النداوي في عيون النداويه ..

الله يسعد الجميع بكل .. خير ..
نعود اليكم بعد العارض الصحي .. وكم انا مشتاق لكم جميعا ..
اخواني .. بمناسبة تخطي عداد الزوار للعشرة ملايين زائر .. بتاريخ 12 - 4 - 2003 ..
كان للنداويه حضورا بهذه المناسبة .. وسوف يتم عرضها على شكل ردود ..
كل الشكر لمن شارك بهذا الموضوع سواء بمداخلته او بتهنئته او بمشاركته ..

وكانت البداية مني بثلاث ابيات وهي :

[poet font="Simplified Arabic,14,darkred,bold ,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
مبروك مبروك بالعشرة ملايين = رقم مسجل لزوار النداوي
بجهودكم يالحشيمين الكريمين = صار النداوي كما نجم سماوي
هذي حقيقه وكل شاف بالعين = جمع النشاما بعيدين الهقاوي
[/poet]

مشاركة الشاعر ضاوي العصيمي

[poet font="Simplified Arabic,14,darkred,normal,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
مبروك ياللي على الطالات ضارين=تحيةٍ ريحها نفحات جاوي
اهديتها للحرار وللشياهين=من هاجسٍ ماخلط بين الدعاوي
ويالله عسانا على المليار ماشين=والمعذره كان قصر حرف ضاوي
[/poet]

مشاركة الشاعر تركي آل هاشل

[poet font="Simplified Arabic,14,green,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
نحتفل وابشر بسعدك ليه لا ما تحتفل=الزياره شرفتنا والعدد والله كبير

ايه انا والله فرحت وكل من زار المحل=فرحة ما آظن منها لا شبيه ولا نظير

واعتذر منك السموحه كان قضيت بعجل=كان وقتي يوم زرتك ما اظن انه كثير
[/poet]

مشاركة الشاعر مبارك آل خليفه

[poet font="Simplified Arabic,14,darkred,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
الفين مبروك والا ويش الالفين= خمسة ملايين تدبل كم يساوي ؟؟
اليوم عشره وبعد اسبوع عشرين= دام النشاما هنا سـارح وضاوي
واحلى تحيه تقدم للعـــــــزيزين=اعداد ما قد روى للحرف راوي
[/poet]

مشاركة الشاعر نايف العويمري

[poet font="Simplified Arabic,14,darkblue,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
لو مالنداوي منتدى راقي وزين=ماصار له سمعه وزود الخطاوي
تشهد له ابداعات شعار راقين=حتى اشتهر صيته بكل النحاوي
وعقبال مليارات زوار قارين=ومتذوقين ابداع فن ٍ يداوي
رجال ونساء وكل ٍ على علم ٍودين=وباعضاه واصحابه غنيّ وغناوي

[/poet]

مشاركة الشاعرة جروح الماضي

[poet font="Simplified Arabic,14,purple,normal,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
بديت باسم الله قبل قول الاشعار= و احلى تحيه بالفرح والتهاني

واختار من حلو المعاني والافكار= وبنظم قصيدي واكتبه في ثواني

لجل النداوي شمعة الحي والدار = هذا الوطن بالنت مافيه ثاني

فيه اجتمع شعّار واعضا وزوار= فيه الجزاله والشعر والبياني

معذور من زاره ولاغيره اختار= نفرح بعشرٍ جات بعد الثماني

لولا فعايلكم طويلين الاشبار= مايرتفع نجمه بعال البياني

ويالله يامنشي السحايب والامطار= ياخالق الثقلين إنسٍ وجاني

بارك لنا في منتدانا والاخيار= أهل الشجاعه مقلطين السماني
[/poet]

مشاركة الشاعر داهم العصيمي

[poet font="Simplified Arabic,14,darkblue,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
قلتها مبروك يا اهل النداوي=من ضمير واضح مثل المراية

كلكم للشعر والجزلات هاوي=والكريم القرم تاسره الهواية

لا جدل لاعنصرية لا عزاوي=غير مبدا الشعر والشعر النهاية

حظكم من ربكم دايم سماوي =ولامشى ما بينكم راع الغواية

اصعدوا للعالية و الضد داوي=المعزة ما تجي راع الوشاية

حاضر مشرق وقدام الرجاوي=يشمل الله كل مخلص بالعناية
[/poet]

