Tweet
الشاعر / سعود الكريزي البقمي وقصيدة ( الموت والله مايخليك ناسيك)
الشاعر سعود الكريزي البقمي من الشعراء الذين ينهجون الشعر الشعبي والذين يمارسون نوعيه من محاورة ونظم، حيث المذكور أجاد هذين اللونين وله من القصائد الجيدة الشيء الكثير، كما أن له من المحاورة الجيدة والتي تحسب له رصيداً خصوصاً مع بعض شعراء المملكة البارزين والعمالقة له بعض الأمسيات الشعرية التي شارك فيها البعض منها في مناسبات خاصة والأخرى دعوات لبعض المحافل الشعرية له قصيدة تعتبر من عيون قصائده، حيث ضمنها النصح والإرشاد والمناجاة ووضح فيها تنوير وتذكير بالدنيا والآخرة وصور فيها حالات معينة عندما يتبع الانسان بعض الطرق. والقصيدة توضح مدى قوة الشاعر ومدى إتقانه وجودة تصويره الشعري يقول فيها:
يالله ياللي ما تغير اساميك
ياللي تغير وانت محدن يغيرك
ازهمك باسماك العظيمات وارجيك
وآلوذ بك في كل الاحوال واذكرك
اطلبك تغفر زلتي يوم الاقيك
يوم ان مالي حيلة الا تغفرك
من بعدها يا سامع القول ابا اعطيك
نصيحة تشرح وتجرح مشاعرك
نصيحة لله والله يعافيك
ما بغاك تشكرني ولاني بشاكرك
ابغاك تعمل ردها لاثرت فيك
بالخير تذكرنا وبالخير نذكرك
علي عمود الدين ماني موصيك
هي فرقك اللي يفرقك عن هل الشرك
واحذر تطيع ابليس وابليس يغويك
دايم عدوا لك لاولك واخرك
وسوق الزكاة ولا تغرك هقاويك
ان ما اغتنيت من اجلها ما تفقرك
طهر بها مالك طهور ينجيك
واللي يطهر راس مالك يطهرك
والشهر صومه والله اللي يجازيك
ومهما تسوي خالق الكون خابرك
والحج والكعبة تراها تناديك
وان عذروك الناس ما الله بعاذرك
ما دمت قادر والمواتر توديك
عن حج مكة ماش عذر يؤخرك
وان كان تبغى ترضى الله ويرضيك
امك وابوك ابذل لهم كل قادرك
واياك اليا احتاجوك تنفخ علابيك
تحطهم مثل الخدم تحت اوامرك
اوف الحساب لواحد كان يوفيك
يرخص لك الغالي وياخذ بخاطرك
وعلى جليس السو مالله بحاديك
ولا قاطع رزقك ولا هوب بمفقرك
احذر جليس السو حذرى يماشيك
واللي دمر روحه مصيره يدمرك
لا بد ما تارد لحوضه ويسقيك
ويوردك منا ومنا يصدرك
وارفض عطاء المنان لو كان يعطيك
ثوب من المنان ما هوب ساترك
يدري به اصحابك ويدري معاديك
فرصه عدوك والعدو ما يوفرك
واحذر من اللي باسرع الوقت يغليك
تراه باسرع وقت يجحد وينكرك
وقولت هلا يا ضيف والله يحييك
تظهر لها مكسب وهي ما تخسرك
حلو النباء يكفي لضيفك ويكفيك
في وجهه يفك لا تعقد نواظرك
والواجب الواجب خويا يباريك
عند العرب يمدحك والا يعيرك
واكمل حقوق الجار لو كان يوذيك
احذر تضيع قدر جار يقدرك
ما في حقوق الجار غيب وتشكيك
لو هو من الاكراد والا من الترك
وخويك اللي في مسيرك يا خاويك
خاوه لو ان الوسائل تعذرك
لو هو من الاقصين عده ابناخيك
في ملحك وزادك ورايك يخاشرك
والمرجله دينك ومن دون عانيك
ليا قمت بالثنتين هانت خسايرك
والموت والله ما يخليك ناسيك
ان ما عنيت اتدوره جاء يدورك
ودنياك لو شالتك بكره تطويك
حتى توطى رجلها فوق صابرك
يالله ياللي ما تغير اساميك
ياللي تغير وانت محدن يغيرك
ازهمك باسماك العظيمات وارجيك
وآلوذ بك في كل الاحوال واذكرك
اطلبك تغفر زلتي يوم الاقيك
يوم ان مالي حيلة الا تغفرك
من بعدها يا سامع القول ابا اعطيك
نصيحة تشرح وتجرح مشاعرك
نصيحة لله والله يعافيك
ما بغاك تشكرني ولاني بشاكرك
ابغاك تعمل ردها لاثرت فيك
بالخير تذكرنا وبالخير نذكرك
علي عمود الدين ماني موصيك
هي فرقك اللي يفرقك عن هل الشرك
واحذر تطيع ابليس وابليس يغويك
دايم عدوا لك لاولك واخرك
وسوق الزكاة ولا تغرك هقاويك
ان ما اغتنيت من اجلها ما تفقرك
طهر بها مالك طهور ينجيك
واللي يطهر راس مالك يطهرك
والشهر صومه والله اللي يجازيك
ومهما تسوي خالق الكون خابرك
والحج والكعبة تراها تناديك
وان عذروك الناس ما الله بعاذرك
ما دمت قادر والمواتر توديك
عن حج مكة ماش عذر يؤخرك
وان كان تبغى ترضى الله ويرضيك
امك وابوك ابذل لهم كل قادرك
واياك اليا احتاجوك تنفخ علابيك
تحطهم مثل الخدم تحت اوامرك
اوف الحساب لواحد كان يوفيك
يرخص لك الغالي وياخذ بخاطرك
وعلى جليس السو مالله بحاديك
ولا قاطع رزقك ولا هوب بمفقرك
احذر جليس السو حذرى يماشيك
واللي دمر روحه مصيره يدمرك
لا بد ما تارد لحوضه ويسقيك
ويوردك منا ومنا يصدرك
وارفض عطاء المنان لو كان يعطيك
ثوب من المنان ما هوب ساترك
يدري به اصحابك ويدري معاديك
فرصه عدوك والعدو ما يوفرك
واحذر من اللي باسرع الوقت يغليك
تراه باسرع وقت يجحد وينكرك
وقولت هلا يا ضيف والله يحييك
تظهر لها مكسب وهي ما تخسرك
حلو النباء يكفي لضيفك ويكفيك
في وجهه يفك لا تعقد نواظرك
والواجب الواجب خويا يباريك
عند العرب يمدحك والا يعيرك
واكمل حقوق الجار لو كان يوذيك
احذر تضيع قدر جار يقدرك
ما في حقوق الجار غيب وتشكيك
لو هو من الاكراد والا من الترك
وخويك اللي في مسيرك يا خاويك
خاوه لو ان الوسائل تعذرك
لو هو من الاقصين عده ابناخيك
في ملحك وزادك ورايك يخاشرك
والمرجله دينك ومن دون عانيك
ليا قمت بالثنتين هانت خسايرك
والموت والله ما يخليك ناسيك
ان ما عنيت اتدوره جاء يدورك
ودنياك لو شالتك بكره تطويك
حتى توطى رجلها فوق صابرك
تعليق