شاعر وَ قصيدة(ملف من إبداعات شعراء وشاعرات الندواي)

[align=center]بسم الله الرحمن الرحيم

اخواني واخواتي اعضاء وعضوات النداوي وزواره الكرام

السلام عليكم ورحمة الله وبركاته

يسرنا ان نقدم لكم:



ملف النداوي شاعر وَ قصيدة


أحبتي : سيكون هذا الملف مرجع مهم ونزيه لكل زائر وزائرة ، أجمع به ماطاب من شعر في قسم (النداوي الشعبي وسوف أسلط فيه الضوء على شعراء وشاعرات النداوي الفاعلين والمتواصلين )


وقبل ان نستمر في تقليب هذه الصفحات ..أحب التوضيح للجميع

ظل منتدى النداوي وعلى مدار ثمان سنوات قلعة شعرية صامدة ، خرج من اسواره اغلب شعراء الساحة وعمالقة الحرف ..ومازال يمارس النداوي دوره الريادي بسياسة حكيمة يقف خلفها النداوي الأول الاستاذ (حمد السحيمي) واعضاء الإدارة الموقرين ..
وجميع شعراء وشاعرات النداوي الحاضرين والغائبين لهم مكانتهم ولاجدال ..
هذا الموضوع لم يكن ابداُ تقييم شعراء وليس مسابقة شعرية ..فأعضاء النداوي اكبر من اي تقييم !
ملف (شاعر وقصيدة ) هو مجرد ملف او ملحق للشعر الشعبي نختار فيه مالذ وطاب من ابداعات أعضاء النداوي الفاعلين والمتواصلين مع الموقع على غرار الملاحق الشعرية بالصحف والمجلات المقرؤة ..بإشراف : كبرياء





أسأل الله العظيم ان يعينني على الأمانة الأدبية التي ستكون شعاري بإذنه تعالى ...


متابعتكم تسعدنا ..



كبرياء[/align]

نجم النداوى ( عبدالله الطلحي )




/ ارفــع البندق /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

قال ابوناصر حيـاة المشاكـل والهمـوم=مايعوّض فـي تعبهـا يكـون دروسهـا
عرفتنـي بالديـر والعوايـد والسـلـوم=دار مامريـت منهـا نشـدت عسوسهـا
وانظم ابياتي وانا لي على شعري وسوم=طارحٍ وسمي على السابقـه واسوسهـا
عادتي مااهوجس إلا وانا عنـدي علـوم=واعرف اللي ماتجيب العلـوم هجوسهـا
عالمٍ تعرض رخيص البضايع كـل يـوم=ماوجدنا كلمـة الصـدق فـي قاموسهـا
توصل الرجال بالمدح إلى حـد النجـوم=وفي غيابه ودهـا تطحنـه بضروسهـا
والغشش يمشي على الناس لكن مايـدوم=تمـرةٍ مـن ذاق منهـا تبيّـن سوسهـا
ميـر انـا يالايمـي لـوم وإلا لاتلـوم=عفت تربتها الرديـه وعفـت غروسهـا
مبتعد عنها وعايـش مكـرّم ومحَشـوم=أعشق الطـالات والطايحـات ادوسهـا
اخذ الجزله واجنب عن الهزله واشـوم=تقعد الهزلـه لنـاسٍ ضعـاف نفوسهـا
وارفع البندق لياجت محاربـة الخصـوم=ماارمي إلا في نحور الرجال وروسهـا
لااحذف المقفي ولااتعب على غير اللزوم=واللـوازم كـل حالـه لهـا ملبوسـهـا
وامدح افعال النشامى لجل تبقى رسـوم=ماني اللي يمدح النـاس لجـل فلوسهـا
النشامى تحرز المدح مع حب الخشـوم=والـردي لويشتريهـا تـراه يحوسـهـا
[/poem]

نجم النداوى (خلف الكريّع)





/ أســطــورة الـحــســن /



[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]


