الخير والشر استوى.............والله تراني لك نصيح

[هب الريح]

بابن يجي منه الهوى***صكّه وريّح واستريح

لآتطلب لجرحك دوى***إنسه وتشفى يا فصيح

الخير والشر استوى***والله تراني لك نصيح

يا صاحبي مالي هوى***أعطيك اناالراي الصريح

يفهم فؤادك لآهتوى***والمزح مع مثلك مليح

سفر المغاليق انطوى***واليوم كل امري فليح

العلم واضح ما التوى***لاشك ما عندك.....

الغايب لداره ضوى*** والعام داوينا الجريح

[تم تعديل الموضوع من قبل هب الريح بتاريخ 12-30-2000 الساعة 09:29 AM]

الله وأكبر عليك ياهاب الريح...

هاذي سوات النشاما دايم يهبون الريح ...شرواك تصدق أن ناسي هالطاروق لأنه قديم وهو من بحور الحدا.. سمعت وقرأت عنه أنه قبل أيام زمان يوم كانوا البدو على الرشا والمحالة فكانوا يجرون الصوت ولا يصلح معهم سوى هذا البحر وأحياناً الهجيني..


زي اللي يقول

شد حزامك وألا نس **** يا شبيه أبيض البس

وأللي يقول

يابرد الما يابرده **** ياقرد اللي ما يرده

وواجد بعد.

عموماً تحياتي لك
ولدعبس
(.......)

قصيدك كله حكم وامثال

ماشاء الله الله عليك

الباب الي يجيك منه الريح سده واستريح

واللي نسيك انساك ولا يهمك جفاك

ومن شافك بعين شوفه بالثنتين

واللي يعدك فول عده قشور

رهيب ما كتبت وفكرة القصائد بضرب الامثال احلى واحلى

سلمت وسلمت يمناك

لك مني كل تقدير واعجاب بما خطيت من قصيد

اختك الصـــريـحة

[هب الريح]

اخوي ولد عبس...ما عليك زود

وبيض الله وجهك...تحياتي


اختي الصريحه ألف شكر على المتابعه....تحياتي

اخي العزيز هب الريح ......

كفيت وفيت بهالقصيده .... عزالله جبت اللي في خاطري ...

القصيده اعلنت بكل وضوح ما يتعرض له المرء من مصاعب وهموم

وهو ساير في دروب ((( الهـــــــــوى )))

شكرا لك .....

[هب الريح]

مساء الورد...اختي النايفه....

اشكرك......والهوى...اقشر...

تحياتي