مواجهة الشاعر / ناصر ال صامل

السلام عليكم ورحمة الله وبركاته

اختيار موفق لشاعر ملك القلوب بطيب اخلاقه وتعامله ثم بسحره الشعري

كيف لا وهو ( ناصر ال صامل )

صبحك الله بالخير يابوفهيد وتقبل الله طاعتك وكل عام وانت بخير

حبيت اسلم الحين وارتب الاوراق ولي عودة ان شاء الله

الغالي داهم العصيمي

في كل مكان اجدك فيه اجد طيبك وكرم اخلاقك يغمرني ويغلبني حضورك شرف وفي انتظار اسئلة اخ عزيز وغالي
الف شكر يااستاذي

الغالي اخوي
بدر بن محمد

مرحبابك يابومحمد وصدقني ان مرورك وترحيبك انه شرف لاخوك الصغير

أبو فهيد هل عندك نيه لتنزيل ديوان صوتي قريبا ؟؟
والله يابومحمد في الوقت الحالي ماطرا الطاري يطري اني اطلع ديوان صوتي وبدري على الديوان خلني لين اتمكن من اللي بخاطري
وبعدها اعدك ان تكون نسختك عندك ان شاءالله

استاذي وحبيبي كما يحلو لي ان اسميه
عبدالله بن معجب الشهراني
.
.
.
والله وتالله وقسم بالله وعلي الطلاق ان كلامك ان يشرف اخوك الصغير ناصر ويعلم الله اني احد جمهورك العريض كيف لا وهو كلام استاذ بحجم عبدالله الشهراني الف الف شكر على تقليدي هالوسام اللي اعتبره فخر لي وشرف لي مرحبابك عدد مالك في قلبي من غلا وانتظر عودتك بكل شوق وعلى احر من جمر
لبى خراطيش قلبك

اخي العزيز \ ناصر ال صامل
مرحبا بك ومسهلا
غالي ياناصر وشاعر ولك مكانه في قلب اخوك...

لك المحبه واتقدير

الغالي فهد بن ماجد مرحبابك مرة ثانية وثالثة ورابعة ... الخ
غالي يافهد غالي


لكونك مشرف بالديوانيه هل تعتقد بان عدد لا بأس فيه من اصدقاء الديوانيه هم اعضاء بالمنتدى قد اضاف طعم اخر وماده جديده نتداولها في حديثنا اثناء تجمعنا بالديوانيه وهل انت توئيد غياب اغلب الاعضاء ؟؟

بالنسبة للديوانية فهي متنفس للاعضاء بلاشك فيها نأخذ راحتنا على الآخر خصوصا انها للاعضاء فقط وجميع موادها التي تعرض في اعتقادي انها تضيف للمنتدى الكثير ويكفيك انها تقرب الاعضاء من بعض وهذه اكبر اضافة للمنتدى ..
اما عن غياب الاعضاء فلا والله مانيب مؤيد له ولكن الناس وظروفها والشاعر احيان يحبذ الغياب ليأتي بكل ماهو جديد والحضور المتكرر قد يضر الشاعر الا في الديوانية طبعـًا فحنا ماتعرفنا على اكثر الاعضاء الا في الديوانية وهذا شي يحسب لنا كمشرفين

من يعجبك من شعراء الساحه الحاليه نكتفي بثلاث اسماء؟ وماهي الأبيات التي أعجبتك؟
سعد بن جدلان
علي بن حمري
سعد بن علوش

اما الابيات فهي كثيرة ولكن كل مايقوله سعد بن جدلان تحديدًا يعجبني وكل ابيات جميلة تعجبني بلاشك



سوال رياضي

ماشعورك لحظه إعتزال زيدان لاعب كرة القدم نهائيا.. هل هنالك لاعب معين يمكنه التعويض بزيدان أو بالقليل منه في المنتخب الفرنسي؟

شعوري كشعور اي متذوق للفن الكروي
انا اعتقد ان التعويض صعب جدًا جدًا جدً خصوصا زيدان هذا اسطورة لاتتكرر ولكن احب لعب هنري ولازال في مقدمة لاعبين فرنسا ان لم يكن افضلهم على الاطلاق حاليـًا

رسالة توجهها لشاعر الخلوق / بدر غازي لغيابه المفاجى لكونه غالي لدى اغلب اعضاء هذا الصرح؟
اقول تراك زفتها يابدر عاد انت رجال بتعود طيب والا مابه الا خشم الرشاش

