Tweet
[poem=font="Simplified Arabic,5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
داري قطـر وأنـا هنـا أمثلهـا=المجـد مطلوبـي وأنـا طلابـه
عهـدٍ علـى إنـي لشرّف داري= تـرك صبـيٍ مايـعـز تـرابـه
شوفوا دمي من حبها عنابي= وحماستي من ضوها شبابه[/poem]
الشاعر :
محمد بن حمد بن فطيس المري
العمر : 26 سنة
شاعر قطري شاب ،،
يمتاز شعره بالجزالة وسهولة توصيل الفكرة ،،
و سلاسة الربط في مواضيع القصيدة ،،
يشارك الآن في البرنامج الشعري المعروف
(( شاعر المليون ))
وقد كان خير من يمثل قطر الغالية . .
شاعرنا وصل للمرحلة القبل نهائيه
بعد ترشحه فوزه الكاسح الاخير على
3 من الشعراء كان أبرزهم السعودي فيصل اليامي
تمنياتي لشاعرنا بالتوفيق والفوز بلقب شاعر المليون
وهذه قصائده التي أمتع الملايين من المشاهدين في الخليج بها . .
(( ماني بمن ياتي ولا يدرى به ))
[poem=font="Simplified Arabic,5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
ماني بمن ياتي ولا يدرابه= شطراً حفظته ماعرف كتابه
شطراً يناسبني لمثل الليله= وأشوفني في ذا المكان أولابه
أبتكل بالله ونعمٍ بالله=اللي مايوصد دون خلقه بابه
باقول واللجنه تقيم قولي= ومن كثرة الشعار ماني ابه
الحمد لله واثقٍ من روحي= وان كنت ذيبٍ فاالرجال ذيابه
ماأقول أنا أشعر واحدٍ فالدنيا= لكن قصيدي كفو وأنا أدرى به[/poem]
[poem=font="Simplified Arabic,5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
والشعر جمعنا لو تفرقنا= حدودنا وظروفنا الغلابه
الله يبيض وجه راعي الفكره=عزالله أنها تنحسب لحسابه
والله يبيض وجه من يرعاها= محمد الله يحفظه لحبابه
محمد ولد زايد عريب المجنا= ولي عهد الديره الخلابه
الشعر تاريخٍ لنا من مبطي= واعلامنا يوم السنين نهابه
الشعر بيتٍ والوزن عمدانه=معناه طنب وقافيته حجابه
والشعر وادي فيه صيد واجد= وكلٍ على الوادي يهج ركابه
الأفكار صيد وكل شاعر قانص=وكلٍ يدسم شاربه مخلابه
أحدٍ خياله حر و احدٍ وكري= واحدٍ خياله كوبج بقطابه
وأنا خيالي كل ماهديته=حول على الوادي وصاد عقابه[/poem]
[poem=font="Simplified Arabic,5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
شاركت أمثل ديرتي وربوعي=وكلٍ يمثل ديرته واقرابه
والله إلا الله راد والله قاله= إني لاسلمها الفخر واكتابه
داري قطر وأنا هنا أمثلها= المجد مطلوبي وأنا طلابه
عهدٍ على إني لشرّف داري= ترك صبيٍ مايعز ترابه
شوفوا دمي من حبها عنابي= وحماستي من ضوها شبابه[/poem]
[poem=font="Simplified Arabic,5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
شاعر خليجي والعروبه بيتي= والبيت ماياقف بدون أطنابه
وان عودة بين القبايل فزعه= أنشهداً لي فاللوازم لابه
لي فالقبايل ربع واقدرهم=ماني بمن يجهل مقام أصحابه
وان عودة لاصلي فاأنا أصلي مري= من صلب يام أهل القنا وخضابه
قومٍ لنا فوق المعالي بيرق= والسيف قوة سلته بانصابه
الشعر طوقني وانا طوقته=قمت أتمشابه وافك أبوابه
يابنت ياللي تفرقين بعودش=ماألومهم لو كثرو الخطابه
لامر بش دربش على خلق الله= قالوا كذا باالأصبع السبابه[/poem]
[poem=font="Simplified Arabic,5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
زينش يزينه فعل ابيش وجدش=وانتي بدورش للنقا كسابه
قومي تباهيبي وفلي راسش =عليش من ستر الشرف جلبابه
وان ماسترتش بالفعول وباسمي=فعقبني الفنجال ياصبابه[/poem]
