عسى البروق اللي بعرض المخيله
تنشي سحايبها على ديرة الزين
وشوف ذاك الحزم يدرج مسيله
عقب البطى يصبح ورود وبساتين
دار الذي ماعادلي فيه حيله
اقفى وخلاله على القلب جرحين
الجرح الاول فالضلوع النحيله
والجرح الاخر عبرتن تخنق العين
دام المزارع مايعين حصيله
وش فايدت( بذر) الوصل للمقفين
لو ربع ماذاقت عيوني يجيله
كان التفت قبل السنه عشرة سنين
خل المدور لا تعارض سبيله
الا بذكر الذاهبه لو ورى الصين
ترى المتون اللي تشيل الثقيله
ما تنحني الا لرب..... المصلين
تعليق