مشاركة الشاعر محمد السهلي

[poet font="Simplified Arabic,14,darkred,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
ابداع واشعار وفنون ودواوين=وآداب وافكار وامثال وحزاوي
علوم وسلوم عرّاف وقوانين=ولا انتتقا على الدرب النحاوي
ربي جمعنا مع ارجالن وفيّين=متساويه وساقت الوزن امتساوي
تشهدلنا كل صولات الميادين=ولا اظن احد يجهل ابداع النداوي
[/poet]

مشاركة الشاعر محسن آل زريع

[poet font="Simplified Arabic,14,darkred,normal,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
اسموحني جيت اشارك مابقى فيها كلام=النداوي لاحسبته , عدّه اقرب من هلي

ماحسبته غير قرم ٍ شامخ ٍ بين الانام=عزته هي راس ماله والكرم له مدهلي

ضيفه اقرب من عياله , لا لفى شد الحزام=لا انتخى به من لفى به كود همّه ينجلي
[/poet]

مشاركة الشاعر سعد الهاجري

[poet font="Simplified Arabic,14,darkblue,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
بمر الولي ابتدي لا خاب طلابه = الواحد العز لا كثرت صعايبها

ابدا وتبدا حروف الطيب تبدابه = واليا ذكرته حزين النفس يطربها

لاشك ذكره حروف القاف تزهابه = المَالك المُلك لا حَلت نشايبها

قم يا قلم وانتهض بالعز وانصابه= ذا الليل راسي جزيل القاف صايبها

واكتب وانا اكتب وراح الليل بكتابه = لجل السحيمي أمور الطيب جالبها

من راس عودٍ عريب الجد وانسابه= من روس قحَطان لا وجبت وجايبها

لا من زهم شاش فكري لاوي إعصابه= أجيب من طيب جزل القاف طايبها

أزفها لك بطيب العود وأطيابه = يا متعب الصعب يا قاضي نشايبها

المدح في مثلكم لا شرع أبوابه = تلقا ونلقا بها جزلٍ جنايبها

لا والله الا عظيم المجد ترقابه = يا رايه العز لا قــَفت ركايبها

شش يا قلم لوحْ من المدح ما طابه = للي جزيل العطا والخيل متعبها

يا ذيب يا عزوت اللي شاب مخلابه= يا هامه المجد لا اسودت سحايبها

من فعلكم يا حمد كلٍ يَقدابه = تشهد لك الناس مشرقها ومغربها

المجد مهره وانت المجد ركابه= لا لوْحت رايه العليا ذوايبها

نحيا وتحيا بيوت الشعر تحيابه = يا ملتقا العز يا مجلي عقايبها

لا هاض فكري جنون الشعر ينتابه = اقدم الجَزل والهزله أحاربها

لك يا نداوي بأسم الشعر وصْحابه= أسما التباريك بالأزهار جايبها

عشره ملايين زاير زار بعجابه= ولَم الشَمل ساد بالموقف عجايبها

عجايب الطيب عجبت كل رغابه= يا لاطم الصعب لا كبرت مناكبها

حييت يا نسل عز العُرب واسبابه = يا نَسل قحطان لا هاجت نشايبها

من ديره اللي غزير المجد بترابه= للي وحوش الوغا بالسيف هايبها

ابعث سلامي لكم والفخر بخطابه= جينا نشارك عسا الأفراح نـَاجـِبها

من حبكم هاض فكري شَارك احبابه= مُواكب الطيب ما تـَقفي مواكبها

ولا لج لج الصدر طيب القاف يلجابه= حتي الثريا ينير اليوم شاهبها

ولا الردي لا حشا ما نحسب احسابه= يفداك يا ظاري الحسنا ومعطبها

لاشك كلمه فخر ما جات بنهابه= والحق يقطع بشك الفكر نايبها

ما ضاع حقٍ وراه اليوم طلابه = يا دامح الزل لا كثرت طلايبها

يا الله يا واحدٍ رزقي على بابه = رُحماك لا عانقت روحي نصايبها

[/poet]