وماذا يعني لك النداوي الفكاهي المرح صاحب القلب الطيب الاستاذ / براك بن محمد؟
انت قلتها صاحب الطيب يعني لي اخو وغالي واستاذ كبير وعزيز على قلب اخوه الصغير ناصر



ثانكس عمو فهد

ابوفارس دائما تنتقي الرايات شكرا لك 0
ناصر ال صامل الله يحييك سعيد بتواصلك الصادق
سؤال واحد : اين يجد ناصر نفسه من الطير والمقناص ؟ شعرا وممارسه؟
تقديري لشخصك 0

الغالي الاستاذ
عبدالله الزهيري

حضورك شرف يابوشايع وغالي عساك ذخر
لاهنت لاهنت

حمد ال جميلة

تدري ليه ماحطيت قدام اسمك شي لاني لو اباكتب غالي ماهوب شي عند اللي في قلب اخوك ولو اكتب استاذ شهادتي فيك مجروحة ولاتقبل لانك استاذي لذا خليتها تسذا ويعلم الله انك من الغاليين في قلبي والمقربين لي في هالمنتدى من غير قاصر في البقيى لانك خلال فترة قصيرة جدا جدا حزت على اعجاب اخوانك هنا وصرت في مقدمة اعضاء هذا الصرح اللي يفخر بك كشاعر وكراعي علوم طيبة وحضورك هنا تشريف لاخوك ناصر وبالنسبة للدعوة العرس فهذا اللي شلخ قلبي ياخوك مير الله يتقبلها


لو قالو لك سو لنا منتخب شعراء من الخليج فمن ستختار؟؟؟؟

والله التحديد هنا وانت اخترت منتخب وهذا يعني انك هنا ألزمتني بتشكيل 11 شاعر وهذا شي صعب وصعب جدًا لان شعار الساحة الآن على كثرتهم ماياصلون 11 لكي يمثلون منتخب لهم
لكن تأكد اني بأنهج نهج المدرب ماركوس وبأحط أغلبهم من الشباب

الغالي حسن الوطري

عيدك مبارك ومرحبابك مليار غالي وعزيز في قلب اخوك الصغير
لاهنت
لاهنت

الغالي والنداوي المبدع
مناور بن هاجد

حضورك شرف لي وغالي على قلبي عيدك مبارك وكل عام وانت بخير وتقبل الله منا ومنكم صالح العمل
وابشرك حالي طيب بوجود مثلك وشرواك
لاهنت لاهنت

السلام عليكم

لاهنت يابوفارس

وارحب ياناصر

حضوري للترحيب فقط والاّ انت شاعر مبدع ولاتحتاج شهاده من احد

والربع ماقصروا في الاسئله

اتمنى لك التوفيق والسداد من كل قلبي

تقبل تحياتي وتقديري

وكل عام وانت بخير

لاهنت يابو فارس وكل عام وانت بخير

الاخ العزيز ناصر ال صامل كل عام وانت بخير

وفرصه للسلام وتجديد العهد يالذيب

سؤالي طال عمرك

ماهي اكثر المدارس الشعريه

التي تأثرت بها وتميل لها بكل شفافيه

وتقبل من مودك بحر اصدق الود

اررررررررررررررحب يابوفارس



وتشكر على المجهود الطيب والاختيار الموفق



واررررررررررررررررحب يابوفهيد



حضرت للسلام والترحيب بشخصك الكريم




تقبل تقديري واحترامي

السلام عليكم ورحمة الله وبركاته

عدنا

اسئلتي يابوفهيد على النحو التالي : ـ

س1- من هو الشاعر الذي تتمنى الجلوس معه على طاولة واحدة في امسية شعرية ؟

س2- من هي الشاعرة التى تطرب ناصر ال صامل ؟

س3- لمن يقول ابوفهيد لابارك الله فيك ؟ ولمن يقول معروفك على راسي ؟

س4- هل للشعر وقت عند ناصر ال صامل ؟ وهل جميع قصائدك واقعية ؟

س5- بكل صراحة هل الشعر يؤكل عيش ؟

س6- من هو نائب الرئيس الفنزويلي ؟

س7- من هو اول من يسمع قصيدة ناصر ال صامل ؟

س8- متى سنرى ناصر ال صامل في احد البرامج التلفزيونية الخاصة بمسابقات الشعر ؟

س9- ماهو الاقرب من وجهك نظرك في المستقبل !! الديوان المسموع او الديوان المقروء ؟

س10 - هل تؤمن بالوراثة في الشعر ؟ دلل على ذلك ؟

اتمنى ان تكون اسئلتي سهلة الهضم يابوفهيد ...

لاهنت