شاعر وَ قصيدة(ملف من إبداعات شعراء وشاعرات الندواي)

نجم النداوي ( عبدالناصر آل عبدان )









/ جناح السعادة /




[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

افرد جناح السعـاده فـلْ حاجبهـا=الضيقه اللي بقلبـك مالهـا داعـي
ساعات دمع المحاجر ما يعذربهـا=والعين من كحلها ما هيب ترتاعـي
قد لي شهورن على عمري مصعبها=كن الزعل غيمتي والضيق مرباعي
أسج فكري و أدوج الرجل وأشعبها=مرات واعي ومرّه مانـي بواعـي
أضرب مع الناس خانه كنت شاطبها=لا علّها ما تنقّض باقـي اوجاعـي
اصد عن طاري الذكرى واجنبهـا=لكنّها وسط جوفي بين الاضلاعـي
إن جيت أبي أنسى تِذَكّرني مراكبها=وشوق المواني يحن لفلة شراعـي
حتى نسيم الشواطي مـن هبايبهـا=لحن المفارق يجره داخل أسماعـي
يشقيني الصوت والدنيـا مجربهـا=الآمال غابت ومنها قلّت اطماعـي
تشبهني الشمس لاجا وقت مغربهـا=تغيب واغيب وافقد نور واشعاعـي
لحظة غروب المشاعر كنت حاسبها=لحظه! ومرت سنه وحسابنا ضاعي
ما عاد يمدي السعاده يـا معذبهـا=فات القطار وتوقف بيننـا الساعـي
حزن الملامح بقى للعيـن حاجبهـا=من قال لك ضيقتي ماكن لها داعي[/poem]

نجم النداوي ( محمد السليس )









/ ملفى الهجوس /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]


مرحبا بالهاجـس اللـى مـاوراه طلابـه=قدح راسي لاضوى همى وضـاق البالـي
من صلاة العصر باد ٍ في حجـا مرقابـه=احترى وارقب حضوره فالطويـل العالـي
جايني كنه خيـول ٍ فـي ظهرهـا لابـه=ايغـزون ويكسبـون ويِزبنـون الجالـي
لالقوا راعـي مظاهيـر ٍ يحـث اركابـه=جنبوا عنـه .. وتلقّالـه خريـم ٍ خالـي
كـن واحدهـم مبصّـم مايـرد الجّـابـه=ضاربلّه جمـع قـوم ومـردف ٍ خيالـي
سربة ٍ وعيـال عـود ونارهـم شبابـه=تفرح بصـوت النذيـر ولطمـة العيّالـي
وان حضر وقت الملاقـا وردوا الهيابـه=وآخذوا ثار الهنوف اللى رمـت بالشّالـي
جايهم رد البـري مـن ربعـة ٍ حرّابـه=وركبوا فوق الاصايـل ملحقيـن التالـي
واهجـدوا دار المعاديّـه هجـاد ذيـابـه=وآخـذوا كـل الجمـال ولابقـي جمّالـي
ومن سلم منهـم بعمـره سالـم ٍ بثيابـه=ويحمد ربه .. ويرجيه العـوض فالمّالـي
هذا انا والهاجس اللى حى ابـو ماجابـه=لاطرالي عقب مده فـي حـدا الاطلالـي
لين يمسي بيت بـدو ٍ مجوديـن اطنابـه=لو تهب مع الصبا ريح الشفا مـا مالـي
ودى اطربّه واسلّـى خاطـرى وأسلابـه=كود اخفف ماعلى متنـى مـن الاحمّالـي
كلها من موقف ٍ جـا ماحسبـت حسابـه=هرجة ٍ جتنى من القايـل وسمّـت حالـي
من رفيق ٍ كنت احشّـم لحيتـه وأشنابـه=مير فرّحبـي عـدوّى وأشمـت العذالـي
والله انى قبل مايبدا الردى مـا ارضابـه=وأفتديه بكّـل مالـى لـو يبـا وعيالـي
وأثره اللـى كـلّ ماقفّـى يحـد انيابـه=والسّهم لاجا من الصاحـب يجـى قتّالـي
مار ابمسحها بوجهى لو تشّـد اعصابـه=وأرتفع وانسي مـدام الله رفـع منزالـي
والحبيب اللـى يـزاول صدّتـه وغيابـه=ليته يعّـود وينعـش خاطـرى بوصالـي
يدرى انى من غلاه اهوى وأحب ترابـه=وأعشق ارض ٍ داسها بالساق ابو خلخالي
ويدرى انه ساكن ٍ بين الجفـن واهدابـه=وانّه عيونى وروحـى والحبيـب الغالـي
ويدرى انى بيـن نـار ظنونـى الكذابـه=هو ..نسا .. والا سلا .. والا يحب ّ بّدالي
ماحد ٍ غيره خـذا قلبـي ونـال اعجابـه=مير عرضنـى تهاتيـه الخـلا واللاّلـي
ولابقا من ذكرياته كـود ريـح خضابـه=والحلـوم اللـى بنيناهـا مـع الآمالـي
وهذا والهاجس اللى حـي ابـو ماجابـه=قدح راسي لاضوى همى وضـاق البالـي[/poem]

