الــى مـحـمـد الـدحـيـمـي للآهميـه

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
الاهآآآآآت



يابو بدر طالت علي المسافات =
غاب الحبيب وغاب عني زواله

ماكن مابيني وبينه علاقااات =
حتى الرساله .. ماترك لي رساله !!!

يشهد علي الله رب السموات =
أنه سكن في وسط قلبي لحاله

سخرت له كل القصايد والأبيات =
لين أصبحت كل المشاعر حلاله

يطري علي في الثانيه عشر مرات =
حتى غديت اشك با أني قباله

راح وتركني يحسب أن حبنا مات =
وانا علي النذر ما أبغى بداله

يا بو بدر جيتك بعد كثر الاهات =
جيتك ودرب الحب يطوي حباله

شكيت لك من بين هالناس بالذات =
لانك تعرف القلب واللي جراله

يا ابو بدر ماعاد بالحب مشهات =
يكفي دموعٍ سقتها با ارتحاله

أسهر طوال الليل والجفن مابات =
ومن شاف حالي قال: ياعزتااااله

قررت أعيش العمر وأنهي العلاقات =
وأنسى القصايد وأقضي العمر داله

[/poet]

يطري علي في الثانيه عشر iiمرات ii
حتى غديت اشك با أني iiقباله


الله !!!
احسنت


\\

أخوي داهم مشكور وبيض الله وجهك



ومرورك على قصيدتي شرف لي يالغالي .

صح لسانك ياضاوى مليون مره

والله يعطيك العافيه على ها القصيده الرائعه

ولاتحرمنا من جديدك نحن فى انتظاره

وتقبل تحياتى

اخوي مقبل اله لايهينك ووالله العظيم اني الشرف في تواجدك معي

اخ عزيز اتشرف بمعرفته ... والنداح لهم قدر خاص في قلبي ويعلمك سلطان عنه .


لاهنت يالغالي .

قصيده رااااااائعه سهله تنساب كالنسيم

سبحان من اعطاك هالقدره على التعامل مع المفرده بهذه السهوله

صح لساااانك

قصيده جزله من شاعر جزل ولاغرابه في ذلك مع اسم ضاوي


تحياتي لك

ياهلا ياضاوي ...


بيض الله وجهك وصح لسانك وسلمت يمناك ..


ابيات جميله ...




تقبل تحيات اخوك /// ابو مهدي

أخوي عكاشه ... بيض الله وجهك على مشاركتك هذي .. ووالله ان معرفتكم هي الشرف الحقيقي


وهي بيت القصيد .... وجود اسم عكاشه في كل مشاركه لي والله انه شهاده فخر افتخر فيها واعتزاز


بيض الله وجهك ولا هنت يالغالي .

اخوي حكيم الجامعه ..... الف شكر على مشاركتك


ويعلم الله انك عزيز وغالي ومرورك على قصيدتي هنا شرف لي .




سلم وأسلم .