الشاعر الكبير محمد سعد جرشان البقمي (( وهذه القصيده)))

قصيده للشاعر الكبير (( محمد بن سعد البقمي )) (( جرشان )) شاعر المحاوره المعروف والذي جمع بين شعر المحاوره وشعر النبط

هذه قصيدة للشاعر محمد بن سعد بن جرشان البقمي
الإهداء إلى صاحب السمو الملكي الأمير سلطان بن عبدالعزيز ولي العهد- حفظه الله



هلا باسم البقوم اللي لحكام الوطن تشتاق....تراحيب الوفاء تنطقبه الشبان والشيبه


هلا بالنائب الثاني عدد مالاح من براق..........ولد عبدالعزيز اللي عطيبات مضاريبه


ولد عبدالعزيز اللي مشى فوق القدم والساق...مواصل في دروب الخير يوم وليل يمشيبه


جمع شمل الجزيرة واجتمع والغى جميع افراق....واطاعتله صناديد الرجال اللي لهم هيبه


بحر من طاح فيه اسمه غدى في موجه الصفاق....مخاليب الحرار تخاف من صفقة مخاليبه


لعله في جنان الخلد مع طه النبي وإسحاق.....وقولو يالجميع امين والميت يوصيبه


ومن فضل الله الحر النداوي طيب الاعماق....طلع من ماكره هجمة حرار طيبهم طيبه


صواريم الحرار اللي لهم راس الصعب ينساق..مقابيس الوغى حرابهم تكثر تسابيبه


ملوك الشجاعة والكرم الكل في طيبه سباق...ومن يخطي الدليل يلقونه درس يبطيبه


ملوك تنطح الطيب بطيب وتلطم البواق...الى طال العناد الخصم ماتصفى مشاريبه


لهم ظل ظليل لشعبهم ماض وراه ارواق...مكارمهم لنا الادنين والاقصين تدريبه


عرب منا وفينا يحكمون بمنزل الخلاق....علوم ثابته من حاكم بانت تجاريبه


مهيب احزاب قوم مثل عش العنكبوت ارقاق...مع الاوهام والاحلام تخطي العلم وتصيبه


عرب باعوا عروبتهم وغرقوا في البحور إغراق..عسى ماصابهم عنا هبوب الريح تنحيبه


واقول القدس يامولاي ماغيرنا لها عشاق...وحنا اللي نصال الحرب ونصالي مشاهيبه


وانا راعي من الرعيان اسرحلي غنم ونياق....مغير اسمع علوم اللي يودي العلم ويجيبه


يقوله شاعرا متقاعدا من جيشك الفتاق....قضى عمره شباب وشيب في خدمة معازيبه

بسم الله

الاخ ناصر

لاهنت على النقل


صح اللسان الشاعر

محمد ونعم في الأسم واللابه
شكراً لك أخي الكريم
تقبل تحيات أخوك الصغير غريب

الاخ ناصر

لاهنت على النقل


صح اللسان الشاعر