نجم النداوي ( هاجد السبيعي )









/ هــدّ الطير /




[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

زين هد الطيـر بـارضٍ جرهديـه=في حمـادٍ مابهـا غيـر الحبـاري
أشقرٍ ماشفت فـي وصفـه حليـه=كل زينٍ فيـه تلقـى لـه مـواري
أشقرٍ ماجـى مـن التاجـر شريـه=مخرجه منهو لفعل الطيـب ضـاري
مخرجه سلطـان معـروف وعطيـه=للخـوي اللـي بمداتـه يـمـاري
قدمـه بالطيـب مسفـوط وهديـه=قال هـاك الطيـر نعـم الاختيـاري
وساقه الله طيب حض وحسن نيـه=من رفيقٍ عـارفٍ وضعـه وداري
أفجـحٍ كفييـه مـن صيـده نديـه=أهدفٍ لاشاف له خـرب أنتحـاري
لاطلـع يطلـع مطالـيـعٍ قـويـه=ولالحـق ماكنـه الا طلـق نـاري
لاظربهـا كـن ظاربهـا شظـيـه=صوت كفه مثل صـوت الانفجـاري
صاد خمسٍ كلهـا صيـد ضحويـه=وصاد خمسٍ غيرها تـال النهـاري
والاسم مافيـه شـك أنـه سميـه=الاسم سلطـان للطيـب أختصـاري
ماخسر من ينقلـه صبـح وعشيـه=نقلته نقـل الشـرف والافتخـاري
مـع نشامـا كلهـم ربـع وحميـه=كل منهـم للخـوي دايـم يـداري
كـل يـومٍ نازليـن أرضٍ عـذيـه=عشب خـده مـاذرت فوقـه ذواري
الـردي مالـه معـاهـم قابلـيـه=يتركونه عمد مـن دون أعتـذاري
كل واحد يحلـف أن يكفـي خويـه=خدمةٍ من طيب نفسٍ مـع وقـاري
والكـلام مـن الآحاديـث النقـيـه=أخرجه مسلـم وصححـه البخـاري
مايجـي للنـاس سـب ولا آذيــه=ولايجي هرجٍ من المضمون عـاري
ماستمع دبكه ولا أسمـع سامريـه=ماسمع الا صوت آذآن وصوت قاري
ماسكيـن الديـن مـع سنـة نبيـه=بالوسط لاهـو يميـن ولا يسـاري
ذي طرات النفـس والدنيـا مديـه=وماكتبه الله على المخلـوق جـاري[/poem]

نجمة النداوي ( النادره )







