" فـالح بن قشعم " ضيفنا هذا المساء

السلام عليكم ورحمة الله وبركاته

لاهنت يابو ناصر وبيض الله وجهك


الشاعر / فالح بن قشعم شاعر كبير وجزل وله شعبية في الساحه الشعريه


س1/ من هم الشعراء المتابع لهم الشاعر فالح بن قشعم ؟

س2/ من هو اول من يسمع قصايدك ؟؟



ولك مني جزيل الشكر ...


اخوك الصغير / مبارك الهاجري

ابو محمد

السلام عليكم ورحمة الله وبركاته

حتى اكون خفيف ظل

سؤالي

الاحظ غياب ابو محمد عن برنامج ديوانيه شعراء النبط مع العزب

ما السبب في ذلك؟؟

وهل سنراه قريبا اتمنى ذلك..................

ارحب يا فالح

كل عام وانت بخير

وش حالك فديتك

س / هل تؤيد تبني المجلات للشاعر مع تحفظها بنشر قصائد الشاعر المتبنى في مطبوعات اخرى ؟




اخوك

فهد

السلام عليكم ورحمة الله وبركاته
اولاّ احب ان اشكر مراقب المنتديات الاخ العزيز / سعيد الحمالي على هذا اللقاء الذي يربطني مع اخواني النداويه .. واتمنى ان اقدم مايرضيكم والله يعيني على جواب اسئلتكم الهائله

الاخ العزيز متعب اليامي
مرحبا ومسهلا ..ويشرفني تواجدك ومتابعتك وبانتظار اسئلتك طال عمرك
كلي لك

الاخ العزيز علي جدا والخلوق / حسن الوطري
مرحبا والله ومسهلا ويشرفني تواجدك طال عمرك ..وابشرك اني بخير وطيب والربع طيبين لله الحمد


سؤالي

ماهي القصيده التي يردد فالح بن قشعم ابياتها دائمٍ


والله انا احفظ بيوت واجد وكلها درر من شعراء متنوعين لكن اكثر مااردده هو بيتين للشاعر الكبير سعد بن جدلالن :


يقول :

أنا عشت بالشدات ماعشت بعنايه & صحيح اني بدوي ليا قلتو بدوي

فلا كل من صاحبة تبدي له الغايه & ولا كل من يقطع افجوج الخلا ؟ خوي


وشاكر لك مرورك الكريم وتواضعك يابو عبدالله
الله لايخليني منك

الشاعر الجزل والأنسان الخلوق
" فالح أبن قشعم"
حضوري للسلام عليك

اتمنى لك التوفيق ومن نجاح الى نجاح يالقرم

الاخ العزيز والغالي / الوحيد
مرحبا والله ومسهلا ..والشرف هو تواجد اسمك من ضمن المتواجدين ويعلم الله اني مااكن لك الا الغلا والمحبه والتقدير ... وفعلاّ انا محظوظ بمعرفة شخص بمثابتك طال عمرك

امّا من ناحية اسئلتك فـ أستلم التالي


- فالـح بـن قشعـم لمـن ومتـى يكتـب ؟

ج1 : نعم أكتب من ذاتي لذاتي ... وأكتب عندما يحضر موقف القصيده المحفّز على الكتابه .. ومن ثم أكتب عن نفسي .. وما يدور بفكري .. ومن ثم للجمهور واتمنى ان يلاقي الأستحسان لأن الجمهور هو الحكم الأول والأخير عمّا يطرح


2-منهـو مثلك الأعلـى فـي الشعـر ؟ وفي من تأثرت ؟

مثلي الأعلى هو كل مبدع وشاعر بمعنى الكلمه ... والشاعر الذي يرضي ذائقتي بطرحه المميز .. فيستاهل ان يكون مثلي الأعلى ....... ومن ناحية التأثر .. ما تأثرت بأحد ولكن أعجبت والأعجاب دليل على ثقة الشاعر بنفسه .. والاّ ماحظى على أعجاب الجمهور ... وكثير وكثير من أعجبت بهم لايسعني حصرهم لانهم بالمئات


