" فـالح بن قشعم " ضيفنا هذا المساء

الاخ العزيز / هادي الهاجري
مرحبا والله ومسهلا واتشرف بمرورك الكريم والله يسلمك من الشر يالسنافي

ثق بالله انّه شعور متبادل ولا تغلي الا اللي يغليك فديتك

لاهنت طال عمرك وسعيد بمرورك الكريم

الاخ العزيز / صالح مصلح الحربي
يامرحبا والله ومسهلا وسعيد بمصافحتك الكريمه .. وتواجدك يالسنافي



هل تعتقد ان المنتديات الشعريه تغني الشاعر عن الساحه الشعبيه والنشر عبر وسائلها ؟؟؟ في الوقت نفسه هل تري ان النت يثري تجربة الشاعر؟؟؟

لا طال عمرك ماتغني ... لان النت له ناس والصحافه لها ناس ... والنت مايغني الشاعر لانه غير موثوّثق للقصائد .. فصرنا نخاف السرقات الادبيه وحتى الافكار ... اما المطبوعات فهي موّثقه من قبل وزارة الاعلام .. واؤيدك الراي نعم النت يثري تجربة الشاعر لانه يختلط بشعراء كبار ويفيد ويستفيد منهم كثيراّ وانا احد الناس استفدت كثير من باب المعرفه فالنت


اين انت من الساحه الشعبيه.؟

انا مو جود طال عمرك ولكني جديد على الساحه ...ولي قصائد تنشر في مجلّة اصايل الموقره ... منذ فتره قصيره والله يعينني لرضاك ورضى الجمهور


الله لايهينك ياصالح على المرور الكريم ... واسئلتك الطيبّه
دمت يالسنافي ولا خلا ولاعدم
وتحياتي لك

الاخ العزيز / ناصر الحارثي
مرحبا والله ومسهلا .. وثق بالله اني سعيد بمرورك الكريم واشكرك على التواصل والله يسلمك من الشر يالسنافي
لاهنت ياهداج .... ولك ازكى التحايا

الاخ العزيز والغالي / بن هضيبان
مرحبا والله ومسهلا .. وابرك الساعات يوم اشوفك ... وافي يابو سلطان والله يسلمك من الشر
اشكرك على حضورك المميّز
تحياتي لك

الاخ العزيز / مجعد بن متعب

مرحبا والله ومسهلا ..وانا سعيد بمرورك ومتابعتك يالسنافي
الله لايخلي منك طال عمرك
تحياتي لك يالسنافي

يامرحبا ومسهلا يابو محمد .. سعيد بتواجدك طال عمرك


س1/ من هم الشعراء المتابع لهم الشاعر فالح بن قشعم ؟
اتابع للكثير والمبدعين والمتميزين من جميع النواحي ... وثق بالله ان اللي اتابعهم بالمئات .. وابشرك بهم ان الشعر لازال بخير

س2/ من هو اول من يسمع قصايدك ؟؟
والله مثل ماذكرت عمّاني وانت من ضمنهم يابو محمد

لاخلا ولاعدم طال عمرك وشاكرلك مرورك الكريم

تحياتي لك

الاخ العزيز والغالي والشاعر المتميّز / سعود الدهي
مرحبا والله ومسهلا وسعيد بمصافحة شاعر بحجمك طال عمرك




الاحظ غياب ابو محمد عن برنامج ديوانيه شعراء النبط مع العزب

ما السبب في ذلك؟؟

وهل سنراه قريبا اتمنى ذلك..................

والله يابو مشاري القصور منيّ انا مع ان العزب يدعيني دايم للدوانيه ولكن لشوية ظروف تحجبني من ذلك واوعدك خير انشاءالله بالمشاركه عن قريب

لاخلا ولاعدم يابو مشاري
وتحياتي لك

مرحبا ومسهلا يافهد الوايلي وسعيد بمرورك الكريم يالسنافي
انا بخير جعلك بخير وزود نعمه


س / هل تؤيد تبني المجلات للشاعر مع تحفظها بنشر قصائد الشاعر المتبنى في مطبوعات اخرى ؟


طبعاّ لا ... وانا شاعر حر بنفسي ولست رهينه لكل شخص ... ولن اسمح لاحد بان يحتكر قصائدي ...

