الحال .. حال الحال

قديمه ..
وأتمنى ان تنال أعجابكم



الحال حـــــال الحال حــالٍ وحالات
......................... حــــال محـــــــــال وحال حيله محالي

حيله محال يحــــــل حـــاله بحِيلات
......................... حِـــــيلات حاله حيلها حــــــــال حالي

حيله يقول القول قـــــــــولٍ وقولات
......................... قـــــــــولٍ مـــــــــع القولات قولٍ يقالي

قولٍ جزيلٍ مــــــــن جزالٍ جزيلات
......................... جــــزلٍ جــــــــزال من جــزيلٍ جزالي

جـزلٍ أسطـــــر بالذهب فيه الابيات
......................... وأفــــــــــتل لـــــه المـعنى بفتلٍ خـيالي

فتلٍ زهــى مابين وزن ومـــــقامات
......................... رعبوب مــــــــافي ساق حرفي ميالي

أعدلـه مـــــا بين كلمه وكلمـــــــات
......................... وأرســــــــــم خياله حـــول علمٍ جرالي

علمٍ رماني فوق عــــالي الطويلات
......................... في رأس مــــــــــزمومٍ سقـــاه الخيالي

سقاه والي العرش مـــــــزنٍ رفيات
......................... تنشي علــــــــــــــيه أيام وبل وهمـالي

من بعد ذا يا طـير روس المــنيفات
......................... ياالاشـــقر القــــــــــرناس زام العلالي

خل العلالي اليوم مــــحتاج فزعات
......................... مـــــحتاج أنا أودعــــك مرسول غالي

مــرسول يحمــــــل بين دفاته أبيات
......................... أبيات شعـــــــــــــــــرٍ صافياتٍ زلالي

تاصل لبو مسفر ومــــــعها التحيات
......................... أعـــــــــــــــداد ما هبت رياح الشمالي

الشايب الكســــــــاب رب الجمالات
......................... رب الشــــحـــم والنـــــار رب الدلالي

رب الولد والـــــــــدار رب الغنيمات
......................... يالله عســــــى عمره من الجور خالي

ويا الله عسى تفــداه كــــــــل البريات
......................... وأفـــــداه أنا روحـــــي وغالي حلالي

ويفداه هراجٍ له الهــــــــــــرج غايات
........................ سمـــــــسار بين العــــــجز بياع دّلالي

بياع هــــــــــــرجات الردى والدنيات
........................ وجهه مـــــــن اللعنات مـــــثل النعالي

غاد على الاجواد بأمواس شطــــرات
......................... يحـسب خــطاياهم على كـــــل عذالي

والا رجال العـز وأهل المــــــــروات
......................... ما تلتفت لصـــــــــدوع وسط الجبالي

مـا تلتفت للعيب وسط الجــــــــمالات
......................... عيبٍ ضـــــــــفى فـــوقه فعولٍ جلالي

الخــيل له كبوه وللرجل كـــــــــبوات
......................... والخـــــــــــيل ما تنـــعد مثل الرجالي

غلطة زمــــــــان راح ماهي دلالات
......................... غلـــــــطة زمانٍ فات مـــاتهلك التالي

من بعدها يابوي آنا فـــــــــــاقد الذات
......................... ذاتي خــــــــــذاها الكلب ليــلٍ عدا لي

كلبٍ نهبها تو عينك ولا جــــــــــــات
......................... في خـــاطرك يا بوي ترفـــى خَمالي

ترفى خمال جـــــــــــاك كذبٍ ونمات
........................ دخيل شيباتك مـــــــــن هروج الانذالي

لِجاك هــــــــــــراج القفى والشماتات
........................ اللي عـــــــلى الاعــــــرض كنه يسالي

فكتم عـــلى فــــــــــمه وسكته سكات
........................ وصب له من كاس الامـــرار فنجالي

خله على ما قال راعــــــي الروايات
........................ يشرب صـبوحه من فــحـــول الجمالي

حتاه يصبح بين روحــــــــــه وجيات
........................ روحـــه وجيه بين شـــــــرق وشمالي

ويطيح في غبة بحـــــــــورٍ غزيرات
........................ من غــــزرها ينسى خــبيثات الفعالي

خــــــله عسى رأسه سيوفٍ صقيلات
........................ وعســــــاه يوم الحشر فـ ـالنار زوالي