3- لن اسألك واقول لك أين أنت من الإعلام .. ولكن أين الإعلام منك ؟
الأعلام وما أدراك ما لأعلام اسمع يالوحيد بكون معك صريح للغايه الأعلام يبي شاعر ذو منصب وذو ماده وذو ارفعني وارفعك .. او بالمعنى الاصح مشني وامشيك لا يهتم الأعلام بالشاعر كثر مايهتم بالماده التجاريّه للتسوّق ... اعترف اني مقصرّ جداّ من ناحية الأعلام وجاتني عروضات كثيره من مجلات وصحف .. ولكن الظروف حالة دون ذلك ... والأن اعتبر نفسي جديد على الأعلام الخارجي بغض النظر عن اعلام الأنترنت .. ويكفيني شهرتي فالنداوي وتواصلي مع الجمهور وجهاّ لوجه .. والأن انا متواجد بمجلّة أصايل واشكر القائمين عليها وعلى رائسهم الاخ العزيز نايف بندر على ماغمرني به من تعامل طيّب .. وثقه طيبّه .

4-شاعر جزل كفالح بن قشعم بماذا يحس وهو يرى أشباه العشراء يتصدرون أغلفة المجلات الشعريه ؟
والله يالوحيد المثل يقول ( لاتحسد الشباع ولا تحرم الجياع ) ولكن هذا دليل لعدم مصداقيّة بعض المجلات وكما ذكرت من قبل التسويق التجاري ....
فلا يأسفني هذا الشي لأن الشعر لازال بخير من دون هؤلاء المبتبرجين بمكياج الاغلفه

5-ماذا استفدت من النداوي وماذا قدم لك؟

النداوي فضله كبير كبير علي .. والله يعينني لرد المعروف ولو بالشيئ القليل .. واهم ماستفدت من النداوي معرفة صاحبه وجميع الاعضاء والمشرفين والله انها المكسب لي قبل القصيد وبعده لان معرفة الرجال تجاره ولا مهونه لخواتي النداويات



6-كل شيء له نهايـه .. فهل للشعر نهايه؟
ينتهي العمر ولا ينتهي الشعر ... فالشعر كل يوم يتوّهج ويزداد جمال لاصحاب الذوق من كاتبينه ومهتوينه ومتذوقينه .. فالله يديم الشعر لأصحابه

7-اتمنى ان تذكر لنا قصيده او ابيات منها لم تكتبها انت ولكن هي كتبتك؟

نعم .. قصيده منها البيت هذا هي اللي كتبتني وانا ماكتبتها :

الطيب مايطري على كل رجّال & ولا كلّ رجالٍ على الطيب ضاري


وفالاخير احب ان اشكرك جزيل الشكر على حسن تواجدك وطرحك للاسئله الاكثر من ممتازه
الله يديمك لخوك ومحبك يالوحيد

تحياتي لك

الاخ الغالي / سعيد الحماالي

لاهنت وبيض الله وجهك يالبو ناصر جهود جبااره

واختياار موفق بلا شك


الاخ الغالي والشاعر القدير / فالح بن قشعم

مرحبا في مرحبا يابو محمد

وعزالله انك تستاااهل شاعر جزل ورجل من خيرة الرجال اللي عرفنااهم


سؤالي يالسناافي

متى بدأت كتااابة الشعر وكم قصيده في رصيدك ائلى الان

من تتابع ويعجبك من الشعراء القدالما

هل تستشير احد بعد ان تنتهي من كتابة القصيده ام انك تقكتفي
بقنااعتك

وما هي اقرب قصيده ائلى قلبك

وسلااامتك

اتمنى لك التوفيق
اسلم وسلم

مرحبا والله ومسهلا يابو حمد .. يستاهل ابو ناصر كل خير .. ويشرفني تواجدك طال عمرك لانه مهم لي جداّ ... لانك صاحب ذوق راقي وشاعر متميّز ... وثق اني سعيد جداّ بتواجدك يابو حمد

من ناحية الاسئله .. فـ استلم التالي



س1 : كم تستغرق كتابة القصيده معك ؟

نعم ... تستغرق القصيده معي من نص ساعه الى ثلاث ساعات .. لا أكثر .. وهذا بفضل ربي سبحانه

س2: ما رائيك بشعراء الساحه الحاليين ؟
الله يزيدهم ويخليهم للساحه لكن فيهم الزين وفيهم الشين مثل المصعد أحد طالع وأحد نازل .. لكن الاغلبيه منهم ممتازين .. والله يكثرهم

