الموت حق ولا يحاديه حادي

قصيدة قلتها بعد وفاة خادم الحرمين الشرفين الملك فهد بن عبدالعزيز

رحمك الله يا ابا فيصل


ليلي غدا كله هواجيس وافكـــــار
========== والعين شقيت من بلاوي السهادي

والرجل في طبعه صبور ٍ وجبــــار
========== يصبر على ظيم الليالي الســـوادي

كبر المصيبه تعطي ابن ادم اعــذار
========== تدمع عيونه لو ركبها العنـــــادي

لا ... شك جانا علمها مثل الاعصار
========== مابين لحظه طيرت بالبـــــــــلادي

المملكه تنعى وترضى بالاقـــــدار
========== والموت حق ولا يحاديه حــــــادي

قالوا فهد جته المنيه بالاخبـــــــار
========== نزل خبرها والخبر ماهو عـــادي

ثارت وفاته بالعروبه والاقطــــــار
========== كل الدول لبست عليه الحــــــدادي

من طيب ابوفيصل توفى بلا اعسار
========== المسلم اللي مات والموت هـــادي

ياربي تجعل منزله منزل ابــــــرار
========== تبعد فهدنا عن لهيب الوقــــــادي

واختم كلامي واطلب الله بالاشعــار
========== يلهم ولي عهده براي ٍ ســــــدادي

"

"

"

صح الله لسانك

وسلم بنانك

مدد بلاعدد

تقديري

"

"

"
"

عبدالعزيز البليهي


صح لسانك والله يجزاك الخير على المشاعر الصادقه

والمرثيه المؤثره



ورحم الله فهدنا بواسع رحمته وأسكنه فسيح جناته
وخلف لنا بخير

المملكه تنعى وترضى بالاقـــــدار
========== والموت حق ولا يحاديه حــــــادي



صدقت .. الموت حق ولايحاديه حادي

وصفت ببلاغة

اللهم أرحم أبوفيصل وأجعل مثواه الجنة


عبدالعزيز البليهي


صح لسانك ولاهنت

اللَّهُمَّ اغْفِرْ لَهُ وارْحَمْهُ وعافِهِ واعفُ عنْهُ وأكرمْ نُزُله ، ووسِّع مُدْخلَهُ ،
واغسلهُ بالمَاءِ والثَّلْجِ والبَرَدِ ،ونَقِّهِ من الخطَايا كَمَا نَقَّيْتَ الثَّوبَ الأَبيضَ
من الدَّنَسِ ، وأَبْدلهُ داراً خيراً من دارهِ ، وأهلاً خيراً من
أهله وزوجاً خيراً من زوجهِ وأَدْخِلْهُ الجَنَّةَ وأعِذْه من
عَذَاب القَبْرِ (ومِنْ عَذَاب النَّارِ )

أخوي عبدالعزيز البليهي
صح لسانك
ولاهنت
تحياتي لك وتقديري