حبيبـتـي حسنـهـا متـمـرّد وصـابــي=يتكلـم الحـسـن فيـهـا كنّـهـا لسـانـه !
لـو اختصـر وصفهـا واحـيّـد اعجـابـي:=هي الجمـال انخلـق فـي صـورة انسانـه !
.
.
فـي حسنهـا يلتقـون ( اعـداي واحبابـي )=اخـاف غـدره .. ومانـي قــد نسيـانـه !
تعبـان فـي قربـي ! وتعـبـان بغيـابـي !=مـن يهجـر احبابـه ؟ او يامـن لعدوانـه ؟
.
.
ياعـم .. لا شفتهـا مـا ترمـش اهـدابـي=كـأن مـن شافـهـا تتخـاصـم اجفـانـه !
فـي وجههـا كـل مـا يطـري علـى نابـي=مـن خوخـه .. لتوتـه .. لحبـات رمـانـه
مزيونـة ٍ كـل مـا لاحـت لـي القـى بـي=قصايـد ٍ فـي بـحـور العـشـق غرقـانـه
.
.
ياعـم .. لمّـا تسولـف تحـرق اعصابـي !=مخـارج حروفـهـا : ثمـلـى ونعسـانـه !
تحكي - وانا من غنجهـا سايـل لعابـي ! -=وبصوتهـا ( رعشـه ) ولا هيـب بردانـه !
في طيّب انفاسهـا / ضـاع أنفـس اطيابـي=وبشفاههـا / ضـاع طعـم التـوت والوانـه
.
.
يـا عـم .. بعيونهـا ( غــي ) يْتسـلابـي=بعيونها ( طهر طفـل ) و ( كيـد شيطانـه )
فيها ( صباح الحمـام ) و ( ليـل الارهابـي )=بـراءةٍ تشتـكـي مــن ظـلـم وخيـانـه
ليـل يْتربّـص بـي / وصبـح يْتعـزوا بـي=وبـدر ٍ طعنـه الظـلام وحاصـر اركـانـه !
.
.
كأننـي مـع شعرهـا ( شيـخ : متصابـي )=وكن الهوى معه ( طفـل ٍ : عـز سلطانـه )
له : رغبة السـادي / ولـي : نيـة السابـي=وان فرّعـت كـل مـنّـا جـنـت جنـانـه !
نسيمـه يصيـح بـي : لا تلمـس العـابـي=وانــا اتعـمـد مغابـشـتـه وعصـيـانـه
اللـي - نـوى ياخـذه - باقـنّـه ثيـابـي=وانـا مـع ثايبـي اتهـاوش علـى شـانـه
.
.ياعم .. لـو شفـت منظـر صدرهـا النابـي=( نونيـن كوفيتيـن ) وبينـهـن ( خـانـه )
او هن ( صدفتين ) لبسـن ( تـاج عنابـي )=( ومحارة ٍ - كـل فلقـه - وسطهـا دانـه )
متزاعـلاتٍ وهــن جـيـران واقـرابـي !=واليـا مشـت .. كـل ٍ يدافـع عـن اوطانـه
لهفي على / سَحْرهـا لـو كـان : مشرابـي=ولهفي على / حجرها لـو : نمـت باحضانـه
في جسمهـا لبعضهـا عـن بعضهـا تحابـي=أجـزاء جوعـا بهـا .. وأجـزاء شبعانـه !
خصر ٍ ( مسيكين ) تحته عجـز ٍ( مرابـي ) !=وساقيـن عطشانـه .. وفخـذيـن ريّـانـه !
مـن ويـن مـا شفتهـا يبلغنـي مصـابـي=مـا فيـه شبـر ٍ بهـا مـا طحـت بادمانـه
نقـص ٍ - مهـو زود فيهـا - عنّهـا هابـي=وزودٍ - يُرى نقـص - مـا تتقبّـل احسانـه
.
.
يا عم .. شف حسنهـا وشلـون سوّابـي ؟!=شف كيف صـدع الجبـل لا ثـار بركانـه ؟!
شفني - ليا من طرت - كيف اترك اصحابي ؟!=شف كم لها عيني مـن الشـوق سهرانـه ؟!
ياليتنـي - يومهـا دقـت علـى ابـوابـي-=عيّيـت لا افـتـح لـهـا قلـبـي وبيبـانـه
ولا اعطيتهـا واجـب اسلامـي وترحـابـي=وسكّـرت حتـى قبـل مـا اقـول غلطـانـه
وصديت عنهـا وهـي مـا تعـرف اسبابـي=صـدة كريـم ٍ حـشـم عــورات جيـرانـه
مـا عـاد تنفعنـي امجـادي .. ولا القـابـي=غـادرت عـز القصـور / لـذل زنـزانـه !
جتنـي وانـا .. شيـخ قـوم بعيـن شيابـي=وراحت وانا .. طفل بعيون اصغـر اخوانـه .![/poem]

