لاباس يا سابقي

الاخ الاستاذ/ سعــــــــــــــيد الحمالي

بيض الله وجههك وهديتك تاااااج على الراس

واختيارك هذا أن دل فاتما يدل على شخصيتك

قصيده طيبه ولي اختارها أطيب

لاهنت وتقبل تحيات اخيك

تحياتي...............

قلبي خفق خفقة القرناس
......................وافي الجناح أكحل العيني
بحر الهوى يتعب الغطاس
.........................وأخلف علينا الموازيني
الحب مامنه غير إفلاس
..........................ذل الشيوخ السلاطيني
ويا بو خديد كما القرطاس
..........................كذاب من حب ثنتيني
مالي خفوقٍ وراه لحاس
..........................ما قلت لك لا تحبيني؟



اخوي الشاعر / سعيد الحمالي....

قصيده خيال وافيه من وافي....
شدتني لها كثير..
صح الله لسانك مليون يا السنافي....
ولاهنت على هالقصيده الجزل...

اخوي الغالي سعيد الحمالي .....


يعجبني الطرق الهجيني وانت ماشالله عليك تجيده بكل بحوره ...

امتعتني بهالقصيده ياغالي ...

تقبل تحياتي ...
اخوك:
عايض راشد

اختي الفاضله سحايب الفيصل,


حتي وإن طال غيابك تبقى كلماتك التي ترصع جنبات المنتدى كالالماس والدرر لتميز منتديات النداوي وتثري حصيلة اعضاءه وزواره من العلم والأدب والثقافه التي تميز قلمك الشامخ الأصيل..


تاكدي بأن قلب الذيب لم ولن ينسى كل حرف كتبتيه وكل وقفه صادقه منك نحو نصوصه , وان نصائحك وتوجيهاتك وملاحظاتك لها اكبر الأثر ولم أهمل أياً منها ولو خالفتها احياناً, ولكن يبقى قلمك الأميز والاجدر والأقوى والأكثر حياديه و وعي.....

أختي الفاضله النقيه سحايب,
تقبلي مني أصدق الاماني والدعوات بالتوفيق في الدنيا والاخره وأن يحميك الله من الشر واهله امين...




اخوك,

الله الله الله يابو ناصر



كبير والكبير الله


مبدع



جزل


لله درك


صح لسانك مليووووون


ولاهنت علي القصيده الجزله يالجزل



تقبل تحياتي

الشاعر / سعيد الحملي



لاباس ياسابقي iiلاباس تضلع وكن الضلع iiفيني
يفداك يا سابقي iiالبلاس لمّاس عرض iiالمقفيني
ويفداك خبل عديم iiإحساس ما يفرق الزين من iiشيني
إمتربسٍ رأسه iiبترباس ويخاتل الناس iiبالديني
ياسابقي ضاقت iiالأنفاس ولولا الحياء تذرف العيني
قلبي رهيفٍ ولك iiحساس وأرعاك لو ما تراعيني
أغليك أنا يا عنيد* iiالرأس حيث إن لك فعل iiيرضيني
أنت الخوي يا قوي iiالباس نعمين بك والله iiنعميني
أبغيك تكسب لي iiالنوماس قدام الأقصى iiوالأدنيني
وأبغيك لامن هجرني iiالناس يا صاحبي ما تخليني
ولا دكني فالسحرهوجاس والناس هجعىً iiوممسيني
أسري وراسي سهر وعماس والناس ماهمب iiداريني
وأشد سرجٍ عليك قياس وبطانك أجوده iiزيني
وأغلا شكيمه ولا هي نحاس معها مصاريعها iiإثنيني
أرجوك مع هبة iiالنسناس إهذب ترى الهذب يحيني
وأعوذ بالله من iiالأنجاس ومن كيد الأشرار ينجيني
ومن شر وسواسها iiالخنّاس من جن وإلا إنس iiيحميني
ما نجمع اللولو iiوالألماس كثرالغنى خطر iiيطغيني
كسبي رفيقٍ رفيع iiالساس لو واحدٍ قرم iiيكفيني
فوقي نجوم السما iiحرّاس وتحتي العنيد* أبتر iiالقيني
وإن زارني طيفها iiالعساس وثارت علي الشياطيني
قلبي خفق خفقة iiالقرناس وافي الجناح أكحل iiالعيني
بحر الهوى يتعب الغطاس وأخلف علينا iiالموازيني
الحب مامنه غير iiإفلاس ذل الشيوخ iiالسلاطيني
ويا بو خديد كما iiالقرطاس كذاب من حب iiثنتيني
مالي خفوقٍ وراه iiلحاس ما قلت لك لا iiتحبيني؟



لن اقول إلا ما قد قلته من قبل


حقاً أنت استاذ الكلمة الجميله




صح لسانك ولاهنت






وتقبل تحياتي وتقديري

صبحك باالخير
هنا قريت قصيده اقعدت راسى وسمعت شاعر
يستحق الاحتفاء والاشاده به وبهاذه الرائعه
التى من احسن القصائد التى قرائتها فى المنتدى
تقبل تحياتى واعجابى الصادق

أبو ناصر كلام جميل وشاعر ممتاز


صح الله السانك وتسلم يالقرم

سعيد الحمالي

صح السانك الوافي وبيض الله وجهك


تقبل تحياتي لا هنت

اخوك راشد النصافي

[سالم صليم]

سعيد الحمالي

صح لسانك واحسنت الصياغة واختيار البحر

لا فض فوك يا بو ناصر

يا بو خديد كما iiالقرطاس
كذاب من حب iiثنتيني
مالي خفوقٍ وراه iiلحاس
ما قلت لك لا iiتحبيني؟


سجل اعجابي بهذا النص

تحياتي


سالم صليم

اختي الفاضله الجامحه,




صح بدنك ولاهنتي



شرفتي الموضوع والحمد لله على السلامه اختي






أخوك,

أخي ا لغالي محمد الحبابي,





هلا وغلا يابو مطرف


صح بدنك ولاهنت ..


شاعر ورأيك يسعدني ياخوي.





اخوك,

اخي عكاشه ,


صح بدنك ولا هنت

شرفتني طال عمرك واسعدتني زيارتك




أخوك,

اخي الغالي فهد رفاعي,



صح بدنك ولاهنت


شرفتني بزيارتك وتعليقك لا عدمتك


أخوك,

اخي بندر المطيري,


صح بدنك ولا هنت

شرفتني طال عمرك واسعدتني زيارتك




أخوك,