فهد فهد حلال كان الصعيبات

اخواني واخواتي

خادم الحرمين الشريفين فقيده للالمه العربيه والاسلاميه
ومهما قلنا لن نعيده او نوفيه حقه ولكن تعبير عن مايجول في الراس
والعذرو السموحه في القصور والتاخر لضروف العمل الطارئه

[poet font="Simplified Arabic,4,black,bold,normal" bkcolor="transparent" bkimage="backgrounds/16.gif" border="double,4,gray" type=0 line=200% align=center use=ex length=0 char="" num="0,black" filter=""]
بسم الحرس كله كتايب وقادات=من قايده نبدا ليا احدث جنوده
وكل وحِده من جميع القطاعات=وشعب مخلص نعرفه من جدوده
والامتين مع اختلاف اللغوات=والقارتين وثالثتها إمعدوده
ننعي فقيدٍ ذيع عبر المحطات=تناقلت موته وقامت تعوده
فهد فهد حلال كان الصعيبات=لاعمست الارياء تكادح زنوده
كم سجل التاريخ له من مهمات=داخل وخارج واضحه وإمعهوده
في داخل بلاده تطور ونهضات=والمسجدين وتوسعتها شهوده
ومجمعٍ يُعنى بتفسير الآيات=وطباعة المصحف ونشره لفوده
ومستشفيات وجامعات ومطارات=وعدة مواني كل يوم امعموده
وطرق سريعه مدعمه بالسياجات=تربط وطنا بالمدن مع حدوده
ومجلس الشورى قراره بالاصوات=اسسه ابو فيصل واسس بنوده
وانشى نظام الحكم واعلُن بفقرات=موضحاتٍ كل فقره قيوده
واهتم بالنهضه وخص الصناعات=صقل صناعتنا وكثف جهوده
وعلى الصعيد الخارجي والسياسات=جهود جباره كثار امحموده
يوم انحرف صدام واخطا المسارات=وغزا الكويت وقام ينهب نقوده
نخاه جابر؟قال ماعنك صدات=اوعدك واشهد بانه اوفى وعوده
رد الكويت وسكت الطاغي اسكات=فهد فهد باذن الله ما شي يكوده
والقدس رده منوته واكبر امناة=نوى يرده من عداه ويهوده
له وقفةٍ لاقيل للناس وقفات=كلٍ لها يحسب ويحسب وجوده
ضلعٍ عسيرٍ من جبال السراوات=ماحركه برق السحاب ورعوده
ولا البحور الهايجه والمحيطات=اللي تصافق موجها ريح نوده
الشرق الاوسط لاحصل به خلافات=يحلها لين المحبه تسوده
حلحيل حلال الامور العسيرات=مابيحت كثر المشاكل سدوده
عزانا فيه انه مقيم الصلاوات=ويحب من يخشع بلحظة سجوده
للخير مفتاحٍ وللشر ضبات=والله من ما انفق وقدم يعوده
مرحوم والله يجعل القبر روضات=تواسع جنوبه وتبعد لحوده
وتفوز بالجنه وتلقى الملذات=خالد مخلد في نعيم وبروده
وتستبشر بمن هم لك اخوان واخوات=مع النبي والصحب تارد عدوده
ونعزي الاسره جميعاً وبالذات=خليفتك واخوانه اللي عضوده
وعيالك اللي ينطحون المغيرات=الكل منهم دمعه احرق خدوده
معاوضين بخير في والدٍ مات=اسد وعقّب له فهود واسوده
وانته يابو متعب لها كل الاوقات=شعبك معك وانته بداله تقوده
يبايعك شعبك وينصت لك انصات=ويعاهدك والكل يوفي عهوده
بيعت صفى لاهل الوفا صافيه جات=ماطبها سيه ونيه حقوده
وولي عهدك له سلام وتحيات=الله على طاعتك عمره يزوده
عضيدكم لو جاء لبقعا اصطفاقات=شويركم فالضيق نعرف صموده
وصلاة ربي عد وبل المخيلات=على رسولٍ كلنا من ودوده
[/poet]


كلمات ابنكم المخلص الرقيب/حسين الحارثي

الحرس الملكي المنطقه الغربيه

الاخ حسين الحارثي

بيض الله وجهك على مشاعرك النبيله اللي جسدت فيها حزن الولد على والده

تقبل الله دعواااااااااااااااااااااتك ورحمه الله ملكنا رحمة ٍ واسعه

دمت بخير

اللهم ثبته عند السؤال ,,
اللهم اغسله بالماء والثلج والبرد ,,
اللهم نقه من الذنوب والخطايا ,,
كما ينقى الثوب الابيض من الدنس ,,
اللهم ارحمه برحمتك يارحم الراحمين ,,,
ووسع مدخله واسكنه فسيح جناتك ,,



صح لسانك شاعرنا

وجزاك الله خيرا

كتبت فأبدعت

نوض سدير

الله يرحم ابو فيصل



حسين


صح الله الساانك


وابيض وجه


اخوك


الراوي

الاخ حسين الحارثي

بيض الله وجهك على مشاعرك النبيله اللي جسدت فيها حزن الولد على والده

تقبل الله دعواتك ورحم الله ملكنا رحمة ٍ واسعه
صح الله لسانك وبيض الله وجهك


تحياتي

حسين الحارثي


رحم الله فقيد الامه


بيض الله وجهك على هذا البوح الصادق

تحياتي

اخي حسين صح لسانك
وجزاك الله خير على هذا الوفاء

اللهم ارحم الملك فهد وغفر له
وإجعل قبره روضة من رياض الجنة

خالد راشك الحثلان

صح بدنك

ولاهنت على المرور

والله يسمع منك ومن الجميع


اخوك

نوض سدير


صح بدنك

ولاهنت


والله يغفر له ويدخله مخلاً جميلاص

تقبلي تحياتي

اخوك

سالم اليامي

مرحبابك يالقرم

ومرحبا بمرورك العطر

لاهنت

سعد المري

وجهك ابيض

وصح بدنك

ولاهنت

وجودك مكسب

والله يرحم الملك فهد رحمه واسعه

امين

خالد بن فراخ

وجهك ابيض

ولاهنت

والله يسمع منك ومن كل مسلم ومسلمه يدعون له

رحمك الله يافقيد الامتين