مشاركة الشاعرة النوف الأولى

[poet font="Simplified Arabic,14,blue,normal,normal" bkcolor="transparent" bkimage="http://nadawi.net/vb/images2/6.gif" border="ridge,2,gray" type=0 line=200% align=center use=sp char="" num="0,black"]
مهي غريبة كل هذي الملايين =هذا النداوي يا سامعين النداوي
ارضه خصيبه تستهيم البعارين =من عالي الجوف لين بر الصداوي
فيه القصايد تنتشر والدواوين =وفيه الجروح الغايره تلقى مداوي

[/poet]

مشاركة الشاعر محمد الدهيمي

[poet font="Simplified Arabic,14,darkred,normal,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
كل شاعر جزل تلقى النداوي منتداه=واتصاله تنتصف ليلته مايقطعه

ان بغى الشعر المعاصر قرا شعر زملاه= شعر شعّارٍ يعرفون دربه وسنعه

ون بغى شعر الجدود وماَثرهم لقاه=ايتخيّر والفوايد روابطها معه

جاوز العشره ملايين من جاه وقراه=النداوي منتدى الفايده والمنفعه
[/poet]

مشاركة الشاعر سعود الدهيمي

[poet font="Simplified Arabic,14,red,normal,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
مبروك والعشرة ملايين عربون=تسوقه الحشمه لبيت الحشيمي
الشعر داخل منتدى الشعر مصيون=عن دبرة الجاهل وراي الغشيمي
واهل النداوي بالنداوي يمارون=زعيم ويليق ابه عرش الزعيمي
وان وصلوا الزوّار تسعين بليون=باركت للأعضا ولك "يالسحيمي"
باحلى تهانٍ وسطها الطيب مكنون=مصدارها خافق "سعود الدهيمي"
[/poet]

مشاركة الشاعر محمد القثامي

[poet font="Simplified Arabic,14,black,normal,normal" bkcolor="" bkimage="http://nadawi.net/vb/images2/21.gif" border="none,2,gray" type=2 line=350% align=center use=sp char="" num="0,black"]
لاجتمع ليل الفرح والحرف بالاشعار غنّا = جبت جزلات القوافي من يسار ومن يمين
عادة اهل العرف دايم فاللوازم ماتونّا = تنطح دروب الصعاب ولاتجيب الا السمين
وياسلام الله على اللي من معاريفه شملنا = لين صرنا نفتخر به كل وقت وكل حين
وعشت يا صرح الشموخ اللي على العز احتضنّا = وعشت يامجمع هل الطالات والعلم الثمين
ويالنداوي والله انا والله انا والله انا = للفرح جينا نشيل الورد فل وياسمين
أنت للموروث رمز وباحتفالك احتفلنا = لابسين ثياب بيض ويوم عيدك حاضرين
نرفع حروف التهاني يوم لجلك سطِّرِنّا = حشمتلك مالتفتنا في عيون الحاسدين
نبتهج بك يوم صرنا منك وانته صرت منّا = ونتباهابك ورب الكون خير الشاهدين
فرحتلّك يوم نلت بقو عزمك ماتمنّا = حين نلت السبق في تعداد جمع الزايرين
عشرة المليون زائر تبهج القلب المعنّا = واللهِ يْزيدك بخير وعز يالحصن الحصين
فيك للشعر افتخار ولو بذلنا مابذلنا = ولو نقدم مانقدم في فرحك مقصرين
[/poet]

مشاركة الشاعر سعد بن مناحي

[poet font="Simplified Arabic,14,darkred,normal,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
عقبـــــال . يا المنتــدى . عشـرة بلالاييــن ..،=مابين زاير . وعضـو . وشخص .؟ هاوي
هذا .؟ نتيجة تعبكم . يا الكريمين=والله على ما يريد العبد .؟ قاوي
صيت النداوي .؟ وصل حتّـى الدواوين=ماغير ( وش هو جديد أهل النداوي ) .؟
[/poet]