قصيدة (يـاســعود) للشاعر محمد بن بعيث

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=1 align=center use=sp num="0,black"]
يا سعود ليت الليالـي يومهـا حالـت=-لوهو تمني - ما حالت دون خلانـي
بين ألف حاجة وحاجة معي ما اشتالت=الاّ هـواي وغـذا قلبـي وشريـانـي
وان اقفـت بغالـيٍ ذكـراه لا زالـت=ما هي غريبة تشـوف محمـد يعانـي
ما اظنها عن شفـوف قلوبنـا سالـت=يوم اصدرت حكم حرمانه وحرمانـي
ما فيه دمعة ضحا فرقـاه مـا سالـت=لحظة !! بها طاحت الدنيا من أعيانـي
والرجل حتى على المنهاج ما احتالـت=الله لا يذكـر الفـرقـا بالاحسـانـي
يا سعود شف حالتي اليـه وش آلـت=وتعرف وجدي على خلي كم أشقانـي
يا سعود عقبه وحبـل السالفـة فالـت=لو أرد هداج أصـدّر منـه عطشانـي
الله حسيبـي علـى الايـام لا مالـت=تردني عـن هـوى نفسـي وتحدانـي
لكنّ ! مالت ما مالت والله مـا نالـت=من كل مبدا حـواه اسمـي وعنوانـي
يجوز تغتال فرحة بـس مـا اغتالـت=وفاي لاصحابـي وعزمـي وايمانـي
من ما بصدري وغاراتٍ بـه اجتالـت=صديت ما هيب لك يا سعود حقرانـي
هذي مهي مالتي يا سعود ذي مالة(ت)=من لا يقدر حقـوق الجـار والعانـي
لا يا الخوي لو مشاوير العنـا طالـت=بتموت ما جاتك الزلّـة مـن لسانـي
وان قالت الناس والاّ الناس مـا قالـت=ما شفت من رجم شرّف بـه وتلقانـي
يا سعود والله لو انها صالـت وجالـت=ضيقة صدر بس . مابه غيرها ثانـي
واقول للصدر لا من جالـت وصالـت=يا ما من افراحي .. ويا ما من احزاني
بشّر خوي الرخا .. ان ادوالها دالـت=ويوم انه خلاّنـي انّ الله مـا خلاّنـي
والناس في نطحـة العيّـال لا عالـت=أنواع .. وانا لهذا النـوع مـا ادانـي
اللّـي يوالـي مـع الدنيـا اذا والـت=وان حاربت - أقطع ذراعي - اذا باني
تصير في عينه .. البيدآ ومـا شالـت=من الرخامة !! بحجم اظفور الانسانـي [/poem]