وصلت الرساله ياالواثق

[كحيلان]

اخي الكريم
الشاعر الواثق
شب نارك يارفيقي لايهمك من ينادي
====من بحور الشعر تغرف كل قيفانك سديده
لعيونك فعلت مالم اسمح لكائن كان ان يفعله بحروفي
نحرتها من الوريد للوريد وازلتها من الوجود
تحياتي الاخويه الصادقه

الفالح صقر..........كحيلان

هلابك وغلا مليون ......مع اني ماني فاهم شئ يا خال الوالد لاكن يبدولي انك قريت تعليقي تحت موضوع الاخت مزعلة النسا.....وفهمته خطا طال عمرك....والامر تراه بعيد من اللي فكرت فيه طال عمرك.....وانت والكل يعرف رايي في اخوي كحيلان
وان كانك رفيقي اللي انا اعرفه ...فانت ماراح تخيب ظني فيك
والله لوتدري بمعزتك عندي انك ماتمسح ولاحرف خطيته للمنتدى.
وانت ياكحيلان ولد صقر طويل الذراع سنافي ولد سنافي والكريم مايمن لاعطا......وان كان اخوك الصغير مخطي عليك شخصيا فارسلي ايميل وقلي وش خطاي مع اني واثق اني لم اخطي في حقك اي خطا متعمد......وجلى من لايخطي وانا انسان لست منزه...ولكن ما اعرفه ويعلمه الجميع ان الواثق لم يجرح او يسئ لكحيلان من بعيد او قريب ولم اكتب اي كلمه تمسك شخصيا انت بالذات..لما لك من معزه عندي.

وتقبل تحياتي

اخوك الصغير/عبدالله بن فلاح بن مبارك الحميدي الهاجري

هلا بالجميع

والله الظاهر العكس يابو فلاح انت اللي مافهمت كحيلان ؟ كحيلان عميق واعطاك المثال يا ذيب .

ياسهم المنايا................لوما سويت كذا ماراح.....

احد يروح للمقال اللي كتبته عمد تحت مقال مزعلة النساء واللي قراه اخوي المبدع كحيلان........وبعدين انا سويت كذا على شان يكون فيه ربط بين الموضوعين لعبة من الوزن الثقيل مايفهما اللي مثل اخوي كحيلان(مايعرف رطني الاولد بطني) الحين الكل بيروح يشوف وش مكتوب تحت موضوع مزعلة النساء يالواثق افهمها على الطاير....سهم المنايا .......تمويه بس نلعب على الاجنحه انا وكحيلان.


تحياتي لك ولاخوي كحيلان

الواثق

[كحيلان]

شب نارك يارفيقي لايهمك من ينادي
==== من بحور الشعر تغرف كل قيفانك سديده
اخوي
وعزوتي
الشاعر
ابو فلاح
الواثق
لا وانا اخوك
كحيلان شرواك
يحب من حبوك
ويفخر بلاماك
ماقلت اللذي قلت ولا فعلت اللي فعلت ولا كتبت اللي كتبت
الا على شيمة هلي
وانا شلي وذي سهنتي اطيش الياصحت فزعة هبالي للضيق لاضاق الرفيق

فداك ياجاش الخوي حل الزعل قولي على روس الاشهاد ترى زعله وانا ابن ابو فهد زعلي

خلها يالسنافي طالبك خلها
== في خفوقي تموت وكن ماصار عادي

خوتك تنشرا يابوفلاح

اخوك
كحيلان

عساني ما تبد ل فيك يا ابو صقر

الله لايخليني منك والله ان معرفتك يا خال الشايب انها طماعه..
ولايلحقني شك فيك فديت خشمك يالغالي.

اسمحلي على الرد بسرعه الجهاز كل شوي فاصل...ارد عليكم من راس ضلع....يا اخوك في البر انا الحين في الساجي سير علي واللي يبي يعرف المكان يوصفه الخال النداوي.


تحياتي

اخوك/عبدالله بن فلاح الهاجري