" النداوي في اليمامه "

[gl]طالعتنا مجلة اليمامه في عددها الصادر صباح اليوم بلقاء مع السحيمي ويحوي اللقاء على قصيدة جديده تنشر لأول مره . اليكم جميعا صورة من اللقاء . [/gl]

كل التقدير والاحترام لك يا ابو ناصر علي ايراد هذا اللقاء الرائع والخبر الجميل

وكل تمنياتنا للاخ العزيز حمد السحيمي بالتوفيق

ونقول له صح الله لسانك علي القصيدة الجزله ياجزل


[poet font="Simplified Arabic,14,blue,normal,normal" bkcolor="" bkimage="" border="double,2,crimson" type=0 line=200% align=center use=sp char="" num="0,black"]
ياأهل اليمامه وان فتحتوا المظاريف = تلقون زينات البيوت الجزيله

ماقلتها في مخصرات السراجيف = قلبي علي درب المعالي دليلة

يلومني في زمّتي للمشاريف = راع الطمان اللي يهاب الطويله

المجد لو دونه سيوفٍ مراهيف = وقفت أنازعها ولوهي سليله

حرٍ يروم النايفه دوم وينيف = واللي مباديه الوطا عزتي له


والله مايفرح ليا جاله الضيف = ترحيبةٍ من عقب شور الحليله


ماقد تضرّا بالجموع المراديف = الجمع لو هو من ثلاثه يهيله

وماساق رجله مقبلات ومناكيف = في سيرةٍ يرحى وراها فضيله

وياما حلا جمع الرجال المواليف = في مجلسٍ يزهاه بنه وهيله

علي النقا تدرج سمان السواليف = تبرى بطاريها كبودٍ عليله

وجزل القصيد اللي يجيب التواصيف = عن كل شيٍ مثلنا يعتني له

مثل الكرم والطيب والطير والسيف = أو ذكر شيخٍ ترعب الضد خيله

خطلان يمنا ماتهم التكاليف = ماترتجى بمناولتها حصيله

من لامني في حبهم قلت ياحيف = مانيب من يرضي علوم الهزيله

هذي حقيقة واقعي دون تزييف = أموت وأحيا ماطرالي بديله



حمـــــــــــد السحيــــــــــمي
[/poet]


لله درك يا ابو ثامر وصح الله لسانك مره اخري


وتقبل التقدير والاحترام

بوناصر لااهنت وبيض الله وجهك علوومك دايم وهى طيبه عسانا مانخلاا منك


والله يوفق بوثامر نتمنى له كل الخير والله يصح السانه جزل ومايجيب الاا الجزال


تقبل فائق تقديري واحترامى

اخوك

محمد بن حميدان الهاجري

ابو ناصر

سبقتني على الموضوع ذا وماهي غريبه عليك سباق دايم في كل شي وراعي الأوله



ابو ثامر والله انه يوم عن يوم يزيد حبنا للشايب ذا

والله العظيم انه فعلاَ في مقام الوالد وابو ثامر يستاهل كل خير رجل قدر يملك القلوب من كل مكان

بطيبته وبكل مافيه من زين الله يطول عمره ويجعل ايامه سنييييييييييييييين


ابنكم


فهد الوايلي

تستاهل والله يابو ثامر ...
وهذا قليل في حقك ... ومهما كتبت الصحافه عن موقع النداوي ماراح توفيه حقه ...

يكفينا الارتباط الروحي بالموقع


لاهنت يابو ثامر وعسا الله يحقق لك مرادك ...


اخوك:
عايض راشد

ابو ثامر (حمد السحيمي )...

كل ما قلته عن موقع النداوي أظنه ماوصف ولو جزء من اللي نحسه تجاه بيتنا يا السنافي..
الموقع هذا مهب موقع قد ماهو كل شي لنا...
فشكرا من الاعماق للتميز اللي شعرنا فيه بوجودك وبوجود النداويه كلهم...
ونقدر نهني مجله اليمامه اكثر من توجيهنا التهنئه لك..
لانهم املكوا شرف استضافتك وسؤالك..

وصح الله لسانك مليون يا السنافي...
ولاهنت...

ولا ننسى..
الله لا يهينك يا الحمالي على كل هالاخبار الحلوه وعلى رحابه صدرك يا السنافي...
الله لا يخلينا منكم يا النداويه...

مشكور يابو ناصر



اخي ابو ثامر ماقلته بحق النداوي مشرف واستحسان يليق في مقامك يالقرم وجهود مبذوله منك في نجاح هذا الصرح الشامخ ...

والقصيده تشمل كل اخوانك وأبنائك النداويه بشكل عام تكاتف اخوي ومحبه تشمل الجميع


الله يطوّل بعمرك ياحمد

بسم الله الرحمن ارحيم


الاخ العزيز حمد السحيمي ( النداوي) لقب وعز الله انك تستحقه


تحيه عطره


اولا اهنيك على القدر الرفيع الذي لك في قلوب جميع من يعشق الاصاله والشعر والادب الذين عرفوك رجالا تجتمع فيه جميع خصال الرجوله

وثانيا ابارك لك هذه الميز ه الذي هي من فضل الله اولا ثم من خصالك الحميده وجهودك الجباره الذي يواكبها صفا النيه ونقا القلب

اخي العزيز يعلم الله ان لك نباء حميد في السنة من عرفوك عن قرب او سمعوا بك من بعيد فهذا من حسن ذاتك وطيب اصلك ولا تستغرب على امثالك هذهي الثمره الذي يصبو اليها كل رجل فاضل 0

لذا تستاهل كل علم طيب 0

ولايحق لي ان انسى الجهود التي يقوم بها اخي العزيز سيعد الحمالي فهو مثل عالي لكل الصفات الطيبه الوثابه الى ماهو افضل000






تقبلو فائق تحياتي وتقديري


اخوكم راعي مشهور

السلام عليكم

اسعد الله صباحكم اخوتي
واسأل الله يديم النجاح والتوفيق لاستاذي الفاضل حمد السحيمي

والله اني لفخوره بوجودي بمنتدى النداوي الغالي
ويوم قرءت اللقاء احسست بسعاده وسرور منذ زمان ما شعرت فيها

الله يسعدك اخي قلب الذيب
والله يسعد النداويه كل ابوهم اميييييييين


للجميع كل الاحترام والمحبه وللجميع يارب التوفيق
اختكم شموس

[c]يستاهل تسليط الضوء واكثر
فموقع النداوي ليس بقليل 00 ومايبذله النداوي حمد السحيمي

00 يستاهل ان تفرد له صفحاات وصفحاات

وكفو يابو ثامر 000 ودليل قابلية المتصفحين 00 والقراء للنداووي ومنتديات 00

عدد زيارته التي اعتقد انها الان تجاوزت ستة ملايين زائر


ابو ثامر 00 قائد المسيره النداوويه 00 تستاهل كل خير 00

وصح لسااانك وبيض اله وجهك على هالقصيده الجزله

وعلى الايضاح الشامل اللي جاء في مساحه اقل من ممايستحق اللقاء 0

ولكن موضوعيتك ونظرتك للموضوع الصائبه استطعت بان ترووي نهم القاريء


ابو ناااصر 00 لاعدمتك 00 دايم سبااق للطيب والعلوم الغانمه 00

وجميع مجهوداتك بعين الاعتبار 00

للجميع كل الود[/c]