خيـــــول الوفـــــــا !!!

سلام الله ورحمته على كل من قرأه

متواضعه , عسى ان تنال شيئا من الإستحسان
[poet font="Arial,14,black,normal,normal" bkcolor="" bkimage="" border="none,2,gray" type=2 line=200% align=right use=sp char="" num="0,black"]
ليا ضاقت الدنيا وضاقت فجـــــوجهــا=من ضيقها ياكيف اعوّد و ادوجها

واعبــــــرتي ماعاد يبري خنـــــاقــها=شرب القراح وشم ذعذاع موجها

اخذت في دنيـــــاي بيــعٍ و مشتــــرى=ونفسي لقت منها هــمومٍ تلوجـها

وردّيت عنــها النفــس ماعــاد لي بهـا=وعذّرت في ربحٍ تشيـله دروجها

ولا همّــني هاليــوم بقـــعا و مابهـــا=ولا همـنّي ناسٍ جداها هروجها

عفــت الرقــاد وعفـت ماكنت اناشده=وعفـت الديار و عفت ضحكة غنوجها

ولا عادت الدنيــا و وقـــتٍ نكــابده=خيول الـــوفا به خالياتٍ سروجها

وهو ليه اضيق بضيقها وانشراحـها؟=وانا معاي الله مـــشعــل بروجها

لــذّة مناجــاته وذكــري لــرحمتــه=هي سلوتي بعدل الليالي وعوجها

يارب تـــــوبه ما أبي غير شوفتـك=وفـردوسك العـالي اسجّ بمروجها

ولا من ذكرت انّك مجيـبٍ لطالبك=وش عاد لو ضاقت عليّه فجوجها!

[/poet]
وســـلامــــتـــــكــــــــم

الاخ ناصر الثبيتي
صح السانك
قصيده جزله لايكتبها الاالشاعر المتمكن لاهنت
سجل اعجابي...وتقبل تحياتي

صح لسانك ياناصر الثبيتي
قصيده وراها شاعر متمكن ،،، بحر رائع وقافيه اروع ومضمون قصيده اروع واروع واكبر دليل:
ولا عادت الدنيا و وقتٍ iiنكابده
خيول الوفا به خالياتٍ iiسروجها


وهو ليه اضيق بضيقها iiوانشراحها؟
وانا معاي الله مشعل iiبروجها


لذّة مناجاته وذكري iiلرحمته
هي سلوتي بعدل الليالي iiوعوجها

صح لسانك ياناصر وتقبل تحياتي

الثـــــبيتي اسعد الله ايامك


قصيده جزله والله مكلمات من شاعر أصيل احسنت والله يابالجزلات



لك التحيه والأحترام

السلام عليكم ورحمة الله وبركاته

الشاعر / ناصر الثبيتي ..


صبحك الله بالخير ..

صح لسانك .. قصيدة رائعه ...ومن شاعر اروع ...


تمكن جميل من القافية ..... وتمكن اجمل من صياغة القصيدة وترابطها .....

يارب توبه ما أبي غير iiشوفتك
وفردوسك العالي اسجّ بمروجها


ولا من ذكرت انّك مجيبٍ iiلطالبك
وش عاد لو ضاقت عليّه iiفجوجها!


معنى جميل يحمله هذان البيتان ..


تقبل تحيات اخوك/ محمد الشهري