س3: هل الاعلام له دور في أبراز الشاعر ؟ او العكس ؟ وما ناتج العكس ؟

لاشك بأن الاعلام يصنع شي من لا شي .. ولكن ثق ان الشاعر يبرز باعلام او بدون أعلام وخير شاهد سعد بن جدلان وغيره عرفناهم عن طريق الاشرطه الكاسيت قبل ظهورهم للاعلام .. والناتج يدل على شاعريتهم المتميزه والموهبه من الله سبحانه ... والاحلى لا أجتمعت شاعر وأعلام .. يسلام سلّم



س4 : ماهي سلبيّات الساحه الشعبيّه ؟ وما ايجابياتها ؟؟

اذا بنتكلم عن الساحه .. راح يطول الشرح الى مالا نهايه ... بكن ايجابياتها مصداقية بعض المجلات بنشر الشيئ المفيد والكلام المعقول بحق الشاعر ... ومناصفته ... وايجابياتها عكس ذلك .. وماذكرت قليل من كثير من سلبيات وايجابيات الساحه


فالنهايه اشكرك يابو حمد على تواجدك ..وعلى اسئلتك الجميله جدا .. تحياتي لك طال عمرك

ارحب يامطر العضياني مرحبا ومسهلا
وتسلم من الشر طال عمرك سعيد بمرورك الكريم
وبانتظارك طال عمرك

ارحب يافالح غالي وعارفن مكانتك عندي

1 في نظرك ماهو الشاعر الناجح



2 وهل الفكاهه في القصيده تجذب الجمهو ر وخاصه جمهور الامسيات وهل انت ضد او مع الدمج بين الفكاهه والجديه في القصيده



ودعتك الله جعلك تحيا

مرحبا والله ومسهلا بالاخ العزيز / هزاع بن عبدالله

دام البقا بك مليار .. واشكرك على حسن الاشاده والاطراء الجميل يابو عبدالله وهذا دليل على سموّ اخلاقك العاليه وتواضعك لخوك الصغير ... وابو ناصر يستاهل كل خير

من ناحية اسئلتك فـ أستلم التالي



1- متى بدأت بكتابة الشعر..؟؟

بدايتي كبداية كل شاعر .. كتبت الشعر في سن 15 سنه من عمري .. وكانت قصايد أخذ وخل

2 هل الشعر عندك وراثه ( يعني أبيك أو جدك شاعر ) ولا هو موهبه؟؟
والله كلها وراثه موهبه ... عندي 2 من عماني شعراء .. وهم
الشاعر عبدالله بن فالح القشعم
والشاعر مطلق بن فالح القشعم
والشعر عموماّ موهبه من الله سبحانه يوهبها لمن يشاء وانا اشكر الله واحمده على هذه الموهبه الغاليه اللتي جعلتني افرّغ ما أكنّه بكلمات تعبّر عن مايدور بصدر كل شاعر


3- لو لم تكن هناك منتديات..والمجلات والصفحات الشعبيه لم تتبنى موهبتك..ما كنت ستفعل لإيصال موهبتك للناس؟؟ هل كنت ستصدر ديوان مسموع على حسابك الخاص مثلا ً؟؟
نعم اذا كانت لدي القدره على ذلك .. فلن اتردد على هذا الديوان .. وهذا راح يحصل بالايام القريبه بأذن الله .. وسأهديك اول شريط يابو عبدالله والله يكتب اللي فيه الصالح


4- عندما تنتهي من كتابة القصيدة..هل تسرع بعرضها في النداوي..أم أنك تتريث لتعرضها على بعض الأصدقاء المقربون منك لتأخذ رأيهم فيها؟؟
والله مثل مايقولون مرّه ومرّه مره لا انتهيت من كتابتها عرضتها على طول للمنتدى وثلاث ارباع قصايدي للمنتدى على طول .. ومره اعرضها على الاصدقاء المقربين اليّ اللي هي الربع المتجزء من ثلاثة ارباع



5- بصراحه شديده..من هو الشخص الذي تحرص على أن تعرض قصيدتك عليه فور أنتهائك من صياغتها؟؟

هم اعمامي الأثنين الله يطول عمارهم وعمرك واستفيد من ارائهم وتشجيعهم

6- إذا عرضت قصيدتك على مدير تحرير مجله ما ..وقال: أن قصيدتك حلوه وفيها إبداع..ولكنه أراد أن يدخل عليها بعض التعديلات لكي ينشرها..هل ستقبل؟؟

