الشاعر / عبدالله بن شايق

من كبار الشعراء الذين وصلو للنجومية وسماء الأبداع في وقت قصير جداً على الرغم من محاربة كثير من الشعراء له في بدايتة الشعرية وذلك لشدة بأسه على الخصم المقابل
إلا انه رغم هذه التحديات تصدى لها بقناعة عاليه في شاعريته وثقة كبيرة في النفس .
وتربع على قمة هرم المحاورة ومحلقاً في سماء التميز بالموهبه الكبيرة التي تعود ملكيتها له
فكانت نظرته دائماً ثاقبة لما يملكه من إبداع فطري
وموهبه شعرية تفوق الخيال ولا يخلو أي بيت من
ابيات الشاعر إلا ويضاف إليه نكهة الجمال وقوة التعبير

سلام الله سلام الشاعر الي ماخضع للناس=خضع للواحد الي له جميع الخلق خضاعه

ويقول أيضاً في بداية احد المحاورات

هلا ترحيبة مثل الخلاص وتمرة النبُوت = على طاسة حليب بكار شقح عند مصلاحي

وكون الشاعر قاعدة جماهيرية عاليه جداً انطلقت من المملكة وحتى معضم دول الخليج العربي ويتميز بذكاءة في توظيف العبارات وأنتقاءة جزالة الألفاظ لكي يسيطر على القلوب ويدخلها بحضورة البهي …

مراحب وارحبو يا مرحبا ترحيب شوق حـار=أحط ايدي على العلـه وآداويهـا وآعالجهـا
انا والله ما آبسط لين آثـور عجـة الشعـار =وآشوف الملعبـة يختـظ داخلهـا وخارجهـا

جمع جزالة المعاني ببساطة المفرده ليغرد بألحان الشعر بكل جمال وروعة وجدارة كافية تؤهله للقب ملك الموال كما أطلق عليه جمهوره

علموا كل شعار الحجاز ونجد والشرقية
………………..والشمااااال وكل شعار الجنوب
القرار اتخذته وانشدوني ليش يوم اقووووله….لأجل اصارحكم ولاني معتذر..
(( وان قامت الصفين بان القرار
ما عاد في اللعب ياشعار حبة خشم=ابرمت جمعٍ يطير الخشم من ضربته[/poem]

دورولي عميل يعطي الابيات بالكمية
………………شاعر يدخل مع كل الدروب
كلمته تضحك الجمهور لا غنى بها مقبوووولة….ما تقووول الناس ذا شاعر قذر..
(( وانا معه في ليل ولا نهار
حنا قبايل نقدر ونعذر ونحشم=واللي حضر يكفي اللي طولت غربته

وله أيضاً هذا البيت مع الشاعر فيصل الرياحي :ــ
انا بالشعر متنبي شهاده من طـوال اعمـار = وانا ما آهرج الكرعان بل الـروس آهرجهـا

وله ايضاً هذه البيتين الرائعه جداً في معناها
والعاليه في التركيز من حيث جزالتها

قليل العاقل اللي لا هرج شفت الجميع سكوت = ويا كثر اللي تشوف اليوم في يمناه مسباحي

أنا خابرك يا بحر العرب كلك درر ياقوت= لكن اليوم كلك يا بحر حوتة وتمساحي

كما ان الشاعر له حضوره الرائع والراقي في مجال الشعر النبطي بعيداً عن المحاوره وأصدر ديوان صوتي ونال أعجاب فئة كبيرة من عشاق الشعر ومتابعينه والصحراء أخذت الشاعر عبدالله بن شايق عن الكتابة والنظم وتغنى بها قائلاً …

انـا مـن ورا يبريـن كـنـي ورا بـيـروت = ويـاويـش عرفـنـا العبيـلـه ويبـريـنـي
الا يـأم سالـم جاوبينـي بــرد الـصـوت = تريـنـي مغـيـر ادور الـلـي يلاحيـنـي
وتريني قصيرك بالخلـى مـا بنيـت ابيـوت = ولا عشـت بـيـن المـدرسـه والبساتيـنـي

ولشاعر عبدالله بن شايق عزة نفس وكرامه مثل ماهي عند الشعراء الكرماء عزاز الأنفس

ولاني مـن اللـي يعشقـون البحـر والحـوت = ولانـي باحـب الضعـف لاجـل الملايينـي
ولانـي بتاجـر زود ثـورً(ن) حياتـه قـوت = ابـي مـا يسـد الحـال واسلـم مـن الدينـي

لدية قناعة بالنفس ويستغنى عن كثير من الأشياء

وانا رجل لي كلمه وراي وخبـر وعـزوم = ولا اطرد ورا المقفي ولا امشى على الجره

ومر بتجارب عدة يذكر منها عدة تجارب في هذه الأبيات

تجارب حياتي معجـزة وادروب أصعـاب = ولقيت الرجال انـواع والـوان وشكالـي
صديق الشدايد ما خذا منك علـم وجـاب = وسيع الصدر يضحك ولا هـو بزعالـي
صديـق الشدايـد لا ينافـق ولا يغتـاب = يدلـه غريـب الـدار ويزبن الجـالـي
وصديق الرخى عقاب ومصادقـه عقـاب = شجاع الحكي والمـدح بالقيـل والقالـي
وصديق الرخى ما غير صورة ولبس ثياب = يا ليتـه يبرقـع مالـه شمـاغ وعقالـي