/ يــاخــوي /





[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
هات القلم ياخوي في خاطـري بـوح=ودي اترجم لـي طـواري وهوجـاس
واخذ من الابيات سجّـه مـع الـروح=في معزلً مافيه مـا يزعـج الـراس
هذي ثمان سنيـن والقلـب مجـروح=والفكـر شـارد والمعاليـق يـبّـاس
ويفوح في صدري همومٍ كمـا فـوح=صفر الدلال اللي لها النـاس جـلاس
امشي علـى درب المقاديـر وانـوح=ويهيض وجداني ليـا هـبّ نسنـاس
سبة ظروفٍ تجهـد الحـال وتـروح=وتترك مواجعها على القلـب حـراس
تعبت وانا اشيـل والوقـت مشفـوح=يطوي سنيني دون رحمه ولا احساس
كني غريقٍ شاف موته على لـوح !!=تلعب به الامواج مـا صابـه اليـاس
ابني من الاحـلام بنيـان وصـروح=احلام ورديه غـدت مالهـا سـاس !
واطرد سراب الـلال واخيلهـا دوح!=مثل الذي فالدهـر للسيـل عسّـاس !
وازيف الفرحـه سواليـف وامـزوح=وامنّي الخاطر بـلا بـاس.. لا بـاس
تدري وش اللي يقهر القلب والروح ؟؟=انك تعيش العمر محتـاج للنـاس !![/poem]

نجم النداوي ( خالد السبيعي )









/ صدق المشاعر /



[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

جيتك مشاعر صادقة .. صوت مبحوح=جيت ألتمس حسـك تسمّـع لبوحـي
جيت أوعدك بالسر لا يمكـن أبـوح=وإن الغلا فالقلـب يبنـي صروحـي
وأثرك غشيم الحب ما تعرف النـوح=وأكبر ذنوبي كيـف سلّمـت روحـي
ما ساهر عيونك عن النـوم ذابـوح=والقلب جاله بيـن الأضـلاع فوحـي
ما يستوي في الحب حـيٍ ومذبـوح=ولا يستـوي بالشـوك وردٍ يفوحـي
كيف الجسد ايعيش في غربة الـروح=وكيف الطعون الخضر تشفي جروحي
شفتك تصد اليـوم وأقـول مسمـوح=بودّعـك وأقـول دربـك سمـوحـي
مير البلا خايف ليـا جيـت بتـروح=أصيح بأعلى الصـوت لا لا تروحـي
قالوا طريق الحـب ذا درب مفضـوح=وبعض النتائج فيه عكس الطموحـي[/poem]

نجم النداوي (سالم صليم )










/ ليالي الصيف /




[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الله يسامح ليالـي الصيـف وايّامـه=فرّاقـة الشمْـل لا ترحـم ولا تـاوي
تكبر بها غرْبتـي وأصبـح بدوّامـه=لا شفت وجه المدينه مظلـم ٍ خـاوي
وحيد اصارع هموم الوقـت وآلامـه=أنوي وأعزّم ولا ادري ويش انا ناوي
معَ اني آخر رَجل تلعبْ بّـه أوهامـه=بديت احسّ بشعـور التايـه الغـاوي
اللـي نجاتـه ورا والمـوت قدّامـه=وبْعينه الشرّ مثـل الخيـر متْسـاوي
وأنت السبب يا ربيع القلب وانعامـه=فجْوة غيابك عليهـا ماانـي بقـاوي
مانيـب الومـك لأن النفـس لوّامـه=دوافع اللوم مِيسـم هجْـرك الكـاوي
شهرين عدّت وخِلك صبْـره حزامـه=واليوم من طول صبْره ناحـل ٍ ذاوي
أتلى العهَـد بـك وداع ٍ زوّد هْيامـه=رماه وسْط الظنون وذيبهـا العـاوي
سافرْت ذاك النهار وماتـت احلامـه=قتلتها حلـم حلـم ببُعْـدك الطـاوي
إرجع ترى شاعرِك يا مصدر إلهامـه=ظامي .. لو انه من بْحور الشعر راوي
عزّت عليه الحروف وصـرّت اقلامـه=وما احْدٍ يلومه ما دام الوجْد شرقاوي
يرجيك رجوى جريـح ٍ زادت آلامـه=ويلك من الله إذا مـا ترحـم وتـاوي[/poem]