نجم النداوي ( حمد بن فطيس المري )









/ الذكريات الماضية /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
أسترجع من الذكريات الماضيه شـي ٍقليـل=هي مستحيل اتسيبنـي ولا قـدرت أسيبهـا

أشوف نفسي من على القمّه بعد مرقا الطويل=والأرض منبسطه تحتها والهـوىّ يلويبهـا

تذكرَت فعلٍ جميل وهو جميـل مـن جميـل=وتقول لعيون الرضا مـن شوفهـا واشيبهـا

فجأه بدون مقدمات أشعلت في راس الفتيـل=ودي بكـذاب العيـون ولا حصـل تكذيبهـا

والدانه اللي في البحر ما شافها عابر سبيـل=كم واحدٍ في موجها يسبـح ولا يـدري بهـا

من دونها موجٍ تلاطم والغـزر مالـه مثيـل=أبعد من اللي دونه الجيـان عـاوٍ ذيبهـا

لا ني قطفت من الثمر ولا شربت السلسبيـل=يكفي عن أمّالح مشاكيـل العـرب ترحيبهـا

يامهرةٍ سبيبها لا أوما غـدى مثـل الجديـل=مدري جديلك لا أنتثر غدى مثل سبيبهـا ؟؟

لك مشيةٍ ماسارها غيرك ولك عـودٍ يميـل=مع لفتةٍ كنك على سـاوك ولا تـدري بهـا

كنها مسير أم الغزال اللـي تـدوّّر للمقيـل=قد شمسها كبد السماء والهابّـه تومـي بهـا[/poem]

نجم النداوي (فيصل الرياحي )






/ 70 تــفــاحــة /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يامنزل من السحاب القطره العذبه=يامن عبادتك فيها الستر والراحه
ألوذ يالله بوجهك وأتعوذبه=من شر مجموعة الشيطان وأشباحه
عنواننا الصدق نعطي به وناخذ به=والبعض للكذب طبشوره ومساحه
والناس للزيف والتطبيل منجذبه=تفاحةٍ خربت سبعين تفاحه
هذا زمان الغلط والهمز والشذبه= الصدق روّح وحل الكذب فـ مراحه
إكذب وخل الجميع يردد الكذبه=ونافق وراوغ وتصبح سيد الساحه[/poem]

نجم النداوي (محمد بن حوقان المالكي )





/ كــمّ العــبــاة /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياحـادي الركبـان مـادون الفـلاة الا فـلاة=الى متى وانـت تْحدينـا والمقاديـر تْحديـك
خلك كذا واللي يضيق يطق راسه في حصـاه=وش له تلبسنا الامان وثوب خوفـك يعتريـك
مادام لك قانون واضح لـو تسيـر بْمقتضـاه=يجوز يتنـازل لـك التاريـخ ويقبّـل يديـك
حنا مثل من ينقل الحيـة تحـت كـم العبـاه=يمشي كذا بين الرجاء والياس والموت الوشيك
الوضع لو يسمح لي اتحدث بكـل اللـي اراه=ثوبي يضيق على جنوبي ثم يصرخ ما ابيـك
الفقر غربة.. والغناء.. موطن. وحرية. وجاه=والصبر طيب والحياة ايـام لـك والا عليـك
بعض الرجال اذا نصحته يحسب انك من عداه=واذا تركته مر مـن جنبـك ولاسلّـم عليـك
هذاك لن ترضيه في حاجـة ولـن تسلـم اذاه=الافضل انـك ترحـل وتبعـد عنـه لايبتليـك
والبعض الى منك عطيته وجه يغدي لك حـزاة=حزاة يعني وين ماتشـرد عنـه لازم يجيـك
احيان تتحمل ثقيل الـدم مـن اجـل اقربـاه=واحيان تخسر من تحبه في رضاء عمك واخيك
وانا بطبعي والله انـه لادخـل عينـي قـذاه=أغمض عليها لو تجي وتروح من هذي لذيـك
مابالك ليا جانـي الرجـال مكسـور العصـاه=افز لقدومه واقـول ابشـر بمطلوبـك يجيـك
والكلمة اللي تحرج الصاحب وتبحث في قصاه=احسن لي اتركها واقول الله يعينـك ويهديـك
واهل المصالح كل منهم له هدف ولـه اتجـاه=واحد يبيعك بارخص الاثمان واحـد يشتريـك
والعزوة اللـي تسنـد الرجـال وتلبـي نـداه=بطاقة الصراف والا شيك ماهـو بـأي شيـك
وظيفـة الرجـال وحسابـه تحـدد مستـواه=مهما يصير اسند على جاهك ومالك ويحميـك
الطبع غلاب التطبـع والحيـاة هـي الحيـاة=مهما تغير في حياتك طبعك اللـي فيـك فيـك[/poem]

