أنا .. وافي

مساكم الله بالخير يا النداويه ... أتمنى أن تحوز هذه المتواضعه على جزء بسيط من أذواقكم الراقيه



[poet font="Simplified Arabic,14,black,bold ,normal" bkcolor="burlywood" bkimage="http://nadawi.net/vb/images2/....gif" border="none,2,gray" type=2 line=200% align=center use=sp char="" num="0,black"]
كتبت الحرف على سطرٍ وختمت العجز بالكافي = وأكفكف دمعك بكفي وأكف أفكاري لظنونك

ألا يا والدي أرحب أبيك اليوم متعافي = لجيت بطيفنا زاير وقرة عيني بعيونك

أنا يا بوي بدعيلك وأنا صاحي وأنا غافي = وربي خالقي يشهد وعمري يا يبه دونك

وإذا تنخي ألبي لك بدرب الشوك وأنا حافي = أقبل هامتك أبشر وأذل اللي يعادونك

ألا يا الله يا خالق ألا يالله يا الشافي = تلبي دعوة الداعي بوسط الليل في كونك

أنا طالب أنا راجي من العلات والخافي = تحفظ الوالد الغالي أنا واللي بيدعونك

في حر القيظ أنا ظلك وفي بردك خذني الحافي = وعمري لو ترى يعطا خذ أيامي بيفدونك

وموجك لا علا شفني يبه خذني بمجدافي = وأنوّخ أصعب همومك وأنزّلها من متونك

أنا في غيابكم ساعه أحس إني يبه جافي = أنا من قربكم سموني العالم بمجنونك

أنا وافي أنا وافي أنا وافي أنا وافي = لو إني قادرٍ أمسح دموعك من على جفونك
[/poet]



سلامتكم



أخوكم بندر المطيري

الأخ بندر المطيري الله يسلمك من كل شر


كلامات جميله واسلوب جميل ولاهو غريب عليك يابندر


صح السانك

بسم الله الرحمن الرحيم

أخوي الشاعر : بندر المطيري ...

عسى الله يحفظه لك ويمتعك بحياته يارب ....

واشهد بالله انك فعلا وافي وافي وافي وافي وافي ...

صح الله لسااااااااااااااااااااااااااااااانك .... وربي ماهانك ...

سلمت يمينك ... وسلم احساااااسك على هالجزله ...

عودتنا على الابداع وعلى كل ماهو جميل ....

جزله جزله جزله .... ومن راس جزل ... لاعدمناك ...

سجل اعجابي .................................. ولك تحياتي .......................................

بندر



الاخ الغالى



الشاعر الجزل



لله درك



وبيض الله وجهك




وصح لسانك



كفو يابندر




كفو




لك تحياتى

اخوي/ بندر المطيري



مشاعر صادقه وساميه



الله يحفظ والدك ويخليه لك



تقبل تحياتي........

بندر


صح لسانك ,,, وسلمت يمينك

قصيده رائعه من شاعر رائع


قبل تحياتي

فهد الوايلي

بندر المطيري

صح لسانك

قصيدة جزلة ومضمونها نبيل

نعم انك والله وافي


بيض الله وجهك ولاهنت يالغالي

اخي العزيز بندر


صح السانك ولاهنت


وعسا الله يحفظه ويطول بعمره قل امين


تقبل تحياتي

اخوي الشاعر والكاتب


بندر المطيري



صح لساااااااانك



قصيده جميله ومعبره



من شاااااعر ذو حس راااااقي


ومضموووون اجمل



والله يحفظ لك الوالد ويحميه من كل مكرووه




تقبل ودي وتقديري






اخوووووووك






نايف سعد

بندر لاهنت واحسنت ماكتبت لك مني جزيل الشكر على اختيارك لهذه القصيده بوالدك التي اثلجت صدري لاعدمتك ووافي فعلا

بندر المطيري

شاعر رائع ومشاغب بكلماته العذبه...

يكتب مايجول بخواطرنا..

صح لسانك وبيض الله وجهك..

احمد

الصديق


بندر المطيري


صح السانك ولاهنت قصيده طيبه مثل طيب راعيها

وعسا الله يحفظ الوالد ويخلّيها لك



اخوك


محمد الفلاح

محمد بن هضيبان
،
،
،
أسعدني كلامك وشرفنى وجودك الذى افخر به.... الله يسلمك اخوي من كل شر ... وليتني أقدر ارد لك بعض من خلجات نفسك الطاهره .... وأنت دائما سباق الى الخير والى عزف الحان الصفاء ... لك من اخيك كل حب وتقدير .. ويصح بدنك طال عمرك .
،
،
تحياتى لك
،
،
أخوك بندر المطيري

الاخ بندر المطيري




صح الله لساااااااااااانك





قصيده جزله من شاعر متمكن




حظرت لكي اسجل اعجابي





اخوك ابو تركي

جميل ابن زريع
،
،
،
صح بدنك اخوى جميل وتسلم على مشاعرك .. اشكر لك مرورك الذي فعلا اسعدني واما ثنائك فهو لطف منك ومن معينكم الذي لاينبض دوما نستقي اعذب الكلم .. دمت منبع للطيب والجمال .. توارة كلماتي وحروفي خجلا من ردك الرائع .. دام هطولك العذب .. وتقبل فائق تقديري لاعدمتك .
،
،
،
اخوك بندر المطيرى