نجم النداوي ( ناصر الحارثي )








/ ناثر الدمعة /




[poem=font="Simplified Arabic,5,#000000,normal,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

ياناثر الدمعه علـى خـدك اتبـاع=بعض الدموع اشوي وشوي وتطيح
ماهو دليلٍ تنكشف فيـه الاطبـاع=واكبر دليل اسأل دموع التماسيـح
لكن دموع اللي وراء حدب الاضلاع=يجي لها وسط الضمايـر تجاريـح
والا اصدق الدمعات من حر الاوجاع=اللي ترق لهـا قلـوب المشافيـح
دمعة يتيمٍ لامسـت يابـس القـاع=وافطر لها من صدقها يابس الشيح
والا الدموع الباقيـه عـدة انـواع=حب وفراق وحزن واحيان تلميـح
تعال ونـس خاطـرٍ منـك ملتـاع=له مـدةٍ بيـن الولـه والتباريـح
لـه مـدةٍ لاهـب للنـود ذعـذاع=يومي كما غصنٍ تلاعب به الريـح
جيتك يابو نعـسٍ خـدر واوسـاع=ينبت لها الخفاق روض ودواويـح
ويصير لك موطن ومدهل ومربـاع=محميتـه تفتـح بليـا مفاتـيـح
وليا استويت وصرت مالـك وزراع=اقطف ثمر حبٍ غصونـه مطاريـح
قدام يومٍ تصبـح انصافـك اربـاع=وتصبح مراويحك من اول مساريح
يوم حسابه تنقلب فيـه الاوضـاع=الايـام حبـلا والليالـي ملاقيـح
ومن عقبها لو دمعتك تروي القـاع=ماباحك اللي كنـت زلاتـه اتبيـح[/poem]

نجم النداوي (ناصر النفيعي )








/ ازرق الفستان /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

الصيف حرك ذاريات المطاريش =مايحتمل قلبي وانا مااتحمل
صفق الهواء حرك قلوب المداغيش=والقلب سافر شرق والخافق أشمل
ام أزرق الفستان والحسن والطيش=والمترف الرويان والطرف الاكحل
والناعسات ام الرموش العكاريش=لسلهمت واغضت بلا سهم تقتل
يإم الكفوف اللي زهتها النقاريش=الله مجملها وفعيوني اجمل
ليا اقبلت بشويش واليا اقفت شويش=مخصر الفستان بشويش يسأل!
كوثر غلا سحر الثمان المراهيش=قالت ياسكر ! قلت لا (سكر) اثمل!
لون ٍ الشفاه الراويات الٍمعاطيش =الكركديه اللي تقهواه يخجل
نعناع عشق ٍ ينعش الراس تنعيش=اخر دروب الحب والدرب الاول
وسمية ٍ سمى مطرها رشاريش=صبّت وكض بسيلها العرق وابتل
تبخترت جرد الضلوع المواحيش =خضر الفياض اللي كسا سفحها زل
ياناعم الديباج وخفيّف الريش =النسمة العذرية خفيّفة ظل
لولا الغلا والعشق والملح والعيش=ماكان كل الغيد : معطيهن اشكل[/poem]

نجم النداوي (مبارك بن محيا )