نجم النداوي (علي بن حمري )








/ وصــلـك الــســاقــي /




[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ودّع مصيـر الحـي يتلاقـا ولوطـال البعـاد=تطـول ولا تقّصـر الدنيـا عليـنـا دايــره
ودّع مثل ما ودعـت عينـي مساييـر الرقـاد=اللي بقا ساعـه علـى إقفـال بـاب الطايـره
ويلي من الفرقا ,, ومن ضيعتك,, وعيون العباد=لاعـادك الله صيـف لاربحـه ولا خسـايـره
ياقِل حالـي مـن بعـد فرقـاك قِـلاً مايـزاد=ولبا عيون أللي علـى شانـي رهـت عبايـره
ما الله هداك تهـاود الفرقـا ؟ولومابـه هـواد=أرب قلبك فيـه صِبـره ؟ لاعـدم صبايـره ..
لولاك ماكان الهوى فتـوى ومعرِفتـك جهـاد=والعشق دينا ً لك صلواتـه .. ولـي شعايـره
جاهرتك بك وأنـا بعدهـا قابـلاً حـر وبـراد=والحين ويش ألهـاك ؟ ياصـدري وياسرايـره
فإذا كتب ربـي علـي إفـراق خـلان وبـلاد=فيا جعل يكتب بعدها ملقى وخطـوة زايـره ..
عودي خضر واوصالك الساقي.. وفرقاك الجراد=الله يعيض التاجـر اللـي روّحـت تجايـره .!
قِهرت في حرب القهر وإحمِدت في حرب الحماد=ونتـه معاقبنـي غـلاك أسيّـره واسـايـره
منت بمثل غيـرك ولاغيـرك بمثلـك والوكـاد=المِلـح كنـك أمشيكنّـه والجمـال أمعـايـره
لوبوك ومّك يرّ ثـون إمحبتـك فـي كـل واد=فنـا غـلاك أمورثنّـه للنجـوم السـايـره !!
بالضبط حبي لك مثل حب (أبن راسي)للشـداد=وإن كنت كاذب جعل ساقـي تنعسـر جبايـره
أللي حصل لي في وداعك شي يُدعـى ألافتقـاد=دريت بأن أعضاء جسمي بايـره بـي بايـره
نسيت فـي يـدّك يدينـي والنواظـر والفـواد=والله لو إنك رُحت ماثـوّرت فيهـا ثايـره ,,,
أفضل لي أصبح بعد ما خذيتهـا قطعـة جمـاد=ولآ دمي ٍ شِل قلبـه ،، ونّعمـت بصايـره !![/poem]

نجم النداوي (محمد القثامي )










