بالهون يا دولاب الايام بالهون

انا لله وانا اليه من الراجعون


[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يا خالق الأيام من دون في دون=عليك يارب العباد اعتمادي
يالله يا مخرج من البحر ذنون=يارب تهدينا لدرب ألرشادي
بلهون يا دولاب الأيام بالهون=اعظم خبر كدر منامي وزادي
يا كبر هم داخل القلب مكنون=والكون كله مغتشيه ألسوادي
هز القلوب وهز قدامها الكون=وأعلن به التلفاز قبل ألروادي
والدار يبكي وآهل الدار يبكون=على فقيد ودعته ألبلادي
قضى حياته لجل الإسلام مرهون=وعشرين وأربع ما هناه ألرقادي
حاكم وللبيتين خادم ومامون=ولا دونها يحدا ابيض الوجه حادي
الحاكم الرايد على مايريدون=ريف الضعوف وخزم خشم الأعادي
القايد العادل بعدله يعدلون=الماجد بمجده ورأي ألسدادي
يسهر على شعبه وشعبه ينامون=في ضل أمانه بعد رب ألعبادي
واليوم أبونا في ثرى العود مدفون=أنا اشهد انه يوم ماهو بعادي
ويالله يارب له الخلق يدعون=اتثبته بالحق يا خير هادي
وتنشي على قبره هماليل ومزون=ومعها من ألجنه نسيم البرادي
وتمد عبدالله وسلطان بالعون=أهل ألوفا والطيب وأهل المبادي
عسى العوض فيهم وبالخير مقرون=آمين يارب عليه اعتمادي
[/poet]

الأخ الزميل الشاعر عبدالله القثامي .

صح الله لسانك وجعل ماقلته في موازين حسناتك ,

ورحم الله الفقيد رحمة واسعه يارب .


آآآمين

الشاعر القدير 0عبدالله القثامي

بارك الله فيك00 ورحم الله قائد الأمه المغفور له باذنه تعالى الملك فهد ابن عبد العزيز

قصيده معبره ومؤثره من شاعر كبير صادق الاحساس ونبيل المشاعر

تقبل تحيات اخوك ابوعبدالرحمن

الشاعر القدير 0عبدالله القثامي

بارك الله فيك00 ورحم الله قائد الأمه المغفور له باذنه تعالى الملك فهد ابن عبد العزيز

قصيده معبره ومؤثره