زين منزل شقتن زايفن نوارها

السلام عليكم جميعا

وإسمحولي أضع بين أيديكم هذه القصيده المتواضعه وأرجوا أن تحوز على رضاكم



أحمد الله طاب فالي وزاد الفن كيف000000000 ألعب المنكوس وأحب نظم أشعارها

المعاني طوعتني كما طوع العسيف00000000000 عارفن باب القصيد وهاذا كارها

ما حلى خوة نشاما على علم نظيف000000000 صوب دارن والردي خايفن ما زارها

ما يجيها كود جيب(ن) كما معصار صيف00000 أو جمس(ن)لاوطى الأرض قام إغبارها

فوقها اللي لا يخوع ولا عقله خفيف000000000 من سلايل مكرمه في الدهر خطارها

ما يحوش الطيب رجل(ن) على الفرجه ضعيف000 والمراجل من بغاها يدوس أخطارها

وإن مشينا في طريق(ن) فنا بختار سيف0000 وإخوياه اللي على الطيب شبة نارها

وإن ما إنقنص بالحر الأشقر فلا يرجع كسيف000 موكره بجبال فارس إتجيك أخبارها

قانصينن إلديرتن جعلها إلوبل الخريف00000000 في رملتن مدهال ناسن إتيه جارها

وأطلب من الله جعل يمشي من القبله قنيف000 وبارقن سمار ليله حقوق أمطارها

ترجع الدار العزيزه لها جون لطيف 0000000000000 زين منزل شقتن زايفن نوارها

وسلامتكم

الاخ العزيز عشير ضيفه
صح السانك على هذه القصيده الرائعه
تقبل تحياتي

وعليكم السلام ورحمة الله وبراكاته ياعشير ضيفه

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
وإن مشينا في طريق(ن) فنا بختار سيف=وإخوياه اللي على الطيب شبة نارها


[/poet]

والله ونعم فالرجال الطيّبه وسمك على مسما وقصيده تحمل معها الجمال والوصف والأسلوب الممتاز



صح السانك يالقرم

[poet font="Simplified Arabic,14,black,normal,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
المعاني طوعتني كما طوع العسيف"=" عارفن باب القصيد وهاذا كارها

[/poet]

لاهنت ياعشير ضيفه

صح لسانك

اررحب ياعشير ضيفه 0000 ومن طوول الغيباات جاب الغنايم


والله اننا فاقدينك لك مده عسى المانع خير ؟


قصيده مثل ماعودتنا 000 جزاله في المعنى

قوه في السبك 00


جزله من اولها الى اخرها

صح لسااانك وعسى يمينك ما تعطب


تحياتي لك

الى الاخ العزيز عشير ضيفه

مساك الله بالخير يا عصابة راسى






اسعد الله مماسيك اما بعد





صح السسسسسسسسسسسسسسسسسسسسانك مليار




والى الامام دائما






اخوك// مطلق العبيسان

الاخ : عشير ضيفه



صح لسانك مليووووون



قصيده جزله ومن شاعر جزل


تقبل تحياتي

اخي الشاعر : عشير ضيفه

صح السانك وبيض الله وجهك , تقبل تحياتي لا هنت


اخوك راشد النصافي

الأخ مجعد بن متعب

صح الله بدنك ويشرفني إنك أول المعلقين على قصيدتي

تشرفت بزيارتكم الكريمه

تقبل خالص تحياتي

الأخ محمد بن هضيبان

صح الله بدنك وتشرفت بزيارتك الكريمه

وشكرا على الإطراء الجميل

تقبل خالص تحياتي

الأخ مبارك الهاجري

ولا شنت وصح الله بدنك
اسمحلي على التاخير في الرد الكمبيوتر صارله فريزنق وأخوك تراه أخو غشمه فيه
وشاكرلك على الزياره الكريمه

الأخ العزيز الغالي عكاشه
ابقه ويالله أنك اتحييه


صح الله بدنك

وعساك ما تفقد غالي يا الغالي وشكرا على اهتمامك فيني وفي اخواني النداويه وعزالله ان اعلومك كلها جزله

تقبل خالص تحياتي

الأخ الشاعر مطلق العبيسان

صح الله بدنك و اسعدتني والله زيارتك الكريمه يا الغالي ( وأنت والله من الناس الي تحرجنا ابطيبك )

تقبل خالص تحياتي

الأخ العزيز الشاعر نواف ال مركوز

صح الله بدنك وتشرفنا بمرورك الكريم طال عمرك

تقبل خالص تحياتي

الاخ الشاعر راشد النصافي

صح الله بدنك وتشرفت القصيده بمرورك عليها يا راشد

تقبل خالص تحياتي