لإستماع القصيدة هذا الرابط للجوال :
http://www.alsh3r.com/files/bloto/(26).3gp
= = = = = = = = =
قصيدة
(( بنت صوغان ))
[poem=font="Simplified Arabic,5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
في شاعـر المليـون للشعـر مضمـار=والسابقـه فـي الشـوط تظهـر بيدهـا
ومضمريـن بكـار الافكـار شـعّـار=وكـل ٍ يحضـر بكرتـه فـي وعدهـا
والـي تـردت لا يـدور لهـا اعـذار=معـذورة ٍ مـا دام قــد ذا جهـدهـا
واللي تعوص وتضرب الحاجـز يسـار=تشـل فـي الدنـه وتـرجـع بلـدهـا
وانا محضـر بنـت صوغـان الافكـار= مـن حبهـا عنـدي تفـحـم وحـدهـا
ان جارها الله مـن صواديـف الاقـدار=جاتـك وجـاك الجيـش كلـه بعدهـا
الله عليهـا مـن مقـاريـد الانـظـار= وصلـت تحسـك مـا غشاهـا زبدهـا
وتلقفوهـا بالعـلـم رمــز وشـعـار=وصفـق لهـا منهـو بعينـه شهـدهـا
ومرو بهـا تـو المنصـه كمـا الطـار= يالـي تزعفرهـا مـن الطـاس زدهـا
شبهت بالهجـن الاصيـلات الاشعـار=وقصيدتـي تــراث اهلـنـا مـددهـا
أعتز بـه واقـف لـه جـلال وكبـار=واحة شرف يـا سعـد منهـو وردهـا
أغلا ابلنا في ماجب الضيـف والجـار=يحلـب لبنهـا قبـل يـذبـح ولـدهـا
وتراثنـا مـن دونـه نبيـع الاعـمـار=وبفعالنـا روس المعـالـي صعـدهـا
واليوم ضاق الجو مـن كثـر الاقمـار= تبـث حقـد الـي لحـقـده رصـدهـا
غزى الشعر قبل امس غازيـن الافكـار= قـوم ٍ علـى الساحـة دفعهـا حسدهـا
تلقفوها ثـم جـاوا مـن كـل الاقطـار= هـذا يصبحـهـا والاخــر هجـدهـا
هـذا يحـرف بـالأدب سـر وجهـار=وهـذاك يذبـح موهبـه فـي مهـدهـا
واقفوا على ابل الشعر في وقت الاسحار=غاروا على الساحـة وعـروا جسدهـا
وصاحت بعد ما شافت ان سترها طـار= و وقـف ولـد زايـد محمـد سعدهـا
قـال ابشـري بالستـر وبـردة الثـار=واضفـا عليهـا سترهـا مـا نشـدهـا
واستـل سيـف ٍ فالمواجـيـب بـتـار=واطلب ورد البـل علـى مـن فقدهـا
على خطـى زايـد خطاويـه مـا بـار= والحاجـه الـي فـي خيالـه وجدهـا
اغنى العرب من شوف اكاديمي ستـار= و من شوف امر من السخافـات وادهـا [/poem]
شفت الشعـر بستـان وابوابـه ازهـار= وقطفت مـا يسقي مشاعـر شهدهـا
قطفتهـا مـن ديـرة ٍ تنبـت احــرار=مـن دار ابـو مشعـل ذراي وسندهـا[/poem]
رابط القصيده فيديو :
http://www.alsh3r.com/files/ywn/fa5.rm
تقييم لجنة التحكيم فيديو :
http://www.alsh3r.com/files/ywn/fa_5.rm
رابط القصيده بنت صوغان (( فيديو للجوال )) :
http://www.alsh3r.com/files/bloto/fa77.3gp
رابط قصيدة الغزل (( فيديو للجوال )) :
http://www.alsh3r.com/files/bloto/fa73.3gp
رابط قصيدة الحكمة (( فيديو للجوال )) :
http://www.alsh3r.com/files/bloto/fa81.3gp
واللي يبي يفهم طريقة المسابقه في الحلقات القادمة
الآن احنا في المرحلة الثانيه
طريقة المسابقـة .. المرحلة الثانية تستمر من الحلقة 7 إلى الحلقـة 12
كل حلقـة أربعة متسابقيـن يتأهل منهـم متسابق واحـد فقط
المرحلة الثالثة .. في الحلقـة 13 ..
المتسابقيـن 6 .. يخرج من المسابقة متسابق واحـد فقـط
المرحلـة الرابعـة .. في الحلقة 14 ..
المتسابقيـن 5 .. يخـرج من المسابقة متسابقين اثنين فقط
المرحلـة الخامسـة والأخيـرة .. في الحلقة 15
المتسابقيـن 3 فقط .. واحـد فقط يحصل على المليـون
كل امنياتي التوفيق والنجاح
لـ شاعر قطر
محمد بن فطيس المري
...
بقلم وأخراج الأستاذ إنتعاش مدير منتديات شبكة الأسهم القطريه
منقــول من نفس المصـدر
يتبع
تعليق