/ حــرّاس الـفـضـيـلة /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
في رياضٍ عشبها اخضر وشجرتها ظليله=جيتها ودّي اسلّي شامها واطـرب يمنهـا
بالقصيد اللي رقابي واعتلى راس الطويله=جعبته مليا جواهر تِحْتِضِنـه ويحتضنهـا
وقمت اغنّي للفياض الخُضْر والبارق أخيله=وجت على بالي قصيده قام يسترسِل لحنها
كنّها صفرا جموحٍ مِن نسل خيـلٍ أصيلـه=تَطْمح لأعلى المراتب وبْيدي قاضب رسنها
قلت اباسرجها واذلّل كل صعبه مستحيلـه=وامدح اللي يِسْتِحق المدح بِرْساله ومنهـا
يارجال الأمر بالمعروف حرّاس الفضيلـه=في زمانٍ عند بعض النّاس مايِعْرَف ثمنها
أنتم سراجٍ ضياه الديـن والعـزّه فتيلـه=وانتم جبال السراة ولايضيم اللـي زبنهـا
وانتم سياجٍ منيعٍ ضـدّ الافكـار الدخيلـه=وانتم حماة العقيده والوطن هـذا وطنهـا
وانتم اشبه في سفينة نوح والغارق تشيله=تِحْتميه من البحور المظلمات ومن فتنهـا
وانتم كفوفٍ تجود بمدّهـا ماهـي بخيلـه=وقدرها فوق النجوم وطيبها مذكور عنهـا
وانتم اهل الحسبه اللي كل مجدٍ ترتقيلـه=وانتم الصفوه وكلٍّ للعـلا روحـه رهنهـا
وانتم الشهد المصفّى والقراح وسلسبيلـه=لو تعادتكم قلوبٍ شاحن البغضـا شحنهـا
واصلوا والله معاكـم يامحاربـة الرذيلـه=دام في دعوتكم قلوب الملا تلقـى سكنْهـا
وانهضوا والحق يبغا كل رجـلٍ يرتكيلـه=وانتم لْحمل الامانه خيـر نـاسٍ نأتمنهـا
ويالله اللي كل عبدٍ مـن عبـاده يلتجيلـه=ياعظيم ٍ تَعْلم بْسـرّ المخاليـق وعلنهـا
نسألك تحفظ رجال الدين حرّاس الفضيلـه=في زمانٍ عند بعض النّاس مايِِعْرَف ثمنها[/poem]

نجم النداوي (سعود القت )







/ بنــــــود المـــرجـــلـة /



[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

يامـن لكسـب الطيبـه ينهقابـك=لا تستثيرك هرجـة اللـي يعذربـك
ضيّع طريـق المرجلـه والتهابـك=يمشي بلا مذهب ويشذب ابمذهبـك
لا تنشحن به لو شنـاك وحكابـك=تقصر يدينه ما تجي عنـد شاربـك
ارفع عن الدانيـن حضـرة جنابـك=ليا رميت من اعترض قـل مزهبـك
اترك زبـون الهـرج فكـر بمابـك=لو عال غيرك ما نقص من مرتبـك
اصحى على اية شي تركز حرابـك=يعمي الكحل عينك وتشقى ركايبـك
قيس الامور بعرف واتقن حسابـك=وليا غديت الـدرب لـد لتجاربـك
لن مغتنمت المرجلـه فـي شبابـك=لا شبت لو ترومها مـا تصاحبـك
شـاور ليامـن الطريـق التوابـك=ما بالمشوره عيب جهلـك يعيبـك
عليـك باللـي لنهزعـت اعتلابـك=يرفأ خمالك مخلبـه مـا تقاضبـك
وخل الرخا من يمتـه صـك بابـك=بعده نجـاحٍ لـك وقربـه يرسبـك
ما ينفعك كـان المسيـر انتحابـك=ياخذ لزومه وانت ما شاف مطلبـك
وارض بنصيبك لو دهرك اغتذابـك=ترى القناعه راس مالك ومكسبـك
والكذب حذرا لا يجي فـي خطابـك=من شان مـا بكـره منقّـد يكذبـك
تصغر بعين اللـي منـوّل يهابـك=وتصبح تحت شرهة رفيقك وصاحبك
ليا هرجت اهـرج وثمـن جوابـك=احسـب لـزرايٍ دليّـه تجـاذبـك
بالك لمن يـازن خطـاك وصوابـك=يفرق لدبجك من عذوبـة مشاربـك
ساكت وفكـره باعبـك واشترابـك=وانته تظن انه ما وايـق بمرقبـك
عبرت عن ما في ضميـرٍ شقابـك=وانته تخيّر واتبـع اللـي يناسبـك[/poem]

نجم النداوي ( عريمان السبيعي )