/ الاجــازة /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

الإجازة قرّبت و الصّيف شفنا له مواري = و الرّوابع كلّ ما جا الصّيف جت منّا و منّا
واعذاب القلب لا جا الصّيف من كثر الطّواري = وعزّتي للي سواتي لا ذِكِرْ غاليه ونّى
هيّضه مع هجعة السّالين صوتٍ للقماري =ما جداه إلاّ ليا غنّت ذرف دمعه و غنّى
هييييييه ي اللي يشعفه برّى الوطن حمر الكباري = أششششهد انّ اللي شحنكم في سفركم ما شحنّا
ليت منهو صوب نجدٍ مع براد الليل ساري=فوق جيبٍ له مع ظن الشّفاوي زود ظنّا
ما كتب فوق الرّفارف من ورى وارد سفاري= مطلب اللي عند سلطانٍ ليا قام و تمنّى
جيب لاند كرووووز يا اللي بايعه ويش أنت شاري = ظيعتك يا الرّاي ظيعه لو عيونك ما عمنّا
إن مشى فالمدن باااااشه وإن عطى درب الصّحاري= قبل أقول أستغفر الله والقوافي يسجدنّا
ما حسب من قوّته دربٍ تغبّيه الذّواري = ولا يهاب من الظّلوع إليا على دربه زمنّا
نيّتي شوفة حبيبٍ شفتنا منه العزاري = كلّ ما جاله دروبٍ قرّبنّه بعّدنّا
آتحرّى عن علومه بالهبايب و الأثاري =خايفٍ لا السّر يبحث و الخوافي يكشفنّا[/poem]

نجم النداوي (ابراهيم بن مريع )







/ دروس و تجــارب /




[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]


جـربــت والـدنـيـا دروس وتـجـاريـب=والـرابــح الـلــي درسـتــه الـتـجـارب
الـلـي يـقـدم طـيـب نـجـزيـه بالـطـيـب=أن كـان مـن الاقصـيـن والا الاقــارب
وراع الــردى مـالـه عليـنـا مواجـيـب=حـتـى ولــو ربــا الـدقـن والـشــوارب
ولا نــرد الــروس صــوب العراقـيـب=ولا نجمـع وجـيـه الـعـرب والـغـوارب
ولا نسمـع هـروج الـدجـل والاكـاذيـب=لـداغــة المـقـفـيـن لــــدغ الـعـقــارب
والمحـزم اللـي نـص صتـمـه مكـاذيـب=مانحـتـزم بــه فـــي نـهــار الـمـكـارب
واللي مايدرى النفس عن ماقف العيب=مـن سـفـرة المنـقـود مـاكـل وشــارب[/poem]

نجمة النداوي (ابعاد التركي )







/ تــلــمــيــح /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]


ابعثرك لحدود العتب واجمعك تلميح"="واليا قلت لك لا تدري القوم ؟فانت ادراا

طوى الليل ليلي وانتهت عنوة التبريح"="وسلامن يخالط ناظرك لين مايبراا

احسب ان دارك صدرها للنوايا شيح"="اثر مالعمرى غير كيفان والجهراا!!

ولى خاطرن اسرحه للرضا تسريح"="ولا يقبله في عرش قيصر ولا كسراا

ورجلن بخل فى ماقفه والزمان مريح"="عسى عرضته لى ماهي العرضه القشراا!!

اسميه نجمن واثر بعض النجوم تطيح؟"="تمنيت موته قبل مااطاح له قدراا!!

وانا لو نويت ابلغ العاقل التصريح؟"="كشفت الغموض بليلتن مابها مسراا

ولكن وراية لابتن تكره التجريح"="اصد وعسى من لامنى خافقه يذراا

رجالن متون الموت في يدينهم تطويح"="يسوقون دم العمر في غايتن تشراا

اليا ضاق مجد الارض ماناخذه تلويح"="لمجد السما سقنا البشاير ورا البشرااا

وابحرمك من لذة جنونن ورا التوضيح!"="اليا طافت الاولى تمعّنت فالاخراا

وخلك على قولة؟ جبل مايهزّك ريح!"="وانا ادري كيانك ينزعه طاري الذكرا[/poem]

نجم النداوي (عبدالله بن شبنان )






/ علوم و رسايل /

[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]


رغم البعد جتني علـوم ورسايـل=زادت هيامي واظهرت شوق وقاد
يوم الغرض برر جميع الوسايـل=يكفيني اعرف موعده دون ميعـاد
مثله قليـل ومثـل قلبـي قلايـل= بالحب صرنا معجزه صعب تنعاد
من قال حظي مال؟.. ماهو بمايـل=وشلون مال وفرحة العمر تـزداد
هذا دليلـي لـو بغيـت الدلايـل=ماهوب حولي دونه بلاد وبلاد
لو هو مسافر من ورى جبال حايـل=وإلا امتغرب من ورى حدود بغـداد
ساكن فوادي دوم والشك زايـل=له في حنايا القلب عرشٍ ومقعـاد
مابي بديلـة لـو لقيـت البدايـل=واذا انهـا بعنـاد خليتهـا عنـاد[/poem]

