صــــوت طرق سمعــي؟؟؟؟؟

الاخوه الاعزاء


اعتذر لكم عن طول الغياب مقدم هذي القصيده اللي

اتمنى انها تعجبكم مع اعتذاري عن التقصير



----

صوت طرق سمعي هلا فيه من صوت
------لا جــر سلــكه مثل سلــك الربابه
هـرجه تقـول أصــناف لولو و ياقوت
------نطقه عجب و العيــب ما ينهـــقابه
أبو لســـانٍ ذرب مـــاهوب مفلوت
------- ما كـــل درب هل قدمه مشابه
يحسب لهرجه من قبل فايت الفوت
------- من لاحسب هرجه يا كثر الخطابه
ادرجني باسلوبه عبــارات وسمـوت
------- عاقل ولف العقل حضرت جنابه
لاهوب من حربٍ ولا ربع بخوت
------ولا اهل الحسا ماهوب و اهل اللهابه
وماهوب من بلدان لباسة الكوت
------و للصين و اليابان لا ويش جــابه
هو من ديـارٍ كلها عز وبشوت
------دار ٍ حبـاها الله بعــز و مهابه

الله عطاها العــز من يومها كوت
------آل الصباحي سقم ا لاعدا .. ذيابه
والرزق فيها قط ماهوب ممقـوت
------ايديـــن حاكمها ســــوات السحــابه
والله رزقني بصاحبي ذخر و بخوت
------هـــذا البخــــت والا بــلاش احـتسابه
كامل خلق واخلاق ماهوب سربوت
------ومعـــرب الجــــدين حيـــن انــتسابه
من لا بـةٍ ما تزرع البر و التوت
------نهـــــار سوق العـــز يغلا حسابه
هذاك له عيني لجا ترقب الموت
------حبه يجي موتٍ حمــر ينـــدعابه
لو كان حبله عاقده عشرة بتوت
------أنا رهنت الروح فيــــه وغــلا به
يومه الي قوتٍ ليا قل لي قوت
------وان راح قوتي ويش قلبي قوابه
ادخل يده في داخل الصدر بسكوت
------ومن ثم سلب عقلي وقلبي غـــــدابه
مارحت عقبه عن مكاني ربع فوت
------دابه و دابي يوم دابي و دابه
لاشك لا صار العـــزا فيه محتوت
------أنا عــــلى صبري وطـــول الرجابه

اخوي الغاااااااااالي


محمد العزران



صح لسااانك


قصيده وافيه من راس وااافي



لاهنت



لك التحيه والتقدير من اخوووووك








نايف سعد

الاخ محمد العزرااان ,,,,



صح الله لسااانك ولااا هنت ,,,,,




قصيده واافيه وجزله وممتعه ,,,,,




بانتظار الجديد والمزيد .,,,,



تقبل تحياتي ,,,,,,







ابو اصاله

صح السانك

قصيدة جزلة

ووافية


سجل


اعجابي

الاخ العزيز نايف سعد




تسلم وما تقصر وهذا بس من ذوقك







تقبل طيب التحيه

الاخ ابو الاصاله



تسلم وما تقصر



صح بدنك ولا هنت




تقبل تحياتي

الاخ جمعان العازمي




صح لسانك ولا هنت على الحضور الطيب






تقبل تحياتي وشكري

محمد العزران

ماجيت بقصور يا الغالي صح الساانك ونعم باللي ذكرت ولا هنت على المشاعر الطيبه والقصيده الوافيه


تقبل تحيات اخوك


راشد النصافي

الاخ راشد النصافي





تسلم وما تقصر والله
الاحلا هو حضورك والله



تقبل تحياتي

محمد

ما ابطا من جاء


وحضورك له نكهه خاصه


تحياتي

محمد


صح لسانك ,,,, وسلمت يمينك


انت معنا دايم موجود بس لا يطول غيابك


تقبل تحياتي

اخوك الصغير

فهد الوايلي

الاخ العزيز حمد السحيمي



وجودك في متصفحي مصدر دفعه معنويه
وفخر اغعتز فيه


تقبل تحياتي

الاخ العزيز فهد الوايلي




تسلم والله وما تقصر على الكلمات الطيبه



تقبل تحياتي




اخوك محمد