخلص علي هاهاها من جد والله وانا اخوك,غير ماانا مشغول إحتمال اسافر
فتره خارج السعوديه.,يعني على قولتهم تغيير جو وشوية شغل وإحتمال اطول مره
وان شاء الله ارجع لكم سالم وغانم..بس لازم كل واحد يعلمني بالهديه اللي يبيها هاها .,.,والله يشرفني الصراحه ان احد منكم يأمرني بشي
واشكرك مره ثانيه على كلامك العذب يابو الاصاله.,وانا اشهد انك تستاهل هالاسم ايه والله.وصــــــح بـــــدنك.
وتقبل خالص تحياتي ومحبتي وإحترامي لك أخوك:

[راعي العوجا]

ابو حمـــد واااااااالله من جد أحرجتني.,مو مجامله.يعني جد احرجتني

ابو حمد ياجعلني ماافقدك والله تسلم ياطيب الاصل.هذا من طيب اصلك
وصدقني ماني عارف ايش اقول .انت احرجتني ذا الحين.لكن خلني احلف لك هههههه اني وبربي مشغول بشكل ماتتصوره,ويكون في علمك والله العظيم
يعني مو مبالغه وقت العيد الناس كلها تعايد لبعض انا وش رايك ماشفت احد ولا عايدت احد.اللي عايدتهم كله عن طريق الاتصال
بس علشان اثبت لك والله من جد اني مشغول,وفيه اشياء كثيره بعد لازم اخلصها قبل السفر.
وتقبل خالص تحياتي وإحترامي وأعجابي في اسلوبك
أخـــــــــــــوك:

عزيزي راعي العوجا
استميحك العذر ولم يكن قصدي ابدا أحراجك وانماثنيك عن ال****** المفاجئ هذا ولاكن بعد ذكرك للاسباب وكما يقال بأن (المشغول لايشغل) تمنياتي لك بالتوفيق وتروح وترجع بالسلامة وسوف ننتظرك ان تعودلنا في اقرب وقت ممكن واللة يحفظكم ويرعاكم وتقبل خالص ودي وتحياتي وتقديري

[راعي العوجا]

ياعسى عــمرك طويل يا ابو حمد

تسلم والله اخوي ابو حمد بالعكس انا سعيد اشد الفرح ان تسئلني انت او احدى أخواني عن سبب ******ي او غيابي.
هذا يعطيني حب لكم اكثر والله لاني احس انه فيه ناس تحبني او تعزني
غير الناس اللي اعرفها وهذا القصد .,وبالعكس انا المفروض اللي اتأسف مو انت .وعلى فكره والله الموقع هذا جمعنا وأشبة مانكون بأسره واحده.
وجزاك الله الف خير على دعائك الحلو
تقبل مني اشد الإحترام وخالص اشتياقي لكم جميعاً
أخوك:

كل عام وانت طيب يا راعى العوجا

صح لسانك مع اني زعلان عليك.....وين يامحمد هالقصيده من زمان
ليه مخبيها طول هالمده....الله يسامحك هذا اللي كنت اتمناك تجيبها من زمان لكن لعبت معلم....وبعدين شيل فكرة انك تطلع من المنتدى من راسك ماهي على كيفك حنا خوانك اللي اكبر منك...ولازم تحترم طلبنا.



تحياتي لك

اخوك/عبدالله بن فلاح الهاجري


كتبت لك هذي الرسالة وانا في المخيم في البر من زود حرصي عليكم.

[راعي العوجا]

هلا وغلا والله بالواثق

أنت تامر امر ,.,لكن والله وانا اخوك في شي اكبر اني من اجامل
الصراحه والله مثل ماقلت لخوي ابو حمد ,.لازم اخلص شوي اشغال
قبل ماسافر.,والله ماهو بكيفي مثل مايقولون مجبور ياطويل العمر
ولاعاش من يزعلك يالهاجري.,واكيد انا احترمك هذا مافيها كلام
اول شي اكبر مني.,ثاني شي يمكن بسبب معزتي لك.
واشكرك والله على إهتمامك من كل قلب.
وتقبل خالص تحياتي وإحترامي لك
أخــــــــــــــــــــــوك: