ذياب بن غانم وأبو زيد الهلالي والزناتي

ذياب بن غانم وأبو زيد الهلالي والزناتي


مر على بني هلال حين من الدهر أصابهم فيه الجوع , فقد شحت المراعي وقل الكلأ والمرعى , فمات أكثر حلالهم وأصاب القبيلة كلها الجوع والعطش فاقترحوا إرسال شخص يستكشف لهم الأراضي ويبحث لهم عن الأرض الطيبة فترحل لها كل القبيلة , وبالفعل نال هذا الاقتراح إجماع كل القبيلة إلا أنهم حاروا فيمن يرسلون وكان بالقبيلة شخص مسنّ - وقيل إنها عجوز - هذا الشخص يؤخذ رأيه فاستشاروه فيمن يرسلون فاشترط عليهم شرطاً قبل أن يقترحون من يرسلون وكان شرطه أن ترحل القبيلة كلها مسيرة يوم كامل بدون توقف وبعدها يعلمهم من هو الشخص المناسب , وبالفعل رحلت القبيلة مسيرة يوم كامل بدون توقف وبعد أن نزلوا بالمكان المحدد رجعوا له وسألوه عن الشخص فقال لهم هو أبو زيد الهلالي سلامه . . . فسألوه عن سبب اختياره له فقال أثناء رحيلنا لاحظت كل أبناء القبيلة يراوحون بالركوب بين ورك وورك أثناء الركوب على المطية إلا أبا زيد فقد كان ركوبه على ورك واحد حتى نزل وهذا دليل صبره وجلادته . . . واختاروه فعلا وأرسلوه , وقد طلب أن يرافقه اثنان من أبناء القبيلة ورحل هو ورفاقه يبحثون عن المرعى للقبيلة كلها . . . وطال بهم المسير دون جدوى , وتقطعت مطاياهم , وأصابهم الجوع فكانوا قرب قرية فنزلوا بسوقها ولم يجدوا من يطعمهم , كما لم يوفقوا إلى عمل يرتزقون منه . . . فاحتاروا بأمرهم , وكان أبو زيد واسع الحيلة داهية فاقترح على رفاقه أن يبيعوه في سوق المدينة على أنه عبد لهم , فقد كان أسمر اللون . . . وأما إلحاحه وافقوه على أن يبيعوه ويشتروا بثمنه مطايا وزاداً لهم , ويواصلوا البحث . . . أما هو فقد قال لهم أنه سيستطيع تخليص نفسه , على شرط أن يواصلوا هم البحث عن المراعي للقبيلة فاتفق الثلاثة ونزلوا سوق المدينة . . وباعوه . . وقبضوا الثمن كما تم الاتفاق واشتروا بثمنه المطايا والمتاع . . . وقد كان ينوي الهرب من سيده الذي استراه , إلا أن هذا السيد كان نبيلاً وطيباً , أولاه ثقته وجعله وكيلاً على أمواله فصعب على أبو زيد أن يخون الأمانة ويهرب . . . ومن هنا كانت معاناته واستمر في خدمته فتره . . . وذات مرة كانوا جالسين بمجلس هذا السيد وأبو زيد بالقرب من الدلال يصنع القهوة . . . فتمنى السيد من يجيد العزف على الربابة ليحلوا لهم السمر فعرف أبو زيد أنها فرصته فنهض مسرعاً وأخذ الربابة وأنشد يقول





يقول الهلالي والهلالـي سلامـه
شوف الفجوج الخاليـات تـروع
يقول الهلالي والهلالـي سلامـه
يبغي الطمـع وهـو وراه طمـوع
لابد عقب الوقت من لايـح الحيـا
من بارقن يوصـي سنـاه لمـوع
لابرقـن إلا فـي حجـا مستهلـه
ولا طرقـي إلا مـن وراه نجـوع
ولا ضحك إلا البكـا مردفـن لـه
ولا شبعـة إلا مقتفيهـا جــوع
ولا يـدن إلا يــد الله فوقـهـا
ولا طايـرات إلا وهـن وقــوع
ألا يا حمامتين فوق نبنوب دوحـة
وراكـن فرقـن والحمـام ربـوع
حمامتيـن جعـل تبلـن بـنـادر
حر قطـوع وجـاري لـه جـوع
وراكن مـا تبكـن عليـا مظنتـي
لو كان ما يجـري لكـن دمـوع
أبكي عليها لين حفيـت نواظـري
ولاني بمن تدبيـر الإلـه جـزوع
حشى ما لاق غير الجازي أم محمد
عليها ثويـب الطيلسـان لمـوع
تنفق كما نفق الوغيـد مـع أمـه
وتحط الهوى في قلب كـل ولـوع




وهذه من قصائد الزناتي خليفه





يقـول الزناتـي والزناتـي خليـفـه
نفـس الفتـى لا بدهـا مـن زوالهـا
حلمت ليا ناش(ن ) من الشرق مزنـه
تمطـر كمـا شـوك البلنـزا خيالهـا
مشت خميس( ن) وامطرت يوم جمعـه
وهلـت علـى قومـي مقـدم فعالهـا
مطرهـا السبايـا والصبايـا وبرقهـا
سيوف( ن) تلظا في يمانـي رجالهـا
ياليتنـي مـا صـرت شيـخ لقابـس
واهني نفس ( ن) ما عليهـا ولا لهـا
واهني نفس(ن) ما كلـت مـال مسلـم
ولا اخلطـت مـال اليتامـا بمالـهـا
نظرت بقومي نظرة (ن) مـا تسرنـي
وجيـه العـذارى طلقوهـا رجالـهـا
كبـار اللحـا لا بـارك الله باللـحـي
صغار اللحـي شبـوا بقومـي فعالهـا
الا وابـلادي زينـة الـمـا مريـفـه
مدعوجـة (ن) بالنيـل تنـدا جبالهـا
مساس عن الرمضا دكاك عن الحصـا
والبق والبرغـوث مـا جـا بجالهـا
واشيب عينـي مـن عريـب تنزلـوا
على مجنـب البطحـا وبنـوا حلالهـا
بنـوا حـلال مـن حلالـي قريـبـه
بنـوا حـلال شـاق عينـي دلالـهـا
تـرى خيلنـا تسعيـن الـف نعدهـا
وتذكـر لنـا خيـل الهلالـي مثالهـا
ولوتجتمـع خيـل الهلالـي وخيلـنـا
ابـا زيـد يركيهـا ويركـي مثالـهـا
خان الصفيـرا يـوم خانـت بابوهـا
ولا بنـت الا فـان ابـوهـا دلالـهـا
تشير بربط القـوم واطـلاق عبدهـم
واثـر عبيـد القـوم حامـي ثقالهـا
اثـر عبيـد القـوم زيـزوم سـربـه
يجـر القنـا جـر السوانـي حبالهـا
يشل الدمي شـل الدلـي يـوم تمتلـي
لاماحهـا الزعـاب ثــم ارتكالـهـا
سيفه تعايـوا عنـه صنـاع دمشـق
ليـا ولا جمجمـة الــراس شالـهـا
لكن عوى شامان في طـوس روسنـا
عوا ذيبة ( ن) تعوي لذيب (ن) عوالها
وانا شاهد(ن) للعبد فـي ربـع هدتـه
ثمانيـن مـن قومـي قلايـع رجالهـا
هـذا لـو ان العبـد قـد هـد مثلهـا
علـي كـان التـرك تيتـم عيالـهـا
اثـره اميـر ولـد امـيـر مـجـرب
ليـا هـد تعطيـه السبايـا كفالـهـا
ترى ما يجي عني مثل حذفـه العصـا
واسـرع مـن دور الرحـا اشتغالهـا
ولولا بخـط الرمـل شيفـت منيتـي
بسيـف ذيـاب قـد لابازيـد ازالهـا
هـو قـدم قومـه وانـا قـدم قومـي
وهـو فهـد القنـاص وانـا غزالهـا
حذرا من اللي كفيـت القـدر وجهـه
لا جا جنوب الخيـل صيـروا شمالهـا
اللـي قلـع حـدري ثمانيـن سابـق
كبيشات ما فـي نجـد ربـي امثالهـا
واللي قلعت حدره مـن الخيـل تسـع
والعاشره بالسيف انـا زلـت حالهـا
اليا اعقـر لـه سابـق جـاه مثلاهـا
واليا اعقر لـي سابـق جـا مثالهـا
ان امهلـت دنـاي وادركـت هقوتـي
لازيل الصفيـرى عـن حيـاة تنالهـا
مهبول يا مهبـول مـن يامـن النسـا
ومن يامن الحرمـه الا اقفـت بفالهـا
ليـا بغـت درب الـردا مـا يكودهـا
تاطـاه لـو انـه حمـاقـا رجالـهـا



ورثت سعدىبنت الزناتي ابوها في قصيده تقول فيها




تقول فتاة الحيّ سعدىiوهاضها
لها في ضعون الباكيين عويـل
أيا سايلٍ عن قبر الزناتي خليفه
خذالنعت مني لاتكـون iiهبيـل
تراه العالي الـواردات وفوقـه
من الربط عيّساوي بناه iiطويل
وله يميل الغور من سايل النقـا
بهالواد شـرقٍ والبـراع دليـل
أيا لهف كبدي يالزناتي خليفـه
قد كان لعقاب الجيـاد iiسليـل
قتيل لفتى الهيجاء ذياب بن غانم
جراحه كأفـواه المـزاد تسيـل
ياجارنا مـات الزناتـي خليفـه
لاترحـل ألا ان يريـد رحيـل




وخاض بني هلال معارك كثيره ومن ضمنها معركه اصيب فيها الفارس ذياب بن غانم الزعبي وكان بني هلال في هذه المعركه ثلاثين رجل هرب منهم عشره وعشره خافوا ولم يتقدموا وتقدم لهم عشره منهم ابوزيد الهلالي وذياب بن غانم وسرور بن قايد وهو من فرسان بني هلال وكان العدو قد نصب كمين لبني هلال وجهز الف رجل للقاء بني هلال وبعد ان التقوا واشتبكوا تقدم واحد من العدو واسمه ( وهق ) وضرب ذياب ضربه جرحته وافقدته الوعي وعندما صحي انشد قصيده يمتدح فيها فعل جماعته الذين صمدوا ويذكر فعل عدوه وهق الذي اصابه يقول ذياب :

*





يقول الفتى الزعبي ذياب بن غانـم
لي راي(ن) اقسى من حديد المبـارد
ولي حربة (ن) سميتها (سم ساعه)
اعـرض بهـا فالكـون مـا كايـد
حنـا بلينـا فالخـلا بالـف فـارس
وحـنـا ثلاثـيـن ولا زاد زايــد
اهل عشر منا تـدب الخيـل بالقنـا
كز(ن) ليا شـروا هشيـم الوقايـد
ابا زيد من ايمنهم وانا من شمالهـم
كما النار لا شبت ببعـض الحصايـد
واهل عشر منا هملوا روس خيلهـم
واهل عشر منا موكديـن الشهايـد
ينخون خيال (ن) بهم مـا عرفتـه
يقولون يا وهـق يـا ابـا العوايـد
ضربني وهق وانا مشيح(ن) لغيـره
وليا الدرع غاد(ن) فوق متني بجايد
ضربني برمح (ن) تسعة ابواع طوله
وقنطاره اللي من ورى الباع زايـد
سديته بسمـاي وثوبـي ومشلحـي
ايضـا ولا سـده جميـع السدايـد
ولكن طاحت الدهما وانا طحت فوقها
يا طيحة(ن) ما هـي لنـا بالعوايـد
ولكن قامت ا لدهمـا تومـي بعدتـه
وانا كما شن (ن) على القـاع بايـد
وانا رفعت الراس من بعـد سـدره
ليا الخيل يدبها سـرور بـن قايـد
على سرج قبا عنـدل بنـت عنـدل
مرفوعة الذرعان مـن خيـل قايـد
قل عشت يا قرم(ن) ثنا دون ربعـه
بيوم (ن) به المسناد والـرد كايـد
حنا عصافير (ن) وابا زيـد سـدره
نلوذ بـه عـن مرهفـات الحدايـد

ومن فرسان بني هلال الذين قتلوا في هذه المعارك عمير بن راشد وقد قالت اخته عميره فيه قصيده ترثيه فيها تقول عميره





قالت عميره بنت من يمنـع التـلا
قيـل حثاحيـث القبايـل رحايلـه
قيل الى من عد في وسط مجلـس
تعايا به الفهـام عـن اثـم قايلـه
عزي لراع الغوج وان لحقن اربع
والخامسه دز العكـا مـن سلايلـه
عليهن بالجهلا عمير بـن راشـد
اخوي الذي تشكي العدا من فعايله
اخوي الذي ما جابت البيض مثلـه
ما هوب غرجـا يـوازي حمايلـه
مدمي خشوم الفوس من شمخ الذرا
عمير ليا عيا على الحـب كايلـه
ليا هبت النكبا وقـل وابـل الحيـا
تلقـى عميـر كاثـرات نزايـلـه
وحنا الذي نكتال بالصـاع وافـي
واللـي يعادينـا انهفـي مكايلـه
وحنا الذي نعزي الجنيني عن امه
وحنا الذي نعزي الفتا عن حلايلـه





اشتدت المعارك على بني هلال وكانت بقياده العلام اللي اسرف في قتل فرسان بني هلال ولا احد يقدر صده الا ابو زيد اللي سبق ان تعاهد معه عند القدور ان ما احد منهم يقتل الثاني


مالقى ابو زيد حيله او أي طريقه يتخلص منها من العلام

راح واستشار عجوز طاعنه با لسن وقال لها انه يريد أن يقتل العلام حتى لو خالف عهده

قالت العجوز لا تقتله لكن اعقر فرسه ( يعني اقتلها ) اذا كثروا الفرسان من حوله لان العهد اللي بينكم انكم ما تقتلون بعض ولا تعاهدوا على الخيل واذا طاح بين الفرسان استطاعوا قتله

بدات المعركه في اليوم الثاني وكان هدف ابو زيد قتل فرس العلام وكان ينتظر ان يكثروا من حوله الفرسان وفعلا عندما اشتبكوا وكثر من حوله الفرسان ضرب ابو زيد فرس العلام وقتلها قال العلام لابو زيد


ابا زيد بقت العهد الذين بيننا = تبوق عهد الله يالغدار

قال ابو زيد
لك الله يالعلام ماني ببايق =ما بيننا والسابقات جوار

قال العلام
ابازيد جرني سبق الخيل جنني=عليها حماقا يدعون بثار

قال ابو زيد
لك الله يالعلام ماني بشيخهم *=قدمي كبار ومقتفين صغار

قال العلام
خذ السيف والدبوس مني هديه = قدام لا اذبح يوخذن جهار

قال ابو زيد
اهب يالعلام ما اقوى باسك =لو هي بغيرك كان عقله طار

قال العلام
والله يا لو به مدفع ما لحقتني = لو رف مهرك بالجناح وطار
ولو دامت العباد تقرا مصاحف =يوم(ن) دنا ما زودوه نهار


يقول ابو زيد

*





يقـول ابـو زيـد الهلالـي سلامـه
قلبـي لعبـا بيـن شـاري وسـايـم
قالـوا تقـدم ياسلامـه فـلا هـفـا
مقامك يـا ذيـب السرايـا الدواهـم
طلبت الفتى يحيى ومرعـي ويونـس
ولا غيـر هـذا ولا رفيـق يـوالـم
دعيتهـم والـكـل دنــا قلـوصـه
دعيتهـم ثـم احـرمـوا بالمـحـارم
سرنا بليل(ن) بـه قليـل(ن) نجومـه
مغلنطـس والجـدي بالجـو حـايـم
سرنـا لمـا قالـوا الـربـع كلـهـم
زهابنـا كـمـل حــذات الذمـايـم
قلت ابشروا ثـم ابشـوا ثـم ابشـوا
بعـز(ن) ورد كـل يـوم (ن) يوالـم
سرنـا مـع الحـرات تسعيـن ليلـه
نقـود ا لطوعـات خلـف الجهـايـم
وردنا بها تسعين عيـن(ن) غزيـره
ولا اسقانـا عقـب الفـلا للبهـايـم
سرنا علـى اللـي بالقـا واعديينـا
على شيخنـا غاديـن مثـل العلايـم
عزلنـا لهـم تسعيـن الـف مـدرع
من اهل عزوتي واهل الوفى والعزايم
ضربنا بهم ضرب(ن) بدوس(ن) وهمه
كـز العوالـي والسيـوف الصيـارم
تبك الصفيرا عبـرة(ن) بعـد عبـره
تزيـد علـى ماقيـل آه(ن) وهـايـم
وقال ابن سرحـان عليهـا مجـوره
حـرام (ن) عليهـا مالغيـري تلايـم
قـال ذيــاب بـدلـوا ذا بغـيـره
انا شوقها انـا ستـر قـان الرقايـم
كثـرت مـن هـذا وكثـرت مثـلـه
وطال العيا بينـي وبيـن بـن غانـم
ولا يــد الا ويــد الله فـوقـهـا
ولا ظـالـم الا ويبـلـى بـظـالـم
واعمارنـا راحـت نـداري زماننـا
ولا خير في عمـر(ن) مـداره دايـم
ولا خير فـي عمـر الفتـى وحياتـه
ليا عـاد مـا تكثـر عليـه الجرايـم
لك الله مـا ذقنـا بنجـد(ن) طرابـه
حـذا العيـد اوحـذا ليـال الصرايـم
يانجـد لـو ان الجفـى منـك مـره
صبرنـا لكـن الجفـى منـك دايــم
يا نجد وان جاك الحيا فارسلـي لنـا
مع الطير والا مـع هبـوب النسايـم
يا نجد وان جاك الحيا فاصعقـي لنـا
صوت (ن) رفيع موقض(ن) كل نايـم
سرنـا خـلا العـد تسعيـن ليـلـه
ليا دار قوم (ن) مـن كبـار العمايـم
سعولنـا بحبـال شــرع قطـايـب
حطـو يدينـا مـن ورانـا حـزايـم
قال احبسوهم عنـد سعـدى وحيهـا
لمـا يجـي فيهـم امــام يـسـاوم
اقفوا بنا والفـوا بنـا عنـد منـزل
بدر(ن) تجـلا عنـه بعـض الغمايـم
قالـت لنـا يالربـع ويـن ديـاركـم
ومنيـن جيتـوا يـا رجـال العزايـم
قلنـا لهـا حجـاج مـن دار عامـر
تقـازا بنـا اكـوار البكـار الهمايـم
قالـت لنـا والله مــا ذا بعلمـكـم
كذبتـوا علينـا يـا وجيـه الخدايـم
معي علمكم من يوم سرتوا من اهلكـم
تقـازا بـك اكـوار البكـار الهمايـم
معي علمكم يحيى ومرعـي ويونـس
وابا زيـد لبـاس الـدروع الرسايـم
قلنـا عطـاك البيـن انتـي طبيبـه
او زاد لـك بيـن السرايـر معـالـم
قالـت لـنـا والله مـانـي طبيـبـه
ماغير اشوف اللي به المـوت حايـم
ابـا زيـد لابــد مــا تملكونـنـا
وتسعون لنا بعـض الليالـي وهايـم
ويذبـح ذيـاب او سميـه والــدي
وياخذنـي منـك ذيـاب بـن غانـم
قلـت قولـي خيـر عسـى تاجدينـه
وربـي لـراع الخيـر يلقـاه دايـم
راحت تخطى يـم ابوهـا تقـول لـه
الا يا ابـو احـذر لشـوري تعاسـم
يا ابوي ربـط العبـد يدنـي معيـره
لو كان فـي وسـط القبـور الهدايـم
قـال لهـا يابنـت شـورك مبـارك
قومي وجـزي حبـل نسـل الخدايـم
جتنا تخطى فرحـة(ن) غيـر كرهـه
تقول ابشروا يالربع ابـا زيـد سالـم
دنيـت للزيـزا صمـيـل ومـزهـب
ودنيت لي رمـح(ن) طويـل العلايـم
ودنيـت لـي مـا مونـة هيلكـيـه
وان سندت لي قاعد(ن) صرت قايـم
اللي سرتها تسعيـن ليلـه وانختهـا
ليا حسن فـي نجـد اثـار المكـارم
تجينـي النجـلا تفـتـش مزهـبـي
ولقت خطوط (ن) فيه زيـن الرسايـم
قالت ابا زيد هو ما قال يحيى وقلت له
حث الخطـا ليـا نـادم الحـي نـادم
قامت تناعـت لـي رجـال الزعامـه
يالبيـض طلعـن الغـطـا واللثـايـم
وصاح ابن سرحـان بشبـان قومـه
وترى اول من مشى ذياب بن غانـم
سرنا على هجن(ن) قد انقـاد حيهـا
وعرض لنا طيـر الفـلاح ام سالـم





