ودّي بـك وابيـك وابـاك وابغـاك لبن فطيس

احدى قصائد شاعر المليون محمد بن حمد بن فطيس الذي شارك بها في البرنامج



[poem=font="Simplified Arabic,6,green,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ودّي بـك وابيـك وابـاك وابغـاك=جمّعتهـا لرضـاك واختـار فيهـا

شف ويش منها يتبع احكاك ورضاك=واللي لك اسقي مسمعك لا ضميهـا

غديت افر احكاي واسايـر احكـاك=وانـا تشّـرف لكنتـي واهتويـهـا

مضمونها ودي بشوفتـك واهـواك=ياللي دروب اهل الردى ما تجيهـا

صانك ولي امرك وحبـك وداراك=ولاقـدر ردع الحظـوظ ومجيهـا

نفسـك مهذبهـا وعـز الله ربّـاك=مايدري ان جيـش الهيـام يغزيهـا

والله قسم يبلاك بي وانـت يبـلاك=باللي سواتي في العـرب يرتجيهـا

محبة ٍ ذربه مـن القلـب تكسـاك=محبـة ٍ صـدق الهـوى يكتسيهـا

يامرك قلبك بالوفـا لـي وتنهـاك=ناس ٍ علـى لامـاك تفـرك يديهـا

رزين عقل ومـن مزايـا مزايـاك=نفسـك تحـب وعفتـك تمتطيـهـا

وتطيع عقل ٍ ما بعـد زل واغـواك=مشاعرك تعصـاه وانـت تعصيهـا

ماشفت منـك الا عيونـك ويمنـاك=محبـة ٍ راع الـردى مـا يبيـهـا

يقبض فـوادي لا تخيلـت فرقـاك=ياشف عيـن ٍ مـا سـواك يعنيهـا

وياعزوة اخوانك ومطلب هـذولاك=نـاس ٍ محبـة والــدك تدعيـهـا

ناس ٍ تخـدم ابيـك كلـه لعينـاك=وهو يحسـب ان الله عليـه يهديهـا

ياجعلها تفدى على الارض ماطـاك=والله بمـن هـو مثلـهـا يبتليـهـا

لكن لعـب فـي ياوليفـي تغّـلاك=ونفسي غلاك من الصدود يحديهـا

تبطي علـي وانـا هنـا واتحـراك=وكبدي لواهيـب الصبـر تشتويهـا

اجمّع علومك امـن هنـاك وهنـاك=والله لو انهـا تنشـرى لا اشتريهـا

وعذرك انا لاهي يا ويش اللي الهاك=لاهي ومـر ٍ منـت لاهـي تليهـا

كانك مشكك في الوفا والغلا هـااك=جوالـي اقـر القائمـه كـل ابيهـا

رقمك مع الصادر ولا وارد اسواك=والناس في اللي لـم يـرد عليهـا

وايـاك وايانـي وايـانـي ايــاك=من غيبة ٍ مـن دون عـذر يحميها

صح لسان ابوحمد

وسلامتكم[/poem]

الله عليك يالمحيط الهادي

انه تسونامي الشعر القادم وبقوة

لاهنت يابن عسكر

صح الله لسانك انت يابو مبارك





وبيّض الله وجهك




قدرك كبير في صدري وعند الرجال شرواك



تحياتي لك

المحيط الهادي
ولاغرابة

تمنينا أن نقرأها كاملة ..

ألف شكر أخوي هادي

وصح الله لسان شاعرها ومبدعها

لاهنت

الله عليك يالمحيط الهادي

انه تسونامي الشعر القادم وبقوة

لاهنت يابن عسكر

ارررررررحب يابومحمد



ومن قال مايهون ولايهون الحاضر




لك تحياتي

صح الله لسانك انت يابو مبارك





وبيّض الله وجهك




قدرك كبير في صدري وعند الرجال شرواك



تحياتي لك

اررررررررررررررحب يابومحمد



ووجهك ابيض ووجيه الحاضرين



ولاعليك زود والشعور متبادل يالقرم



لك تقديري

المحيط الهادي
ولاغرابة

الاخ ناصر ال صامل



اشكرك على مرورك

تمنينا أن نقرأها كاملة ..

ألف شكر أخوي هادي

وصح الله لسان شاعرها ومبدعها

لاهنت

الاخت مزون المحمد



انشاءالله امنيتك تحققت



لك تقديري