وتتشكل سحب القوافي وتمطر ابداعاً ونقطف جزل المعاني
فراق(ن)حل ماله حل حلـه مستحيـل يحـال = بحلت بحالتي ياحيلـت الله يـا قـوي الحيـل
ليا طال الطويل وطالت المدة وصبـري طـال = طلب ت الله يا لله الفرج عجـل بـلا تأجيـل
تهل الدمع عيني هل هملولـن مـن الهمـال = ليا هلت هماليله على الوادي وسـال السيـل
ألا وجول قلبي جول جولن جـال ثـم أنجـال = اجل وش عاد يالمجمول جل مجملك تجميـل
جمالك يا جميل أجمل جمـال مـر بالأجيـال = قهرت الجيل كله يا مليك أجمل جمـال الجيـل
تعال آهلا وسهلا يا هلال هـل عقـب هـلال = هلا بك عد حب الهيـل والتسبيـح والتهليـل
أقوله قول قايل صح ماهو قول قيـل وقـال = مقال اليوم أقوله ماتقـول مثـل قـال وقيـل
ألا يا عاذلي عذلك كفى تعـذل وأنـا عـذال = أعذلك ياعذولي كف عذلك واتـرك التعذيـل .
أبرحـل رحلتيـن مرحلتهـا تتعـب الرحـال = وبحـل بمحـل محتمـل حـلا بـلا ترحيـل
غريب(ن)غربلتني غربتي يا غربـه الغربـال = غليل (ن)غلني غرو غـلاه الغـل والتغليـل
تزلزل الأرض ويزل القدم من هـزه الزلـزال = ولا زلت استزل من الزلل وازعل من التزليـل
هدف مجهول أخاف اجهل جهالة جاهل الجهال = أجامل وأتجاهل واجحـد الجهـال والتجهيـل

ولشاعر عدة شروط في المحبه وهي كالتالي
بس قبل تموت فيني صح ولا اموت فيك
خذ شروطي فالمحبه لا توهق ياجميل
شرطي الاول سؤال موجهه مني اليك
فالبدايه هل تحملني ترى دمي ثقيل
وشرطي الثاني ما ابيك تحط مع حبي شريك
والعهد والله ما ادوّر فيك يالغالي بديل
وشرطي الثالث ما ابيك تشوف نفسك بل ابيك
شخص متواضع ولو بالزين ما مثلك مثيل
وشرطي الرابع نواصل ترتجيني وارتجيك
فالحياه ان كان ربي مدنا عمرٍ طويل
وشرطي الخامس وعدنا يحتريني واحتريك
بالامانه والميانه فالكثير وفالقليل
وشرطي السادس لا تسمع هرج ذاك وهرج ذيك
ولا خلك مع حبايب قوم قال وقوم قيل
وشرطي السابع اذا ردتني ظروفي ما اجيك
لا تشك ولا تعاتبني تراي اوفى خليل

وله في مجال الغزل قصيدة ينطق بها القلب قبل اللسان فإليكم ما قال

آه من جرحـاً بقلبـي عطيـب = يوم قالو لـي حبيبـك رحـل
هل دمعي فوق خدي صبيـب = سيل الوديان واسقـى الهمـل
فاضت الفيضة وفاض الشعيب = سالت الرملـه وسـال الجبـل
من يجيب أخبـار ذاك الحبيـب = ولا وين ولا فين حـل ونـزل
من فراقه عشت عيشة غريـب = ليت عرف حبيبي مـا حصـل
جيب ياصدري من الصوت جيب = تـو مـا زان اللحـن والمثـل
حط نبذة على قاف(ن) عجيـب = صور اللـي بالجمـال أكتمـل
أدعجاً بالوصف شكله غريـب = في هدب عينه يبيـن الخجـل
من مشاله فيه حـظ ونصيـب =اشهد انه ذاق شهـر العسـل

وفي النهاية
لكن حظي مال وجهـي معـه مقـلاط = وأنا ظالمة في ذا الأمتحانات بالتسقيـط
فرشت له ذهب ثم ورد ثم زل ثم بساط = ولاشاف مني غير الأهمـال والتفريـط
أضيع عمل حظي بالإهمـال والإحبـاط = تأبطت منـه وقـال ماينفـع التأبيـط

وبعد هذه المسيرة الشعرية الحافلة بالإبداع والتميز وحب الجمهور الجارف وراء هاجس الشاعر العملاق عبدالله بن شايق قل تواجده في الساحه الشعرية وميادين المحاروة وأبتعد كل البعد عن محبيه وساحات المحاورة التي سجلت له حضور رائع يفوق الخيال والوصف وطرح عدة اسئلة بعد هذا القرار الذي اتخذه وجعل تلبية الدعوات المقدمه له أخر أجابة بنعم يفكر بها الشاعر
فله محبين وله جمهور يتعطش لسماع صوته وحضوره البهي الذي يسجل عادتةً أعلى عدد حضور في أمسيات المحاورات ولا زال الجمهور والشعراء يطرحون السؤال المحير أين يختفي الشاعر ولما يحطم هاجسه الشعري بهذا الأبتعاد الذي أضر بالساحه الشعبية وأفقدها أحد أعمدتها التي كانت تتكي عليها بكل ثقه وجداره ولم ينقطع الأمل في عودة الشاعر وسماع تلك النبرة الصوتية التي يتلاعب بها الحبل الصوتي لدى ملك الموال

نتمنى عودته في أقرب وقت لان الشعر والشعراء
في حاجة ماسة جداً لبن شايق

::أنتهى ::

إعداد : عبدالله بن غفره العاطفي

ملاحظة : تم طرح هذا الموضوع في مجلة الشبكة الشعبية في عددها الأول
المتزامن مع فعاليات مزاين إبل قبائل قحطان
وأحببت ان اضيف هذا الموضوع في هذه الصحيفة الرائعه بجمهورها وروادها

ولكم مني كل الحب والتقدير

أخوكم