الشاعر الكبير خالد العتيبي يرثي الشيخ ابن بعيث

بسم الله الرحمن الرحيم

اقدم لكم مرثية الشاعر الكبير خالد العتيبي في الشيخ عبدالله بن بعيث رحمه الله واسكنه فسيح جناته



[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=1 align=center use=sp num="0,black"]
لا والله الا غاب عن ظلمة السود=بدر مطالعـه الفعـول الوكيـده
الله يصبر من يسولف عن الجـود=والله يعزي مـن يحـب العقيـده
والله يعين اللي ليا نـوخ الكـود=ادرك خريمة من دفـن فالجديـده
بحر الثنا اللي لاذكر كل مفقـود=راس علـى كـل القبايـل فقيـده
قالو فقدته قلت والصبر محمـود=إلاّ فقدت مـن المراجـل بديـده
وش لون مايفقد فرج كل مضهود=عدم المواقف والسجايـا الحميـده
عز الرفيق ان حكّوا العود فالعود=وزبن البعيد اليا نصاه وعضيـده
بعد الثريا عن ثرى الكبر والزود=والطيب دمه والمواقـف وريـده
عود يهب الطيب راسه مع النـود=والعرف له وله العلـوم السديـده
منّوخ الصعبه ولوهي كما الطـود=ومقرّب اللي في نظرهـم بعيـده
سمح الجناب اللي على بابه اورود=كسب الثنا واهل السلوم الفريـده
في مجلس بابه عن الهزل مردود=واعن الردي والمفتري والزهيـده
لاوالله الا عود يعرق ورى عـود=وحيل وهيل ورجل ينـدر نديـده
جرحت عليه اكبود واكبود واكبود=والهم زلزل فالركـون الشديـده
والحزن مر وضر ماهوب مجحود=والله عدل اليا قضى فـي عبيـده
لوكان ماغيّب ليا صـار موجـود=بصدورنا واخـر رجـال تعيـده
عقب فهد ومع الفهد عقب افهـود=تسطي عساهـا للعمـار المديـده
واله الجنان اللي لها الظل ممدود=ومجاورٍ محيي الهشيـم ومبيـده
ابرّ من ندعيـه واعـزّ موفـود=والحمد له واليـا فعـل مايريـده
والنا الرضا والعمر فاني ومحدود=والله يبيح اللـي دفـن فالجديـده

الشاعر خالد العتيبي[/poem]

الشاعر خالد العتيبي



صح لسانك


بيض الله وجهك ولاهنت على هالمرثيه وجعلها فى موازين حسناتك


الله يرحمك يابوفهد ويغفر لك ويسكنك فسيح جناته


راشد بن سالم لاهنت على النقل

الاخ راشد بن سالم



الله لايهينك على النقل الطيب




وصح الله لسان الشاعر خالد العتيبي




وعسى الله يرحم الشيخ عبدالله بن بعيث ويدخله فسيح جناته وجميع اموات المسلمين




لكم تقديري

رحم الله الشيخ عبدالله بن بعيث وتغمده بواسع رحمته



وصح الله لسانك يابوفهد وجزاك الله خير على هذه المرثية المؤثرة



لاهنت ياراشد

رحم الله الشيخ عبد الله
وصح لسان ابو فهد
وافى والوفا منه لايستغرب


وسلمت للنقل استاذى





تحياتى

قالو فقدته قلت والصبر محمود
إلاّ فقدت من المراجل بديده

صح السان الشاعر الكبير خالد العتيبي

ورحم الله ابو فهد واسكنه فسيح جناته

وبيض الله وجهك ياراشد على ذا النقل

جزله من جزل

مرثية مؤثرة

من شاعر عملاق

صح لسان شاعرها

وشكراً لك على النقل

أخي الكريم راشد

مشكور

يعطيك العافية

الف تحية