قالوا ابراهيم ابو للمراسلين

استاذتا /عبدالله حمير
قصيده ارتقت بمضونها لهامه من كتبها ومن قيلت فيه , صح السانك والحمد لله على سلامه رفيقك

أخي العزيز.. سعود العازمي.. شكراً على تفاعلك مع هذه القصيدة.. مع اطيب تحياتي
الغالي.. حزام السعد.. لك مني كل احترام وتقدير.. وجزيل الشكر على كلماتك العطوفه .
الاخ.. علي بن منصور.. لك مني خالص التقدير.. ووافر الشكر
اخوكم عبدالله حمير القحطاني

اخوي عبد الله ..
اتمنى الشفاااء العاجل انشااء الله لدكتووور ...
ويطلع بصحه وعااااافيه وجعلها تكفير ذنووب ومغفره ورحمه له ..
وقصيدتك وافيه ياخوي وشعور رااائع من انساااان وشاعر مبدع
تسلم عليها وانشااء الله نقرا قصيدة خروج الدكتور بسلامه
تحياتي لك
أمســـــــــــــيه

الاخت امسيه
شكراً على شعورك النبيل تجاه هذه القصيدة..
مع شكري وتقديري لكِ دائماً
اخوك
عبدالله حمير القحطاني

[poet font="Simplified Arabic,14,black,bold ,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
كل طيبٍ.. غير طيبك مايبين=وكل صيتٍ.. غير صيتك ماعلي
يا الكريم يا الوافي..الشهم الامين=ويش ابكتب فيك.. واسمع مايلي
انت عارف..وانت سيد العارفين=ان طيبك.. كنه الحق الجلي
ماخذيت الجاه ورث مورثين=غير باليمنى.. وتوفيق الولي
ياضماد جروح من جالك شطين=مارجع.. الا بخيراتك ملي
جيت لك في يوم..والخاطر حزين=يوم صار الذيب يفرسه الطلي
جيت لك مظلوم.. مكتوف اليدين=لين في حندس ظلامي بنت لي
شفت لك وقفه.. وشفت العلم زين=وشفت وجهٍ باسمٍ ومهللي
قلت لك ضاقت علي..ضيِقة غبين=وابشر بعزك وخيرك.. قلت لي
ورحت منك..ورامي همومي يمين=وقلت ياميول الزمان استعدلي
انت يافكاك .. سجنات السجين=لا رخص قدر العرب.. قدرك غلي
انت ياوضاح .. وضاح الجبين=بك تحالى .. خيري ومستقبلي
انت ياستر الضعوف المعوزين=لانصاك المبتلى..والمبتلي
والله اني لك مدى عمري مدين=وانت الاطيب وانت الاغلى من هلي
حافظك ياشيخ رب العالمين=من دعا ناسٍ.. لك ادلو بالدلي
قلت ياروحي تهني بالسنين=واشربي في ظل ابو حسين وكلي
العمر يفداك..والغالي الثمين=وأخري .. يشكرك من قبل.. أولي
يا العطوف المرهي الحبل المتين=من تجود في حبالك.. يعتلي
ياكريم النفس.. مرضي الوالدين=ياذهاب المال.. شوق العندلي
جامع الحسنات يا الركن الركين=ماتدور عن ذهبها.. والحلي
انت بحر الخير.. والعالم سفين=وكفنا من خير بحرك .. ممتلي
قاسيً منتاب للقاسي تلين=وقلت للروس العليٌات انزلي
وغلطة الصاحب.. تغطيها بحين=انت تطليها.. وهي ماتنطلي
للخوي دايم على الشدة عوين=ماتخلي .. غمته ماتنجلي
يا السياسي يا المحنك يا الذهين=يا الرحيم ويا الودود ويا الشلي
انت مامثلك شبيه ولا قرين=ولا يهون احمد اخوك ولا علي
ياعيال الشايب الوافي حسين=القبايل.. حاسده فيكم بلي
شيخ قومه.. يوم للصمعا رطين=والعدى في نار غيضه تصطلي
شيخةٍ ماهيب عطوة ميسرين=دونها روس النشامى تنفلي
عز قوم وعز جاه وعز دين=جامع الحسنات .. بيته ماخلي
لو كتمت افضالك.. افضالك تبين=كيف يحجب نور شمسك.. منخلي
بك كرم حاتم.. وزهد ابن سيرين=وعلم ابن سينا.. وفقه الحنبلي
ومايحب المدح كود الطيبين=ومدح مثلك بالقصايد .. عز لي
وقالوا ابراهيم ابو للمرسلين=وقلت انا ابراهيم.. شيخٍ في بلي


[/poet]



الله يشفيه يا عبدالله


وصح لسانك


اخوك القريشي