وأصبر علي لو طــــوحتبي المغيبات
........................ لا بد لـلـــغيبه مـــــــــــن أيام تنــجالي

وغيبتي يابوي مــــــــا هي بزعالات
........................ لا والله الا دورة أرزاق حـــــــــــالي

أبحث على رزقٍ دروبه عـــــسيرات
........................ وأقناه يوم اللاش وعـــــــــياله هزالي

لا شــــــــــــــك هذا بيد رب البريات
........................ ومن جـــــد وجد وجاه وجـــده حلالي

والمــــــــــرجله ما هي علّي بكليفات
........................ أشوم الها شـــــــــــوم ناوي المــعالي

أنته ولد مــــــــــسفر عسير المنالات
........................ وآنا الـــــولد مـــــخــتار جدي وخالي

أخترت خــــــالي من رجال غـــنيات
........................ تاريخهم مــــــــــعــروف بين اللـيالي

تمت وصلوا عشر في عشر عشرات
........................ عــلى النبي المصـــطفى طيب الفالي



وسلامتكم ..









.............................. تميم القحطاني

اررررحب ياتميم


وانت سالم وغانم


قصيده معبره ومفردتها لايطوعها سوى شاعر متمكن


صح لسااانك ياتميم


تحياتي وتقديري لك

صح الله لساانك ياتميم .......


جزله من راس جزل ... لا هنت ...


تحياتي لك

الاخ العزيز تميم القحطاني




الاوله يامرحبا ومسهلا فيك يالغالي




الله محييك بين اخوانك وربعك النداويه يالنداوي





وصح السانك ولاهنت وبيض اللهوجهك




بدايه تدل علي قدوم شاعر كايد



تمنياتي لك بالتوفيق وطيب المقام

اررررررررررررررررررحب

يا تميم بيت اخوانك النداويه


قصيده رائعه ,, صح لسانك وسلمت يمينك


اخوك

فهد الوايلي

السلام عليكم

الشاعر / تميم القحطاني


صح لسااانك


على القصيده



ولا هنت




وسجل اعجاابي

عكاشه ..


الله يمسيك بالخير في البدايه
والله يبقيك ويطول في عمرك
يشرفني تواجدي بينكم يالغالي
ومشكور على الكلمات الجميله
الله يعطيك العافيه
والله لا يهينك
شكرا









.................................. تميم القحطاني

ارحب يا تميم

صح الله لسانك

قصيده وافيه وتحتوي على نصايح



ابن عمك ... ناصر بن لقرع

تميم القحطاني
صح لسانك ياتميم ولاهنت
فعلا جزالة في المعني وفي الفظ جزالة لا يستطيع جمعها في كليهما الا شاعر في مستوى تميم القحطاني
صح لسانك مرة اخرى وسجل اعجابي الشديد

الاخ تميم القحطاني


مرحبا بك وسهلا


للمرة الثانيه


وللمرة التاليه


وصح لسانك


وبيض الله وجهك



نص رائع



وكاتب أروع




وإذا كان هذا من القديم أو الجديد



فـمن القديم



ومن الجديد


هـــات


وسجل اعجابي


ولك مني


كل التحيات


اخوك
طير السعد

جلال الخالدي ...


يا هلا وسهلا فيك يالغالي
الله لا يهينك
ومشكور ومجمل
زيارتك بحد ذاتها شرف لي
شكرا لك






........................ تميم القحطاني

علي بن شائع ..


يا هلا وسهلا فيك
الله يعطيك العافيه
والله يجعلكم ذخر
صح بدنك يالغالي
وزيارتك وسام فخر لي
لا هنت









................................ تميم القحطاني

فهد الوايلي ..


يا هلا وسهلا فيك
والله يعطيك العافيه
وجودي بينكم فخر لي يالغالي
صح الله بدنك
سلمت






............................ تميم القحطاني

الاخ احمد حبيليص ..


با هلا وسهلا فيك
الله يعطيك العافيه
وصح بدنك يالغالي
مشكور






.................................. تميم القحطاني

ناصر بن لقرع ..


يا هلا وسهلا
الله يحييك
مشكور ولا هنت يالغالي
وصولك شرف لي
وكلامك فخر لي
الله لا يهينك
سلمت






............................. تميم القحطاني