/ بــاب الـخزانــة /





[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
مرحبا من هاجس الشعر وضميره=بالرفيق اللي فتح بـاب الخزانـة
خابرٍ ماله مع الطـاروق سيـرة=مير عقب اليوم صـح الله لسانـه
هاضني خطك يشافي دون غيـره=من فصاحة ماقريت ومـن بيانـه
وهالني ماقبل الابيـات الاخيـرة=بيت عمس الراي واللي من وزانه
الزمن مثـل الرحـاة المستديـرة=والبشر فيها على حسـب الديانـة
لو تهيالك علـى نفـس الوتيـرة=الله اعلم وش ورى ذيك البطانـة
لاتدقق في الصغيـرة والكبيـرة=مشّها لاهنت مـن بـاب الميانـة
والخطأ وارد من كبـار العشيـرة=خل ناسٍ مالهـا فالكـون خانـة
كل منهم في الخلا يشعب بعيـره=يحسب إنه لابـدا عنتـر زمانـه
وان نصحته فالخفاء ياخو منيـرة=ماتقول ألا ذبحت أغلـى خوانـه
كان راع الذود مايسمـع شويـره=راعي الظان اتركه يستاق ظانـه
والنشاما ماتبـى غيـر الستيـرة=ماخلقها الله على الجاهل حصانـة
لوماتاخذها تجاه الطيـب غيـره=ماخذت في المجتمع قدر ومكانـة
وانت فالدرب الوعر عينك بصيرة=لو أقول الدرب وينه قلت عانـه؟[/poem]

نجم النداوي ( شــايــع العــيـافــي )

مشهور الخيّال






/ كــوكــب الــنــور /





[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
البارحه ياكوكب النور وش فيك=غاشيك من سحم الدواجي سحابه

حتى النجوم البيض عيت تباريك=ينقصك من ليل الخطايا مهابه

حجبك منزال الوطا ..عن مباديك=وامساك ليل وليل " شايع " سرابه

وادركت ياحظٍ على الله مشاكيك=ان الرفيق " العي " ماينغزابه

اليا انتهض راسك تولا علابيك=وان طحت " ماجاء مع ردى الوقت جابه "

وانا بسولف لك عن الغدر وانبيك=كم واحدٍ من طيبته مادرابه

والله مايذبحك ..ويبيح خافيك=الا خشير الروح .. لاصك بابه

تضيق في عينك جميع المساليك=ويروح دربك مثل قوس الربابه

هامٍ يقرب بك وهامٍ يقصويك=منك الدعاء والله له الأستجابه[/poem]

نجم النداوي ( محمد الدهيمي )







/ المجلس الهــادي /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]


الوصل بانت مواريه وعلاماته= وابرك ليال الهوى جمّاعة الشملي

ايه اجلس اجلس ومافي خاطرك هاته= كم لك عن المجلس الهادي وانا كملي

ابطابك الله ثم الحسّاد ودعاته = الين ياسي بوصلك حال دون املي

وابطيت اقفّ التنهاته تنهاته= وقيودن احلّها وقيود تبرملي

واتعبت قلبي وتعبني بمشهاته= ابيك قسمي ولاادري ويش يقسملي

لاحركت ذكريات الوصل حزّاته=واسمك كتبلي ووجهك قام يرسملي

والشوق طب الخفوق وشاف مقضاته=وابطيت اسجل مطاليبه وهو يملي

سرالك القلب بسراجه ومشكاته= مسرى هليك الظمى للمورد المملي

الين يلقي على طيفك تحياته= وافي عمل واعرف انك عاملٍ عملي

والهجر وسمه لياطوّل وكيّاته= متقاسمه معك ميسم لك وميسم لي

هذي علومي ومافي خاطرك هاته=وسلامتك يالغضي عساك تسلملي[/poem]

نجم النداوي (عبدالرحمن بن بديع )