في ها الوقت طاح المطر على الجزيره العربيه وتاخر ابو زيد ما رجع لعليا وارسل له قصيده تساله عن اسباب غيبته وان المطر نزل على ديارهم في نجد ووقتها كانت عليا في بيشه تقول عليا*





ياركب اللي مـن عقيـلٍ تقللـو
على ضمرٍ شروى الحنايا نحايـل
ابا اوصيكم وصاةٍ ماتثقّل ركابكـم
خفيفه على راعي الثنا والجمايل
واليا لفيتو لاهلكم عقـب غربـه
متغبطينٍ فـي بطـون الحلايـل
فقولو لبو زيدانّ بغانـي بغيتـه
وأنّ دوّر البـدلا لقينـا البدايـل
كمٍ رجوس الحجل تبلـى بعاقـه
وكمّ عقةٍ تبلى بوافـي الخصايـل
أنجبت أخضـر مايـزرر ثيابـه
هبيل يلعـب بالقلـوب الهبايـل
والله لولا البحـر بينـي وبينـه
جيته على وجناّ من الهجن حايل
أبا زيد غـرّات الصبـا لاتغـرّك
ترى الهجن خيرٍ بالسرا والقوايل
بالشتا عليك من الهجن سمرغيّه
وبالقيظ دوّر من كبـار الشمايـل
غزاليّـة المقـدم جماليّـة القفـا
عليكم بهـا ياراكبيـن الرحايـل
أبا زيد لوّ انّ النسا تركب النضا
جيتك على وجناّ من الجيش حايل
لكن صريخ الكور حدري وفوقها
صريخ القطا في محكمات الحبايل
أبا زيد تنساني وتنسى جمايلـي
الله أكبـر يانـكـور الجمـايـل
نسيت يوم انّ عرقات الارطا بيننا
يوم انّ جعدي فوق متنيك مايـل





ويوم وصلت الرساله لابوزيد ركب ذلوله وتوجه لبيشه اول ما وصل وشاف عليا عرفها وقبل ما تعرفه ويوم تعرفت عليه استغربت من شكله متغير وقالت له

وراك يا ابوزيد غاد(ن) شايب = شايب ومشهوهب وكنك ذيب
انا اشهد ان البعد ما يهم طيب = ولا هو على جزل الرجال صعيب

قال ابو زيد

بلا من هجرك ومن غربة النيا = ومن نوبتن تزمي وهذيك تهيب
اهلك بالوديان وديان بيشه =واهلي شمال الشمس يوم تغيب

[frame="13 80"]أخوي الكبير وأستاذنا
حمد السحيمي
بيض الله وجهك على هذا الطرح المثري الذي تستحق عليه الشكر والثناء
تقبل تحيات أخوك الصغير غريب[/frame]

متصفح جداً قيّم ،والشعر ازدهر ومر بنقلة نوعية في العصر الهلالي وبالتأكيد هذه الأسماء هي التي احدثت هذا الفرق

كل الشكر لك اخ حمد السحيمي

تقديري ,,

الغالى حمد السحيمي
بيض الله وجهك على هذا الطرح المثري

تقبل تحيااااتى

ابو ثامر ،،،


جهد غير مستغرب


لاهنت طال عمرك


تحياتي

ارررررررررررررررحب يابوثامر



قصص وروايه رائعه جدآ



لاهنت على النقل ولايهون الحاضر