تحياتي لك طال عمرك وشاكر لك مروؤرك الكريم

الا خ العزيز سالم العرجاني مرحبا ومسهلا وسعيد بمرورك الكريم
والله يسلمك من الشر وافي طال عمرك
تحياتي لك

مرحبا والله ومسهلا ملايين والكاذب جعله العمى
هادي بن سعيد والله العظيم انك تحرجني دايم بطيبك وكرمك وسمو اخلاقك ..وفي ماذكرت وماعليك زود يابو سعيد ..اخو وعزيز وغالي ..وثق انه شعور متبادل طال عمرك


متى بدأت كتااابة الشعر وكم قصيده في رصيدك ائلى الان


بدات الشعر وعمري 15 سنه وقصائدي مايقارب 150 قصيده
من تتابع ويعجبك من الشعراء القدالما
يعجبني الكثير وعلى رائسعم ( عمير بن راشد العفيشه ) احرص على قرائت قصايده باستمرار


هل تستشير احد بعد ان تنتهي من كتابة القصيده ام انك تقكتفي
بقنااعتك


احيانّا استشير ... واكتفي بقناعتي كما ذكرت


وما هي اقرب قصيده ائلى قلبك


قصيده بعنوان ( الليله المباركه ) وهي موجوده فالنداوي


والله يسلمك من الشر ولاهنت على الحضور المميّز يابو سعيد والله لايخليني منك
تحياتي لك

ارحب يالعرجاني مره اخرى ..وعارف قدري عندك وانت كذلك عارف قدرك عندي ..والشك زايل


في نظرك ماهو الشاعر الناجح

هو الشاعر المتميّز بطرحه ومبدع باسلوبه ... والمتقبل للنقد بصدرٍ رحب ... ويحبونه الجمهور


2 وهل الفكاهه في القصيده تجذب الجمهو ر وخاصه جمهور الامسيات وهل انت ضد او مع الدمج بين الفكاهه والجديه في القصيده

الفكاهه لاتغني ولا تسمن من جوع .. مجرّد سحابة صيف .... لانها عابره لا راسخه في ذائقة الجمهور .. ولكن مايضر اذا كانت في نص واحد لكي تلطّف جو الامسيه ... معني ضدها بالمره .... والاهم منها هو الجزل المتعارف عليه .. لا اكثر


تحياتي لك ولاخلا ولاعدم والله لايهينك ياسالم

الشاعر الجزل والأنسان الخلوق
" فالح أبن قشعم"
حضوري للسلام عليك

اتمنى لك التوفيق ومن نجاح الى نجاح يالقرم


تقبل تحياتي

اررررحب يا فالح



كيف الحال طال عمرك




حبيت اسلم عليك ووصلك اعجابي فيك كشاعر وكشخص وانت من الرجال اللي اشتهروا بشعرهم وطيب اخلاقهم .. وتراني من المتابعين لك وكلي شرف بذلك ..


وسؤالي يقول :


هل لازال فالح بن قشعم يشعر بالحماس اتجاه الشعر والنشر والبروز ام الوضع تغير الان؟؟ و بعد النجاح بالنداوي وبعد النشر باصايل هل ترى ان الطموح قل ام مازال هناك الكثير مما يريد تحقيقه فالح؟؟





والف شكر يا شاعر


وتحياتي



اخوووووووووووووووووووك

اخي الغالي جدا / طالب ال عفيفه
مرحبا والله ومسهلا ..تشرفت بمرورك الكريم وحسن الاشاده ..وثق بالله انك ماتغلي الا اللي يغليك والله يسلمك من الشر يالسنافي
تقبل تحياتي وودي ولاخلا ولاعدم