/ نــجــمــة اللــيــل /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

ياليل ياللي عشقتك لجل بعض النجـوم=واللحين شفتك وفيها انجـوم ماشفتهـا
به نجمة ٍ كلما تظهر تزيـل الهمـوم=لواني اعاف كل الكـون ماعفتهـا
ياليل مالي ورا عِشقك وسِهرك لـزوم=الا لجـل نجمتـك ياليـل والفتـهـا
ياليل طولك وانا تغفي عيوني واقوم=اخاف لو مـرت النجمـه وطوفتهـا
ماهي بمثل الكواكب والشُهب والجروم=اوصافها ببتلـش فيهـا لاوصفتهـا
من نورها يختفي نور الكواكب عمـوم=ومن حبها لااِسطعت لأنـوار لاقفتهـا
لوان ذا نورها اللي حاجبتـه الغيـوم=ولوان ذا نورهـا منـا وخالفتهـا
والناس تدري اني احب السهر كل يوم=وان جات تبغى تعرف السر صرفتها
النجمه احبها واصبحت منها امحروم=ومن اجلها اساهر الظلما ولا خفتهـا
ياليل خَلها تبّين قبـل بعـض العلـوم=تراني يمكن أولّـي كـان ماشفتهـا[/poem]

نجم النداوي ( هــادي الرزقــي )







/ يــاجــــــــــار /

[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]


ياجار كانك طعتني برقع الطيـر=طيرك وحش واقلوبنـا مستميتـه
لولاي رجلٍ من رجال بهم خيـر=ماصد واغض النظر من بخيتـه
ياجار طيرك كل ماعرّض اعصير=مدري علامـه يلتفـت مادعيتـه
يمر كنّه شـارد الصيـد لاذيـر=لابوه لابـو حـي حيّـه، وميتـه
اغير,وانذر، وانذر القوم، واغيـر=وابيع روحي، وانهـزم لابغيتـه
يردّني ياجـار طبـعٍ لنـا غيـر=الجـار مانـدرج لغـرات بيتـه
يبقا على حشمه، وشيمه، وتقديـر=ويـروح عنّـي بالـردا ماقفيتـه
من خوف شيِ مابعد صار،ويصير=يامّا هدمـت البيـت ،والاّ بنيتـه
بعدٍ عن الهيّـن معـزّه وتوقيـر=ورجمٍ على غيـر النقـا مابديتـه
يحدني يـم الخطـا دون تبريـر=الـي بلانـي بالهـوى ،مابليتـه
وانا بشر مني خطايـا وتقصيـر=الله يغفـر كـل ذنـبٍ جنيتـه!!![/poem]

نجم النداوي ( مدغم ابــو شيبة )







/ فــارعــات الــطــول /





[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياصاحـبـي لاتباطيـتـك وقـلـبـي حـزيــن=رحت أنشـد الدالهيـن اللـي ( عليهـم تمـر ) !!
يامعشـر اللـي علـى ضـو القـمـر ساهـريـن=مامرّكـم عـود مــوزٍ فــي عـلـوّه ثـمـر ؟!
الحب مثل ( العبـاده ) .. و ( أنفـس المؤمنيـن )=أشرّهـا مانـفـر .. وآخيـرهـا مــا أستـمـر
ياليـت روحـي علـى روحـك تــذوب وتلـيـن=وأنـا اتكـوّن سحابـه وأنهـمـر .. وأنهـمـر !!
نظـراتـك يعلـمـنّـي ضـحـكـة العاشـقـيـن=والا يكـتّـنّ فــي راحــة كفـوفـي جـمــر
بقـى مـن اللـي خذيتـه قلـب بيـن أصبعـيـن=وأن قلت : هاته .. ( مـن عيونـي وتامـر امـر )
وأن قلت لي : موقعي مـن عالـم الحسـن ويـن ؟=بعـد الثلاثـيـن كــان الله عطـانـي عـمـر ؟!
اقـول : مزيـون وأشباهـك ماهـيـب أربعـيـن=أشباهك أثنين يا أمّـا ( شمـس ) والا ( قمـر ) !!
يكفي أنّـك أوّل ظبْـي ياخـذ مـن الصقـر عيـن=ومــن الـذلـول العمانـيّـه هـيـام وضـمـر
( معنّقـك ) شـبـر فــوق متـونـك وقفلتـيـن=و ( يديك ) منجم ذهب .. و ( شفاك ) حانة خمر .!!
مدري وش اللـي خـذا الله منْـك وأعطـاك زيـن=مـا لا عطـا فارعـات الطـول بيـض وسمـر !!
ماشفـت ( هالوردتيـن ) وشفـت ( هالجمرتيـن )=لهـن ثلاثـيـن عــام ولايـزالـنّ حـمـر ..!![/poem]