نجم النداوي ( ابو مهنا )







/ تمشي دلــع /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

كل عله تهون مع الولع""="" واعذابي من القلب الوليع
كل ما شفت من تمشي دلع""="" ودي أغضي ولاكن ما ستطيع
عاذل القلب بالله إستمع""="" قصتي لين نفهمها جميع
قلبي أعياه فالدنيا الطمع""="" في هواهن نصحته ما يطيع
لو حصيله قليل ولا جمع ""=""كود همٍ على قلبي فضيع
كل ما جيت ابدله ومتنع ""=""شفتلي من ضى العفري قطيع
أه من هاجسٍ جوفي رمع ""=""بين الأضلاع جاين له رميع
كن صوت الحمام اليا سجع ""=""جوف صدري وجاين له سجيع
ياهل الود ضيعت السنع ""=""موتنا من محبتهن سريع
وا هني الذي منهن قنع""=""أتمنى الرجوع ولا استطيع
إذبحني وانا حضي رثع ""=""دونهنه مبا شوف القضيع
الطوال الدقاقات الفدع ""=""أخذن القلب مع هنه وديع
رحت يم المطوع مانفع""="" قال بع بع وانا عييت ابيع
شاب راسي وانا اعدي ورتمع""="" حيث مافاع طاريهن نفيع
وكل ماشفت براقٍ لمع ""=""ذكر القلب بيام الربيع[/poem]

نجم النداوي (سعيد الحازبي )








/ سلطان عرش الخفوق /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

الشوق ماهزني والله علـي شاهـد=مايشرب الضامي الا صافي الجمـه
الماء ماتقدر تعكر صفـوه الراكـد=مهما تسولف كلامـك مانـي بيمـه
القلـب ماحـب لا ليلـى ولا ناهـد=قلبي لواحـد تربـع فيـه ويضمـه
سلطان عرش الخفوق وفكره الشارد=ماوسع غيره وينبض به معا دمـه
معه على الصدق ولأخلاص متعاهد=ود وعفاف وكفاني مالزهـر شمـه
ياللي تقولين هل حبيت لـو واحـدقلبي من احلى الصبايا ماخذ قسمـه
اي والله احب من لعيونهـا اعانـد=فتنة سواد العيون وبـارق البسمـه
البرق لا لاح نوره دنـدن الراعـد=وعلى المحيا الصبوح اغار مالنسمه
وغار من وصفها ولحسنها جاحـد=عفيفة(ن) تستحق القدر والحشمـه
عليها بسم الله الرحمـن مالحاسـد=وصوغ فيها الشعر والحرف والكلمه[/poem]

نجم النداوي ( فالح بن راشد ال حثلان )







/ تــدريــن ..؟ /

[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]


تدرين لا ضاق صدري ويش أنا أسويّ؟=أرقى سحاب السهر واسامر شجونـي!
وخايل بروقـك اللـي عانقـت نـوّي=وأكتب قصيدي على جمري وغليونـي
أنا كذا لين يصفـى بالوصـل جـويّ=البعـد ماغيّـر اطباعـي ولا لـونـي
ياجمرة ٍ والعة ماهيـب مـن ضـوّي=عيّت تطفـيّ لهيبـك دمعـة عيونـي
اصبح عزايه بكلمـة (ليـت يالـويّ)=ماصرت مجنون حبك وانـت مجنونـي
لآكنّ على الله تغيـث القلـب وتـروّي=عرق ٍ ذبحه الضما لقصـاه مدفونـي
والله يرحم حياتي ويـش أنـا اسـويّ=أرقى سحاب السهر وداعب شجونـي![/poem]