لن اتنازل لأي شخص ان يشاركني في قصيدتي ... اوّ ان يعدل فيها .. حتى لو انّه اخوي ... انا ماكتبت القصيده الا ان اعبر عن مااكنه .. ليس لكيّ يعدّل فيها الاستاذ الفاضل وانشاءالله ماتنشر ... عادها غاليه عند راعيها



7- من هو في رأيك الشاعر المتميز والأكثر إبداعا ً في الساحه الشعبيه حاليا ً من جيل الشباب وبالمثل من هي الشاعره اللي ترى بأنها أفضل الأقلام النسائيه المتواجده في الساحه الشعبيه؟؟
.
الشعراء كثيرون والله انهم كثيرون ... ولا ابي اذكر احد وانسى أحد .. ولكن ثق انهم بنظري كثيرون ...

امّا من ناحية الشاعرات .. فأنا أعتبر الشاعره .. أبعاد التركي سيدّة الشعر النسائي .. وعذراّ للشاعرات وهذي وجهة نظري أنا ...


وفالنهايه اشكر اخي هزاع بن عبدالله على مروره المشرّف ... وطرح اسئلته الاكثر من ممتازه .......تحياتي لك طال عمرك

ارحب ياحمد الدحابيب مرحبا والله ومسهلا .. ومما يثلج صدري هو تواجد شاعر بحجمك لاني استفيد من اشادته وارائه الكريمه .. وافي يامحلفي وكلي شرف طال عمرك :
اما من ناحية اسئلتك .. فهي كالتالي


أقلام في النداوي تحرص على متابعتها؟؟؟؟؟؟؟؟؟
احرص على متابعة الاخ العزيز خلف الكريّع ... والاخت سحايب فيصل



هل تحب أن يسيرك مثل الرجال اللي انت خابر؟

خلّه يكثر منها بس


الله لايهينك ياحمد على حظورك المميّز والمشرّف .. لاخلا ولاعدم يالسنافي
تحياتي لك

فهد مناور وما ادراك مافهد مناور
مرحبا والله ومسهلا ملايين .... انا والله اللي عاجز عن شكري وامتناني لشخصك الكريم ومعرفتك المشرفّه ... تحرجني دائمّا .. باسلوبك العذب ورحابة صدرك وطيب راسك يابو عبدالعزيز ... فثق باللله ان تواجدك شرف بحد ذاته

اما من ناحية سؤالك ؟ فاستلم التالي


1. لاحظنا في قصائدك الاخيره انك تميل للاسلوب الحداثي وتغيير واضح في
كتابتك للقصيده عكس الماضي فما هو السبب ؟ هل احسست ان المتلقي لايعجبه
اسلوب القصيد القديم وقمت انت بدورك بتغيير السلوب في قصايدك


نقطه مهمّه وسؤال كنت اتمنى طرحه والله جابه

اولاّ يابو عبدالعزيز .. انا من محبين النهج القديم جداّ جداّ ... ولكن رضى الناس غايه لاتدرك .. فلذلك حبيت ان اغيّر في كل نص لعل او عسى ان ارضي جميع الاطراف لان القصائد ملك للجمهور والحظيظ اللي تحفظ قصائده عند الناس .. واتمنى ان اكون عند حسن ظنّك دايم يابو عزوّز .

تحياتي لك واتمنى اني وفقت بالرد على سؤالك ....الله لايهينك على الحضور المتميّز يافهد
تحياتي لك

ارحب يابو منصور .. مرحبا والله ومسهلا .. والشرف هو حضورك المميّز يانواف .. فديت روحك



س : ماذا تعني لك شهادة شاعر بني هاجر ؟
شهادة مطلق بن ناصر تعتبر من اعز ما مر على مسامعي ... وما اسعدني ترديده لبعض ابياتي ... فشهادة مطلق كنز لكل شاعر صاعد ... ومطلق يعتبر شاعر قبيلة بني هاجر .. وانا محظوظ بشهادته


س : ماهو طموح فالح بن قشعم ؟ هل هو النشر أم ماذا ؟ ولماذا ؟

كل شاعر يعتبر نفسه متميّز يتمنى ان يكون مشهور وشاعر مرموق في جيله وعلم للاجيال القادمه .. فهذا هو المكسب بحد ذاته واتمنى ان اكون مثل هذا الشاعر اللي يفيد ويستفيد


س : مارأيك بالساحه الشعريه ؟

جيدّه وفيها الغث والسمين ... والله يجيب الها المطر


تحياتي لك يابو منصور ولا خلا ولاعدم طال عمرك