//// من قال مات الفهد غلطان غلطان ////

عذراً لتأخري لعدم تمكني من الدخول في الفترة الماضية
وهذه مشاركتي آمل أن تجد القبول لديكم

[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

مرت ثلاث أيام والديـره احـزان = والنـوم فـارق ناعمـات الوسايـد
كل الوطن متوحد بصـورة انسـان = جميع من ضم الوطن قلـب واحـد
اذا اشتكى عضوٌ تداعت له ابـدان = مما شكـى تشكـي وممـا يكابـد
على فهـد يبكـي شبـابٌ وشيبـان = عم الحزن حتى الشجر والمساجـد
الدمع لو جمع جرت منـه وديـان = وان قلت صارت بحر ماهوب واجد
مرحوم يجزاه الولي خير واحسـان = يقولهـا قايـم وراكـع وسـاجـد
وكان العزا للنفس صبـرٌ وسلـوان = إنـا علـى دربـه نسيـر ونعاهـد
من قال مات الفهد غلطان غلطـان = مامات ذكره في علا المجـد خالـد
شف وجه عبدالله وشف وجه سلطان = ترى الفهد موجود حاضر وشاهـد
ماغاب أحد منهم على مر الازمـان = من عهـد قايدنـا الإمـام المجاهـد
عبدالعزيز اللي بنى دولـة ايمـان = دولـه فتيـه مـا ثنتـه الشـدايـد
محى ظلام الجهل والنـور برهـان = ساد الرخا والعـدل والظلـم بايـد
دستورنـا القـرآن مافيـه نقصـان = ماهمنـا منـهـو عليـنـا يـزايـد
ماعندنا أيتـام مـن بـد الاوطـان = لامات أبو صار الملك خيـر والـد
واليوم بايعنا ملـك صـادق لسـان = عبدالله الفـارس وراعـي العوايـد
له الولا والطاعه احسـان باحسـان = نمشي مع شوره على قلـب واحـد
[/poet]

علي الحسني


مشاعر صادقه من شاعر وافي


رحم الله الفقيد الغالي وجعل مثواه جنات النعيم



اخ وك

صح السانك


قصيده جزله


من شاعر وفي وصادق



دمت بخير

الاخ علي الحسني

صح السانك والله يرحم اموات المسلمين